ماهي علامات السبق بالطيور...........صقار الأسياح

[صقار الأسياح]

السلام عليكم ورحمة الله وبركاته
اعتذر لكم عن الانقطاع بسبب موسم الحج والمقانيص والحمدلله الحباري واجد وكل صقار هد نعود للموضوع نبي علامات السبق بالطيور من النظره وخصوصاً الجناح هل الطير السبوق يجي جناحه قصير ام طويل ولكم جزيل الشكر

[دخنآوي]

طول الجنآح ودق الموسيـه .. ;)
والعلآمآت الثآنيه المنخر يكون وآسع
والذنيبه <يكون ريشهآ قصير

هذآ اللي عندي وآتمنى اكون مآخطآت بشئ

[ذراع الذيب]

السلام عليكم ورحمة الله وبركاته,,


مسيت بالخير ياصقار الاسياح والحمد لله على السلامه,,
علامات السبق في الطير عدة علامات وان كان تنشدنا,,
عن طول الجناح وقصره سبق الحرار في قصر جناحها,,
والشواهين في طولها وانفهاق الجناح له الميزه الاولى في ,,
السبق,,
منها عرض مناكبه,,
ومنها دق مواسيه على قول خوينا,,
ومنها التقاء الجناحين وتقاطعهما مثل المقص,,
مقدمه وثناديه بارزه,,
ووسع مناخره,,
علمنا وش رايك في انفهاق جناح هالحر,,
,
,
,
http://www.l44l.com/upfiles9/m1676899.jpg

[هواي داورد]

أخوي ازيد نقطة عن الإخوان

وهي عرض الطير كل مازاد عرضة كل مازاد سبقه

لان عرض الطير دليل على كبر حجم الرئة

مما يعطي الطير نفس أطول ...

وقصر الطير يزيد من سرعته

أكبر دليل المثاليث

أخوك : هواي داورد

[مدماك]

هلا بك اخوي صقار الاسياح موضوع جميل ويكتسب المهاره للجميع.....
طوول الجناح ويكون اطول من الذيل وارتكاز المناكب وعاري الريش ووسع المنخر وبروووز الثنادي والعرض ...هذي الي اعرفها ونشووف علم الباقين ...........اخوك مدماك

[أبو_خالد]

أعشق النداوي عريض الثنـادي * وسيع النحر والمخـالب قوية
من الريش عاري وعنقه سنادي * ينـومــس هداده بقـاع خليـة
هـداده ثـبـــات وطـلعـه وكــادي * ليا خيـش الخـرب يلعن ثويـه
طويل الموامي به الصـدر بـادي * عليه الصقاقيـر ترسل وصية

[poor]

الله يجزاكم خير

[ولد مساكن]

السلام عليكم ورحمة الله وبركاته
ذنبك مغفور و سعيك مشكور و الله يرزقنا

[yasser1389]

أعشق النداوي عريض الثنـادي * وسيع النحر والمخـالب قوية
من الريش عاري وعنقه سنادي * ينـومــس هداده بقـاع خليـة
هـداده ثـبـــات وطـلعـه وكــادي * ليا خيـش الخـرب يلعن ثويـه
طويل الموامي به الصـدر بـادي * عليه الصقاقيـر ترسل وصية

[صقار بنيوس]

اخوي جناح الطير اذا طار يكون خفيف

[صاحب نوماس]

تكملة على مقولة الاخوان


وهي الاهم ان يكون الطير مثندى اي ثنادية بارزة قدام

واهم شي مجس الطير يكون كانة جدار
ويكون قصير كراع وافجح ومسرول ولة عاتق ويكون عاري ريش اما بالنسبة للجناح لايفرق واجد قصير الجناح اذا هديتة يرتفع بسرعة اما طويل الجناح يمكن يتاخر بالارتفاع بس اذا ارتفع والله ليحلي قصير الجناح وراة يسبرة بالدربيل


والله يوفق


وهذي صوة لاحد طيوري ماشاء الله تبارك الله
http://www14.0zz0.com/2009/12/07/08/399174656.jpg (http://www.0zz0.com)

[@السيف@]

بيض الله وجهك موضوع شيق

[@قرناص@]

السلام عليكم ورحمة الله وبركاته,,


مسيت بالخير ياصقار الاسياح والحمد لله على السلامه,,
علامات السبق في الطير عدة علامات وان كان تنشدنا,,
عن طول الجناح وقصره سبق الحرار في قصر جناحها,,
والشواهين في طولها وانفهاق الجناح له الميزه الاولى في ,,
السبق,,
منها عرض مناكبه,,
ومنها دق مواسيه على قول خوينا,,
ومنها التقاء الجناحين وتقاطعهما مثل المقص,,
مقدمه وثناديه بارزه,,
ووسع مناخره,,
علمنا وش رايك في انفهاق جناح هالحر,,
,
,
,
http://www.l44l.com/upfiles9/m1676899.jpg



مـآقصرت وبيض الله وجهك ,,

[وكر1]

بصراحه ياصقار الاسياح سؤال مهم جداً وماقصروا الشباب مانزيد على كلامهم وتقبل تحياتي

[صقار الأسياح]

مشكورين على الردود والكلام الطيب ودنا الفايده تعم

[راعى شاهين]

صقار الاسياح السبق سهم خفى شرينا على اوصاف الرجال وطلع يطرد بس مهو السبوق وشرينا على خلاف ذالك وطلع سبوق فارط بس اقولك شى اشتر الى يلحق السوادى ولا تخاف ونس الحمام وخله على الشلو باذن الله الا يطربك لو تدفع ورق واجد طير واحد طيب ولا ثنين اوثلاثه ولابهن سنع واحد سلام

[مطامر]

صقار الاسياح السبق سهم خفى شرينا على اوصاف الرجال وطلع يطرد بس مهو السبوق وشرينا على خلاف ذالك وطلع سبوق فارط بس اقولك شى اشتر الى يلحق السوادى ولا تخاف ونس الحمام وخله على الشلو باذن الله الا يطربك لو تدفع ورق واجد طير واحد طيب ولا ثنين اوثلاثه ولابهن سنع واحد سلام


الكلام هذا صحيح :good: :good: :good: :good: :good: :good: :good:
ولنا تجارب كثيره مع الطيور السبوقه تتبت كلام اخوي راعي شاهين

[Al-grnas]

انا اقول كثير من الصقاقير يشتريله من السوق طير ويقعد عنده وقت وهو مايدري عن طيره هو سبوق ولا لا وخاصتاً الصقاقير (الجدد) او الي عنده دوام ولا جا بيبيعه قال (جناح الطير عادي) وهاذي مشكله ولا وش رايكم وشكرا ع الموضوع

[شاهين2]

شنو معني عاري الريش؟؟

[مغرم مقناص]

شنو معني عاري الريش؟؟


يعني

ريشه قليل ..

[دلوع الهوى]

بيض الللة وجيه الاخوان ماقصرووووووووووووووا

[ابوفلاح كويت]

السلام عليكم جميع
صقار الاسياح
حج مقبول وذنب مغفور
قبل الله طاعتك وكل مسلم
محد يقدر يجزم على الوحش يكون سبوق ولا ماهو سبوق
لكن تبقا الهقوات والهقوه اخت الاش مثل ماقالو الي قبلنا
المهم :: مواري الطير السبوق

الموامي واصله حد الشليل // ناسعن زوره وله دلقة جناح
عاري من الريش والعاتق طويل // (( وفي لوياتن تذكرني شلاح ))
والملامس طيبه وزنه ثقيل // ذاخره للي عجز عنه السلاح
والمثايل عايزه جنسه ثقيل //(( انت وشرايك احط اسمه فلاح ؟
وسلامتكم

[قنيص غير]

الاخوان ماقصرووووووووووووووا

[المغتر الهداد]

السلام عليكم اخذ الكلام الي يجمد على الشارب ولا يهونون الاخوان
طويل الموامي جناحه مايعقد مثل الزاجل بارز الثنادي عرضه اوفا من طوله هذا السبوق
اما الحاق غير السبوق الحاق الي هو يصمل على صيدته ومواريه كبر فتحت منخره وعرضه اوفى من طوله وموشرط يكون بارز الثنادي اما الطلاع له مواري عيونه كحف مجرد عيونه كحف يكون طلاع مع مراعات عاتق الطير يكون طويل وهذي ميزه من جمال الطير اما ان يكون الطير عرد يجب ان يكون هجر قصير الساق يكون الطير فيها هجر عرد مسكته لصيدته ماتفلت

عليك بالمغتر الهداد الي طرح الحباري مراده

[صقر الجزيره 1]

الله يعطيك العافيه اخوي صقار الاسياح يو عطيتنا موضوع انتناقش فيه
اول شي اطير الوحش وفقه من الله عز وجل
بس الواحد يسعى بالمواري مثل عرض الثنادي بارزه قدام تقل ثنادي كدري كبر منخره طول جناحه
قصر الشليل عرض الناكب
اما وقتنا هاذا اسبوق طير الحمام والله ياعندنا طير مايلحق حمام ادشي وبالحباره مايردف عليه لاطير ولاشاهين
والله يوفقنا وياكم بطير اطيب

[راع طلاع]

راعي شاهين صح لسانك سبق الطير سهم خفي والله أعلم:good:

[سبيعي نجد]

السلام عليكم ورحمة الله وبركاته
برأيي طول الجناح عند المطير والجرم له نسبه قليله لاعرض ازود من طول ولا ذنيبا ولامنخر ولا ريشه ولا عين بالنسبه للسبق.
اما باقي المواري اما العين جماليه للطير يعني الطير الي اكبر عين مع قحوف اجمل اما قصر الساق اجمل مع ان في رايي ايضاً ان طويل الساق يعلق الصيد افضل واسرع وكبر حجم الارضيه تساعد على قوة المسك عند الطير.....
والطيور توفيق احيانا طير سبوق طياره بس مايصمل ...

لازم اتوقع اللحوق يجتمع فيه اشياء وهي:
1- السبق.
2- الصمله.
3-والوزن الجيد للطير.
4- اللياقه .
5- الشطاره.
6- الارتفاع على الصيد.
وكل هذا الكلام في رايي وتقبلوا فلسفتي ههههههههههه.

[راع الطيب]

اخوي صقار الاسياح تقبل مروري والاخوان ماقصروا كل المعلومات اللي نعرفها قالوها والسبق علمه عند الله لاكن هاذي مجرد توقعات احيان تصيب واحيان تخيب

[الكايد 123]

افادوك الاخوووان

[سطام ابو سعود]

السبق سهم خفي والي يقول غير كذاء قلطان ولا كلن قناء لحاق با المواري بس المواري الحوق تصيب بعض الاحيان

[ربع نت]

السلام عليكم ورحمة الله وبركاته,,



مسيت بالخير ياصقار الاسياح والحمد لله على السلامه,,
علامات السبق في الطير عدة علامات وان كان تنشدنا,,
عن طول الجناح وقصره سبق الحرار في قصر جناحها,,
والشواهين في طولها وانفهاق الجناح له الميزه الاولى في ,,
السبق,,
منها عرض مناكبه,,
ومنها دق مواسيه على قول خوينا,,
ومنها التقاء الجناحين وتقاطعهما مثل المقص,,
مقدمه وثناديه بارزه,,
ووسع مناخره,,
علمنا وش رايك في انفهاق جناح هالحر,,
,
,
,

http://www.l44l.com/upfiles9/m1676899.jpg

افادك ذراع الذيب واضيف واقول
كل ماطالت ثريا الطير اللي تحت ذنيبااه وايضا
كل ماجاك اجبع يعني ذنيبا الطير تكون قصيره مثل الشياهين كل ماجاك اسبق
وايضا كل ماصغر ريش ظهر الحر ايضا من علامات السبق
يعني يكون قريب من الشياهين
وانشاءالله افدتك

[الشير]

الحمدلله على السلامه صقار الاسياح


اماعن الطير السبوق افا انا اقول ان السبق

سهم خفي
اماعن عن ماقال الاخوان بان المواري طول الجناح وعرض الطير
فاعتقد بانها تساعد الطير بالارتفاع وعندما يكون هناك مهب قوي يكون الطير العريض افضل من الطير اللي عرضه اقل من طوله وليس لها اي دخل بالسبق هذا من وجهه نظري