الله يوفقكم يارجال وش الحل تكفون!!!

[مــطــنــوخ]

بسم الله الرحمن الرحيم

السلام عليكم ورحمة الله وبركاته

يالصقاقير طيري مدري وش بلاه بس من اليوم عقب صلاة التراويح تغير ميه وثمانين درجه
الي به الله يجيركم الطير لايقف على كفوفه ياقف على مرافقه الله يعزكم مثل الكلب وهو جالس
ولا له نفس وكلته غصب عنه ويغمض عيونه شوين ولايقوى يكفخ بجنحانه الا الشي البسيط جداً وصار جلوسه مثل البطه صار كنه دجاجة
وديته لطبيب الساعة عشر في الليل وعطاه حبوب يقول انها مضاد حيوي لون الحبوب بنفسجي وأبيض وحقها عشره ريال
ويقول كل يوم بعد صلاة العشاء عطه حبتين واليوم عطية ولا لاحظت تغير ابد بس الي شد نظري ان الطير ذرقه الله يعزكم مثل الماء ولونه ابيض على صفار واجد شوي يعني مقدار ربع كاسه
عاد والطبيب يقول انت وش مسوي فيه قلت ابد ماعلفته لي اربع ايام ابد ابد ابد
لاأن اخر مره دعيته فيها ماش وسط وقالي الدكتور يمكن الي فيه جوع وتعب والاعصاب عنده مرتخية

ملاحظة:الطير شيهان جبلي فرخ
تكفون ياجماعة الخير المرض هذا وشهو وشسمه؟؟
وش علاجه تكفون ؟؟؟



لاهنتو يالقروم

[ابو سلطان العتيبي]

وعليكم السلام ورحمة الله وبركاته

اخوي مــطــنــوخ

على حد معرفتي البسيطه في الطيور اقولك ان مرض طيرك أسمه الجوع

والله اعلم وهناك اخوة اعزاء لهم خيرتهم في الطيور مثل الأخ المري والأخ ميراج والأخ ابوعايد

وكثير لايسعني الأن ذكرهم.

فاذا كان هذا اللي في طيرك وهو الأقرب عليك بأعطاءه طيور صغيره او فروخ حمام وتكون طازجه

وبدون عظم او ريش ولا تكثر له في كل وجبه والأحسن تغديه وتعشيه حتى ترد له عافيته.

والله يشافيه

اخوك/ عقاب

[مــطــنــوخ]

سلام عليكم

هلابك اخوي عقاب
بس الحمدلله الطير اليوم احسن شوي ياقف شوي على رجليه
بس الي محيرني عيونه ماش تقل انهن مهن مثل اول نوب يسكرهن ونوب مايفتحهن كاملات وتغيرت شكل عينه بس شي بسيط
وبعدين من امس الله يعزكم وهو يصرف بس تصريفه مهو الي انا اخبره مثل ماشرحت لكم بكلامي اول ويخوي الاكل الي بفندوته من امس وهذا شكله يعني يصرف ولا تخف الفندوه
وبعدين يخوي يعطش واجد من امس شربه للماء كثير

لاهنت يالقرم على مرورك ولانستغني عن نصائحك
وعن نصائح الأخ المري والأخ ميراج والأخ ابوعايد


بنتظار ردودكم الكريمة !!!




لاهان كل قرم مر على موضوعي

[خصيم الوقت]

السلام عليكم ورحمة الله وبركاته


حياك الله يامطنوخ انا عندي مثل طيرك كان دعوه ماهو زين وجو عته اربع ايام


وصار يغمض عينيه ولا يقوا الحركه من شدت الجوع وقمت وعطيته قطعة كبدت تيس


طازج مقداراصبعين وبعد ها بست ساعات دعيته وعطيته ثنادي حمام طازج وجبه كامله


وبعدها صار دعوه من اعز مايكون وله رغبه شديده في الهدد ولله الحمد


وشكرا :good:

[مــطــنــوخ]

وعليكم السلام ورحمة الله وبركاته

الله يحييك اخوي خصيم الوقت
اجل طيرك تعدلت اموره مشاءالله الله يلبسه العافية ويلبس راعيه
طيب الا الدكاتره البيطريين ماينفعون ؟ والنافع الله

بنتظار ردودكم الكريمة !!!

لاهنت على مرورك يالقرم

[ابو عايد]

السلام عليكم ورحمة الله وبركاته

أخي مــطــنــوخ

وارجو الرجوع الى بريدك

وتقبل تحياتي // العاشق الولهان

[ميراج]

السلام عليكم ورحمة الله وبركاته

الأخ المطنوخ إذا كان اللى فى طيرك مهوب هزل وده لمستشفى الأمير فهد بن سلطان إذا كنت فى الرياض

فى مخرج 9 خلهم يحللون الطير وإذا كان هزل غده وعشه هبر ولا تكثر له ينتخم

تحياتى

[عزالخوي]

السلام عليكم
الاخ العزيز/ مطنوخ - كما تفضل الاخوان فالغالب ان سبب مرض طيرك الجوع تذكر يااخي ان الشيهان لايحتمل ان تتركه بدون علف 4 أيام ولذلك يسمى(ابو ليله) ولاتعتقد انه مثل الطير الحر في تحمله للجوع والبرد. اقترح ان تنتبه لموضوع المضاد الحيوي فقد يزيد الامر سؤا-ومثل ماتفضل الاخ العزيز /ميراج الاحسن ان تعمل تحليل للطير قبل الاستمرار بالمضاد.
لك وللجميع اطيب تحيه.

[مــطــنــوخ]

وعليكم السلام ورحمة الله

ألإخوان

ابو فايز-ميراج-عزالخوي

ابو فايز وصلتك الظاهر رسالتي وعلمتك بكل شي !

ميراج لو انا بالرياض كان رحت فيه لم المستشفى لكن يابعده عني !

عزالخوي والله اني غلطت يارجال بعملتي له لكن توبه والف نوبه طيب يخوي المضاد يزيد الامر سوء ليه؟؟
وبعدين بديرتي مافيها مستشفى طيور مافيها الاأطباء بيطره بس 0




لاهنتو والله يالقروم على مروركم الكريم

[فارس العجمي]

السلام عليكم اخوي
انا الحين عندي طير يوم نقلة الطير من الربطه بشهر تقريبن
مو مثل طيرك لا يوقف بس تكرم انت والربع عن الكلام الشين مرشه مثل مرش طيركوهزال والطير معاده نفس قبل ناهض عمره لا انكمش وشان
ووديته البيطري وقالي طيرك يمكن فيه دود وعطاني احبوب كورس اعطيها الطير طبعن الطير صار احسن من قبل بس الحبوب الي عطانيها ارجعت عكسيه علي الطير قام يحذف ريشه وعلمة ابوي وقالي لا تعطيه الحبوب وخذاه الشايب وقام يعلفه بس في المعقول
وانا علمة الشايب عن طيرك وعلمني اني اقولك
ان الشيهانه ما تحمل الجوع اوو الشبعه يعني نص نص
ونصحني اقولك انك تعلفه يوم فريه ويوم حمامه يعني اتنوعله في العلف وتخلي العلف بدون ريش عشان ما تروبج وتوجعه
وبعد خمس او ست ايام وشفت طيرك تغير وتحسن علفه حمامه او فريه وخله يعلف منه ولا تنتفها له عشان يروبك
واذا ما تحسن علي في الدكتور الي في البحرين
اخوك قرناس الجزيره

[ابو عايد]

السلام عليكم ورحمة الله وبركاته

فيه موضوع يتكلم عن الشواهين في المواضيع المتميزه

يا اخواني ترى من الغلط تجويع الشهانه ... اكثر من يوم !!!!

يوم تحرمها ويم تكرمها فهذا رفع الوزن وانقاصه يسببلها الموت

وهذا تجربه قد تعلمت منها من غير الامراض الي تصيب الشواهين

وتقبل تحياتي // العاشق الولهان

[مــطــنــوخ]

وعليكم السلام ورحمة الله

قرناس^الجزيره-ابو فايز

اخوي قرناس اشكرك على سؤالك لشايب واتعبناك معنا لكن بتبع نصايح الشايب يعل الله يشفيه

اخوي ابو فايز انا يخوك غلطت وانتكست على راسي لكن هذا درس والا يوم فكرت فيها عدل شيهانه اجوعها اربع ايام !!
لكن الله يشفي طيري وكل طير مريض
ويلبسكم العافية والايمان

لاهنتو والله يالقروم على مروركم

[مــطــنــوخ]

السلام عليكم ورحمة الله


ياجماعة الخير خلاص تعبتكم معي
والطير ارتاح راحه تامه (مات)
والله يعوض



فمان الله

[ابو عايد]

وعليكم السلام ورحمة الله وبركاته

ابشر بالعوض يالغالي أخي العزيز مــطــنــوخ

وتقبل تحياتي // العاشق الولهان