ايهما ستختار خيمة البيرق او الفرسان

[ابوناصر426]

السلام عليكم ورحمه الله وبركاته

مساكم الله بالخير

مع دخول موسم الكشتات والتخييم، ذهبت امس لزيارة القاضي للخيام، فوقفت محتار بين خيمة البيرق 4*4 طبقتين سعرها 1550 وبين خيمة الفرسان 4*3 ثلاث طبقات سعرها 1650، وقمت بمقارنة الخيمتين وخرجت بالتالي

خيمة البيرق
السعر: 1550
التركيب: تركيبها سهل ولا تحتاج الا لشخص واحد
السمك: طبقتين ودافية
العيوب:دخول الماء من الباب الكبير
الميزات: شكلها الجميل وسهولة تركيبها
الوزن: 50 كيلو


خيمة الفرسان
السعر: 1650
التركيب: تركيبها اصعب من البيرق تحتاج شخصين وذلك لكثرة اعمدتها
السمك: ثلاث طبقات ودفئها ممتاز
العيوب: كثرة اعمدتها
الميزات: خيمة وسيعة ولا يوجد فيها عمود في الوسط وهذا جعلها اوسع واشرح من البيرق.
الوزن: 60 كيلو

ومازلت محتار بين الخيمتين، فكرت بان اخذ خيمة البيرق واستخدم الشراع الازرق اذا جاء مطر عشان ماتخر، وفكرت مره اخرى باخذ خيمة الفرسان وتحمل كثرة الاعمدة في مقابل وسع الخيمة، ومازلت محتار، مع العلم بان اعضاء الكشتة من اربع اشخاص الى 6 .

وش رايكم يالربع

[سعود الحربي]

عليك بخيمة القاضي زوينه حييل

[الخلف2010]

وعليكم السلام
الاخ الغالي ابو ناصر

موضوعك شيق
عليك بخيمة القاضي و اسئل مجرب:good2:
و الاختيار لك:)
اخوك الخلف

[ابوناصر426]

عليك بخيمة القاضي زوينه حييل

مرحبا سعود
انا ابحث عن الخيمة الخفيفة الي يشيلها اي موتر وخيمة القاضي كبيرة وتحتاج وانيت

[ابوناصر426]

وعليكم السلام
الاخ الغالي ابو ناصر

موضوعك شيق
عليك بخيمة القاضي و اسئل مجرب:good2:
و الاختيار لك:)
اخوك الخلف


مرحبا بالاخ الطلحة

مشكور على التوصية
ومثل ماقلت للاخ سعود
انا ابحث عن خيمة سهلة التركيب والشيل والحط، وخيمة القاضي كبيره وسعرها غالي وتحتاج وانيت عشان اشيلها فيه، ولكن خيمة البيرق والفرسان تشيلها شنطة الاكسنت:D وتركيبها اسرع من خيمة القاضي

[الحظ]

بو ناصر

كل عام وانت وجميع المسلمين بخير وصحة وعافية ... وعسى الله يعيده علينا وعلى الجميع
بالخير والبركة ..

بخصوص المشورة ..

والله العظيم إن الثنتين عندي البيرق والفرسان ..

وتبي الصراحة خذ البيرق ولا تفكر والله إن أم العيال عندي تنصبها لحالها إي والله .

وإذا بغيت الدفاء يا بعدي خذ البيرق أم ثلاث طبقات بس إنها غالية شوي .
أما إذا فيك حيل تشيل وتحط و تبهذل نفسك بالشد والمد فخذ الفرسان والله يعينك عليها .

هذا وللجميع أطيب تحية ...

[ابوناصر426]

بو ناصر

كل عام وانت وجميع المسلمين بخير وصحة وعافية ... وعسى الله يعيده علينا وعلى الجميع
بالخير والبركة ..

بخصوص المشورة ..

والله العظيم إن الثنتين عندي البيرق والفرسان ..

وتبي الصراحة خذ البيرق ولا تفكر والله إن أم العيال عندي تنصبها لحالها إي والله .

وإذا بغيت الدفاء يا بعدي خذ البيرق أم ثلاث طبقات بس إنها غالية شوي .
أما إذا فيك حيل تشيل وتحط و تبهذل نفسك بالشد والمد فخذ الفرسان والله يعينك عليها .

هذا وللجميع أطيب تحية ...

حيالله الحظ
تراني مانيب بعيد عن البيرق:D، بس غاثني مسالة الماء، وجاذبتني بتركيبها السهل والسريع، بس انا يوم جيت القاضي ماحصلت عنده بيرق ثلاث طبقات عند طبقه او طبقتين!!، بتصل عليهم واشوف، وبالنسبة لخيمة الفرسان تركيبها شغلة، بس وسعها ونفاحتها تجذب.

ومازلنا نفكر:D

[عزبة بر]

كانه بخصوص الماء
شراع خفيف يحل المسألة وانا اوخوك
:)

[لاتكب البيالة]

السلام عليكم
انصحك بالفرسان بقوة وتركيبه سهل اذا عرفت له
ثانيا تاخذ خيمة 3*4 ب 1600 والله حرام
رح لسوق الخيام بالغرابي وشف فرق الاسعار

[ابوناصر426]

كانه بخصوص الماء
شراع خفيف يحل المسألة وانا اوخوك
:)

كلامك سليم يالذيب
ومشكور على النصيحة

[ابوناصر426]

السلام عليكم
انصحك بالفرسان بقوة وتركيبه سهل اذا عرفت له
ثانيا تاخذ خيمة 3*4 ب 1600 والله حرام
رح لسوق الخيام بالغرابي وشف فرق الاسعار

الفرسان زينة وشينة، زينة لوسعها وشينة لسعرها وكثر حديدها
مشكور وماقصرت على النصيحة

[yuoare]

اخوي ابوناصر
بخصوص موضوع تسريب الماء انا رحت لمعرض القاضي بمخرج 11 على الدائري الشرقي الرياض ، ووجدت في مدخل المعرض خيمة البيرق
وفوقها مايشبه دش الماء يشغله لك العامل ويصب الماء على الخيمة
ولم اشاهد وجود تسرب , واعتقد انهم عملو ذلك لتأكيد مدى
الجودة او المقاومة للماء .

[ابوناصر426]

اخوي ابوناصر
بخصوص موضوع تسريب الماء انا رحت لمعرض القاضي بمخرج 11 على الدائري الشرقي الرياض ، ووجدت في مدخل المعرض خيمة البيرق
وفوقها مايشبه دش الماء يشغله لك العامل ويصب الماء على الخيمة
ولم اشاهد وجود تسرب , واعتقد انهم عملو ذلك لتأكيد مدى
الجودة او المقاومة للماء .


مرحبا
بالنسبة للدش اللي حاطينه فوق خيمة البيرق فيجب ان تنتبه له زين، لانه جاي بشكل دائري فوق الخيمة، لكنه يصب مع الجوانب ومن الخلف، لكن الباب الكبير مايصب معه، لانهم سادين نصف الماصورة من الامام لجل ماتنزل الموية على الباب الكبير، لانها لو تنزل بينزل الماء مع الجوانب وبيدخل الخيمة، واذا كنت في البر وجاء المطر بشكل جانبي بيدخل الماء في الخيمة خصوصا اذا الباب الكبير مفتوح، لكن لو الخيمة مسكره مايدخلها شي.

[مستشار لا يشار]

برايي فكرة الشراع فوق الخيمة أفضل مع خيمة البيرق

أخوي سعود الحربي أظاهر أبوناصر لما شاف
الكراسي اللي عندك في التوقيع غير راية
لا البيرق ولا الفرسان (كراسي الحربي)

[دكتور بر]

مرحبا بالاخ الطلحة

مشكور على التوصية
ومثل ماقلت للاخ سعود
انا ابحث عن خيمة سهلة التركيب والشيل والحط، وخيمة القاضي كبيره وسعرها غالي وتحتاج وانيت عشان اشيلها فيه، ولكن خيمة البيرق والفرسان تشيلها شنطة الاكسنت:D وتركيبها اسرع من خيمة القاضي



أخوي أبو ناصر وكلامك على متمه
من أكبر ميزات البيرق صغر حجمها بعد إدخالها في الجراب
فالطول تقريباً لمقاس 4×4
120 سم
والارتفاع تقريباً 45 سم
والعمق تقريباً 45 سم
فأي سيارة ولو صغيرة تشيلها
وهذا من تجربة شخصية



فخذها ولا تسل...

[ساقان]

اذا رحلاتك مع مجموعه 3-4 واكثر وش يمنع التعب شوي بخيمة الفرسان ... والتمتع بسعتها وعدم وجود عمود بوسطها .. وتحس أنك بخيمه .. أما البيرق ماتعجبني أأأأبد

[راعي الطلعات]

خيمة الفرسان من مجرب ممتازه وتاخذ 6 اشخاص بالراحة
بس عمدانها كثيره مثل ما قالو الشباب ويبيلها ونيت على الاقل وتركيبها سله بس تحتاج 3 اشخاص اقل شي لينصبو الخيمه في وقت قياسي

بس افظلها على البيرق ومثل ما يقولون اشتر راحتك

[ابو هارون]

خذ الراي لا تتعدى خيمة البيرق ونا اخوك
سهلة التركيب وخفيفة الوزن وانا بصراحه كنت عند القاضي يوم الخميس
واخذت وحده ب1550 ويقول اللي يبيع بالمحل لو جيت امس ماحصلت شي
عليها طلب عجيب واحساسي انك بتأخذها بنسبة 80 بالميه
ولا تنسى تعزمنا ؟

[altheeeb79]

أنا جربت البيرق ولا يعلى أعتقد عليها خفيفه وسهلة التركيب

[الجيب عز]

أخوي أهم ميزة في أي خيمة أنها تكون عملية من حيث التركيب ووزنها معقول ،،،
وهذه الميزة متوفرة في البيرق ،، أنا أخذتها وجربتها في أيام العيد حلوه وعملية وسهلة التركيب ،،أما سالفة التسرب فهذا غير صحيح ،،مع العلم أني أخذت طبقة واحدة ،،واللي يقول أن المطر يجيك من باب المظلة فكلامه غريب !! لأن إذا جاء المطر طبيعي أني سكر باب المظلة وبكذا لا مطر ولاغيره يدخل عليك اللي أخذتها 4#4 تشيل ثمان أشخاص وتمشي داخل الخيمة بدون (تطمن )راسك وهذا مهم،،شوري عليك بالبيرق.

[أبو الحارث 4]

السلام عليكم عندي خيمة الفرسان ، دفء ، سعة، أمان من تسرب المياه، ووزنها 50ك وليس ستين ، لكن عيبها نصبها ، يحتاج لربع ساعة إذا كلن معك عدة اشخاص ،والله يختار لك الصالح .

[مقلع الرمث]

خذ البيرق ولا تفكر وبالنسبه لدخول الماء مع الباب الكبير انا نصبتها كذا مره ولا دخل علينا مطر ولا حاجه الا اذا مانصبتها اكويس

توكل على الله وخذ البيرق عندي نفسها 4 في 4

[ابوناصر426]

السلام عليكم
صبحكم الله بالخير

اشكر كل من شارك بهذا الموضوع، ومن خلال الاراء المختلفة، ازددت قربا من شراء البيرق، واخوكم عزم النية على شراء البيرق 4*4 والله يكتب اللي فيه خير

[نيشان811]

موضوع رائع اخوي ابو ناصر

اذا عزمت على خيمة معين اتمنى تفيدن عنها

لاني بصراحة ابي اخذ مثلك خيمة للكشتات

تخبر هالايام الاجواء تجنن وانا بصراحه ابي خيمة تكون بالسيارة

وتكون خفيفة وانصبها لحالي . .

شاكر ومقدر للجميع

[zooom_uae]

هلا اخوي بوناصر اظن ان الشباب ماقصروا في ملاحظاتهم وانا بقولك من واقع تجربتي لاني املك البيرق والفرسان واشوف البيرق احلى واسهل وانصحك بالبيرق 5*5 صدقني مابنتدم من سهولة النصب والفك والتخزين وجربتها في رحلة عيد الاضحى الى سلطنة عمان في المنطقة الشرقية وكان الجو بارد جدا :r والخيمة كانت دافية :good2:
ومساحتها واسعة تكفي ثمان اشخاص للنوم بالراحة ويوجد مشمع بالارضية ضد الماء والحشرات وسعرها عند القاضي 1860 ريال وتقبل مروري الله يحفظك

[ابو باسل]

اخوي : انا عندي خيمة البيرق 4.5*4.5 ممتازة وخفيفة وعملية جداً
أثنين من ابنائي اعمارهم دون 15 سنة ينصبونها في عشر دقائق
اقول خذها وأنت مغمض ماتندم عليها