مشكلة الرجه وما أدراك الرجه

[ريلاكس]

السلام عليكم

يالله تحي اعضاء وزوار مكشات

ذاك اليوم ركبت لي جنوط من الغرابي تجاريه طبعا

وبدت ترج ورصصت وخفت الرجه وخليته كم شهر وفكيته

والمهم رجعت جنوط الوكاله كله بسبت الرجه

والرجه لازالت موجوده طبعا خفيف رصصت حتى قلت بس

ونسيت اقولكم يوم اركب الجنوط وانا امشي اسمع صوت كأنه شيء يحك بالسياره بالهوب وماشبه ذالك << الجنوط حقت الغرابي

والحين اذا أكلت مطب صغير احس الموتر يهز الموتر يروح يمين او يسار

علما بأن المساعدات الخلفيه منفقعه يمين ويسار والامامي واحد منفقع الايمن

بنتضار ردودكم الله يجزاكم خير

[شامخ ألهيلا]

اخوي
رصص ارضي وترك ترصيص البناشر

[الكلاسك]

من واقع تجربه كان معي فورد رحت للغرابي واركب جنوط تجاريه المهم رحت لبو يمن قلت
كيف الجنوط عندكم ؟
قال: القنوط عندنا احسن قنوط بالعالم كولوه ما ترق ولا حاقه كول الناس تركبها ومحدش اشتكاها.
وانا يا غافل لك الله صدقته قلت ركب الجنوط وانا شفت الجنوط ترج اثناء الترصيص طبعا الرجه فوق تحت
وبعد ما كربتها كرهت الموتر يرج يرج واروح ارصص ارضي ولا في فايده
الزبده : لا تتعبث وتغير جنوط الوكاله وتركب جنوط الشوارع حقت الغرابي لانك لو ترصصها بيديك ورجليك ما راح تظبط ولا ينفع فيها ترصيص ارضي ولا علوي ولا حتى فضائي .
هذي نصيحه مهمه جدا لا تمر عليكم كلفتني الكثييييييييير وقت وفلوس وجهد ولكم تحياتي

[عنيد الجبيل]

السلام عليكم

يالله تحي اعضاء وزوار مكشات

ذاك اليوم ركبت لي جنوط من الغرابي تجاريه طبعا

وبدت ترج ورصصت وخفت الرجه وخليته كم شهر وفكيته

والمهم رجعت جنوط الوكاله كله بسبت الرجه

والرجه لازالت موجوده طبعا خفيف رصصت حتى قلت بس

ونسيت اقولكم يوم اركب الجنوط وانا امشي اسمع صوت كأنه شيء يحك بالسياره بالهوب وماشبه ذالك << الجنوط حقت الغرابي

والحين اذا أكلت مطب صغير احس الموتر يهز الموتر يروح يمين او يسار

علما بأن المساعدات الخلفيه منفقعه يمين ويسار والامامي واحد منفقع الايمن

بنتضار ردودكم الله يجزاكم خير

وش هو موترك طال عمرك
وكم موديله

وعلى العموم حسب وصفك وحسب تجاربي
اعتقد ان المشكلة عندك اما في البيرنقات او في المساعد حق الدركسون

[برق بريده]

يمكن اخوي من الصليبات او مساعد الدركسون

[الموسيقار6]

ياخي الجواب عندك انت تقول المساعدات متفقعه يعني لازم تغيرها ,,
والهزه من المساعدات تراها خطيره كيف تمشي على السياره وهي متفقعه مساعداتها تراها الله يستر
تسبب انقلاب ,,

[شكواي لله]

صح المساعدات تسبب انقلاب

لكن شف مشكلة الموتر لما تضرب مطب يرج كله هذا يا طويل العمر جلب الموتر الفرنسات مع الدركسون تكبسهم عند اقرب مخرطه وراح تدعي لي

خصوصاً إذاكان موترك باترول

[ريلاكس]

موتري fj

رحت لواحد وقلت له المشكله قال عندك الصليب فيه مشكله

والعمود الدركسون بعد

والمساعدات رايكم ابدلها بغير الوكاله ولا اركب الوكاله