المساعد الشخصي الرقمي

مشاهدة النسخة كاملة : من واقع تجربة 95 او 91 (تفضل)


أبوضيف الله
06/12/2009, 04:24 PM
السلام عليكم ورحمة الله وبركاته
ياشباب هذي من واقع تجربة
انا اعبي بنزيين 95 وفضى البنزيين وكنت حول ديرة مافيها الا بنزيين 91 المهم واعبي من البنزيين وانا متخوف ناس يقولون يخفف العزم وناس يقوولون يخرب المكينة وناس تقووول.....
لكن؟؟؟
ماحسيت بالفرق ولا شي نفس العزم ونفس القوة والاداء
لكن السؤال هل يفرق بعديين؟؟؟؟
وانا والله استمرييت على 91 لانه يفرق على كل تعبية قرابة 15ريال وانا اعبي كل يوميين
هذي التجربة حصلت لي شخصيا وارجوا من لديه خلفية او فكرة ان يطرحها وله منا الدعاء والشكر لكي تعم الفائدة لمنتدانى الغالي......
نسيت الموتر باترول 2007
شامخ ألهيلا
06/12/2009, 04:32 PM
اخوي لاتهتم في خلط البنزين وتغييرة
الا اذا واجهت ضعف في المكينه
واذا كان موترك مهئيه الاساس لي 91 وعبيت 95 فانك تخسر المال ولاتستفيد شي << حسب منشورة شركة ارامكو
لاكن الاحظ ان 95 اقل في الصرفية والسواد في الشمكان يخف فقط
وانا اعبئ في البلد 91 وفي الخطوط 95
مدري علامي
06/12/2009, 04:42 PM
ما اخفيك سر يا خوي
موتري يوكن 2001 اول ما شريته شيكت على كل شئ يعني كمبيوتر
الحمد لله طلع الموتر طيب
استشرت في البنزين قالولي اللي معهم يوكن عادي تعبي اي نوع ما يفرق قلت اجرب النوعين ما دام الوضع عادي
بديت بـ 95 واستمريت فتره بعدها حولت على 91 وبعد اقل من سنه وانا في اجازه انطفا على الموتر فجأه قبلها طلع لي في لوحة الرسايل اللي بالطبلون شيك مستوى الزيت وانا توني مغير الزيت ماله اسبوع بصراحه خفت
ما حركت الموتر في مكانه على طول شيكت الزيت طبعا طلع من جد ناقص مدري وش السالفه قلت يمكن طرمبة الزيت خربت
شيكت عليه كمبيوتر طلعت طرمبة البنزين خرباااانه وطرمبة الزيت ما شاء الله عليها
ادري اني شطحت من الموضوع بس هذا اللي صار

بعدها نصحني المهندس لا تعبي غير 95

اعتذر على الطاله
VIP-503
06/12/2009, 04:45 PM
والله انا من ناحيتي معي باجيرو ربع موديل 99

امس قلبتة على 95 والحمد للة تمام التمام

والمشاكل الي تواجه مع 91 هي

الشكمان يقلب اسود

الموتر يترتر

وكنة يكتم في الشكمن مثل ترترترترترترترترتربوبوترترترترتربوبوترترترترتربوبو هذا مثال اقرة ويطرع لك الصوت هههه

ولكم تحياتي
VIP-503
06/12/2009, 04:49 PM
ونسيت اقول لكم البنزين الاخضر يطير تقول ما

عاد انا راعي دوجة من محل لمحل تعرفن يحب الاستطلاع

و اليوم مغطت الموتر اكثر من محل والحمد لله تمام ما نقص غير شي بسيط اما الاخضر ما يمديك تاخذ عشر لفات الا ثلث التانكي رايح

على العموم ما تخبرون لي كفرات <<< شطحة قوية بس الله يعين

تحياتي لكم
أبوضيف الله
07/12/2009, 12:15 AM
مشكووورييين على المرور والوردود ياشباب
العابر
09/12/2009, 11:40 AM
غريبة يا اخوان ليه نصدق كتالوج المصنع في كل شي الا في البنزين والزيت

اذا الكتالوج يقول لك عبي 91 تقول (لا) اخاف يضر السيارة ، ولا قاعدة الغالي احسن هي اللي نطبقها دائما.

وبعد المصنع يقول لك غير الزيت كل(5000)كلم او(10000)كلم وتقول يلعبون علي وان ابو يمن يقول كل2000 كلم او 3000كلم بالكثير
شي مافهته

انا اقول الكتالوج هو الفيصل في كل شيوما حطوه الا بعد دراسات وابحاث كثيرة ويهمهم المحافظة على السيارة لانها سمعتهم وتأثر على صلاحية السيارة وسمعتها في السوق
ولد الديره 2
09/12/2009, 12:14 PM
البنزين 95 لايعلا عليه من واقع تجربتي كان معي بليزر باب واحد موديل 94 اعبيه 91 47 ريال مايمشيني 250 كيلو ثمين بدلت الا 95 ضبط معي الوضع وعبيه 95 65 ريال سار يمشني مسافات طويله وراحت منه اتفته بعد فصل البطاريه مدة نصف ساعه هاذ بنسبه للبلير واليوكن
استغفر الله العظيم الذي لا إله إلا هو الحي القيوم واتوب اليه


استغفر الله العظيم الذي لا إله إلا هو الحي القيوم واتوب اليه
HAS5SAN
09/12/2009, 10:37 PM
لا فرق بينهما
ودعاية ارامكو تقول
خلك ذكي لما تعبي
turke2545
09/12/2009, 10:57 PM
السلام عليكم ورحمة الله وبركاته
انا مناحيتي شفت فيه فرق بين 91 و 95 انا كنت اعبي 95 خاصه الباترول ولا يبين الا في النفود برود في العزم قووووة يبرد واقول الكلام من واقع تجربة
بدوي جنوبي
10/12/2009, 12:07 AM
بنزين 91 يخرب جلد البلوف
H5N1
10/12/2009, 12:59 AM
أنا معي يوكون استعمال أمريكي وكنت أستخدم بنزين 91 وكان عزم الموتر ضعيف ولازم أدعس الدعسة كاملة علشان يفز الموتر
وبعد ما غيرت إلى 95 تغير الوضع وصار عزم الموتر أحسن خاصة في القومات والتجاوز وطلوع الرمل والفرق 14 ريال .
ذيب النجيل
10/12/2009, 12:51 PM
انا معاي صالون gx 1997 واعبي احمر 95 من يوم طلعته من الوكالة ومافيه الى العافيه

وقبل سنه اخذه اخوي وصارمعاه حوالي 6 شهور وكان بال6 شهور هذي يعبيه بنزين اخضر 91

المهم رجع الجيب لي بعد ال6 شهور والله لايوريك تفتفه ودخان اسود وافك الكلبريتر واحصله موسخ من جوا

وفيه مثل الجير لونه اخضر غامق على اسود وانضفه ببخاخ اسي ديلكو والحمدلله

وبعدها ماعاد اعبي بنزين اخضر 91 ابداً

وباعتقادي ان البنزين الاخضر ليس مناسب للكربريتر بل مناسب للبخاخ فقط
الكونترولCONTROL
10/12/2009, 01:10 PM
حسب اعتقادي : لست انا من يفضل !!! إنما من صنع السيارة هو الذي يحكم !!
طبعا كنت أسمع بعض الناس يقولون لا تعبي الا أوكتين 95
بينما وجدت في تعليمات السيارة Vxr 98 أنها تعبأ أوكتين 91
جربت مرة واحدة و عبيت من اوكتين 95 و النتيجة أني دفعت الثمن قليلا !!
و كدت ادفعه غاليا لولا لطف الله ... مرة واحدة جربت و غيرت
على حسابها البواجي و احد الكويلات و كلفني قرابة 500 ريال !!
و لو كان كلما ارتفع الأوكتين كان البنزين افضل لقلنا نعبي
أوكتين 100 المخصص للطائرات يمكن يخلي السيارة تطير !!
الإستراتيجي
10/12/2009, 01:28 PM
البنزين الأحمر لا مشاكل عليه


لكن الأخضر فلي وقفات معه ولا أدري لماذا خرب طرمبة البنزين لدي ؟


لدي مواتر أستخدمتها كل موتر ينصح بالأحمر 95 و الكثير من المهندسين كذلك ؟؟


أنصح الجميع الإبتعاد عن الأخضر :eek:
الإستراتيجي
10/12/2009, 01:31 PM
الأخوان الكرام عندي إضافة بسيطة أيضا :


لدي شاشة في السيارة تبين مقدار البنزين للمسافة يعني كم تقدر تمشي في الطريق .

بنفس السرعة وجدت محطات أعبي بها أحمر كل البنزين إلي أعبيه أحمر لكن أستغرب مره أعبي فل يقول 450 كم

ومرة يقول 350

هذا الأمر إلي مستغربه علما أنه كله فل ؟