قير الفكسار

[الملاك الغريب]

السلام عليكم ورحمة الله وبركاته

اخواني موتري 2002م فكسار قير عادي .


مايقبل النمرة خصوصاً الريوس او اثنين الا بكل كلفة مادري وش السبة شيكت على الزيت ماهو ناقص ولافيه شي ووديته للورش هالعليمية مايدرون وين الله حاطهم .

الأمر بين يديكم اخواني ياليت تفيدوني .

[البيد]

غير دسك وكلتش تراه منها لاتعب نفسك

[دله وفنجال]

السلام عليكم ...

كلام اخوي صحيح يمكن من الكلتش والدسك ..

ويمكن من الطنجره تأكد منها لاتصير منتهيه ولا تقدر تنقل القوة الي جايه من المكينه للقير بسرعه ...


والله يعينك ...

[أبوتركي الخالدي]

شكلها الطنجرة الي ما سكه الفحمات في وسط القير

تلاقي صعوبة في ان القير يلقم النمرة لازم غصب

أو اطفي الموتر وتعشقه ثم تشغلة لين يوصلك للورشة

وان كانك ما غيرت الدسك والكلتش فغيرها جميع

[هواوي تعديل]

أخوي غير زيت القير وحط زيت أصلي من الوكالة
وأضف له علبة معالج صوت تلقاها عند إسي ديلكو 120 ملي تقريباً
وأصبر عليه شهر أنشاء الله يزين لأن المعاج يخففك الأحتكاك بين نحاسات التروس ويساعد باذن الله في التعشيق
وعموما الفكسار العايدي أثقل في التغيير من السيارات الثانيه
ملاحضه: الريوس أذا بغيت تعشقه حطه في الثاني قبل ثم في الريوس أسهل في التغيير