شاركنا برأيك وتجربتك (((((( أفضل رواق للرحلات ))))))

[نفود الطوقي]

السلام عليكم ورحمة الله وبركاته

أخواني أعضاء وزوار منتديات مكشات

كما لايخفى على الجميع أهمية الرواق في طلعات البر

وفي الفترة الأخيرة كثرت الرواقات بأنواعها المختلفة والمتعددة
الجاهزة والتفصيل
مما يجعل الشخص (( مثلي أنا )) إذا أراد أن يشتري رواق للبر يحتار ويتردد من كثر الأنواع الموجودة في محلات الرحلات

فأحببت أن أضع هذا الموضوع
ليدلي كل شخص بدلوه
ويعطينا معلوماته عن أفضل رواقات للبر
وأهم الأشياء التي يجب أن تكون متواجدة فيه


فأرجو من أعضاء هذا المنتدى التفاعل
ليكون هذا الموضوع مرجعاً متكاملاُ ومفيداً لكل من أراد أن يشتري رواق لطلعات البر

والسلام عليكم ورحمة الله وبركاته

[نفود الطوقي]

لعلي أكون أول من يفتتح المشاركات في هذا الموضوع


أنا في نظري أن أهم ميزة في الرواق
أن الحديد اللي فيه يكون قطعه واحدة
( يعني غير ملحمة )
لأن الراواقات اللي يكون الحديد فيها ملحم من تحت
ما يمديك تضربه بالمطرقة ضربتين
إلا واللحام منكسر، ويخرب عليك الرواق
( طبعاً أكثر الرواقات تجيك كذا للأسف )


أما إذا كان قطعة واحدة ( غير ملحمة) فإنه بمشيئة الله ماينكسر

[عزبة بر]

والله انا عندي رواق السنيدي
::
العمدان حقته قطعة وحدة والى الان ما شاء الله ما شي معي
ووذف ولا ياخذ مكان
وسعره تقريبا بـ 120
لكن
نسيت مقاساته
:)

[قاصد الصمان]

الافضل في نظري رواق البرية ولو كان غالي شوي لنوعية القماش والحديد

[ليبرومنسي]

..



أمس العصر إنكسر معي عمودين من الرواق اللي معي ..



بالفعل وكما أشار الأعزاء في الأعلى .. بأن اهم شي بالرواق أن يكونالعمود قطعة واحدة ومايكون الطناب ملحم ..


وبالنسبه لي انا افضل اللي يكون مقاسه ( العرضي ) متوسط .. لأنه يكون أثبت في حالات الرياح القويه ..




..



مودتي

[السكروب]

السلام عليكم ورحمة الله وبركاته
وصبحكم بالخير جميعا
من وجهة نظري ان الرواق الملحم لاتستخدمه الا بالنفود
واذا كنت بارض صلبه لاتستخدم الرواق الي يجي حديده ملحم نهائيا
لانك اذا استخدمته راح ينفصل اللحام مع الطق
لذالك خل عندك رواقيين
1- رواق حديده وصلة وحده هاذا للكشتات الي ارضها عزا ( صلبه )
2- رواق ابو حديد ملحم من اسفل للمحلات الرمليه ولايقربه الشاكوش نهائيا وميزته خفيف

[نيشان811]

السلام عليكم
مشكور اخوي البدر وضحت لي نقطة بخصوص الرواق
ابي افضل رواق . . وين أحصله .
وش رايكم اخذ قماش تنزاني مو احسن .!لان الموجود قماس وخفيف ويتبلل بالمطر . .
افيدونا جزاكم الله خيراً وزوجكم الله بكراً .

[نفود الطوقي]

والله انا عندي رواق السنيدي
::
العمدان حقته قطعة وحدة والى الان ما شاء الله ما شي معي
ووذف ولا ياخذ مكان
وسعره تقريبا بـ 120
لكن
نسيت مقاساته
:)

مشكور يا أخوي عزبة بر على مرورك
وياليت لو تحط صورة الرواق حق السنيدي
خصوصاً صورة العمدان من فوق وتحت

وأنت لك كم شاريه ؟

شرفني مرورك

[نفود الطوقي]

الافضل في نظري رواق البرية ولو كان غالي شوي لنوعية القماش والحديد


أنا صراحة يا قاصد الصمان أني شفت حق البرية
وزينته أنه الحديد اللي فيه وصله وحده
لكن صراحة السعر يستاهل على شغلهم المضبوط

للمعلومية عندهم مقاسين بالنسبة للطول
الأول / متر وعشرين
والثاني / متر ونصف

أما العرض فالظاهر أن كل واحد
عرضه ثمانية أمتار
وفيه جيب واحد
وأنا إن شاء الله أبحاول أمرهم وأصوره لكم
وأجيب لكم صوره

شرفني مرورك يا قاصد الصمان

[عزبة بر]

مشكور يا أخوي عزبة بر على مرورك
وياليت لو تحط صورة الرواق حق السنيدي
خصوصاً صورة العمدان من فوق وتحت

وأنت لك كم شاريه ؟

شرفني مرورك
ابشر من عيوني ابنزل لك الصور
وشاريه ي لي سنة وشوي
:)

[نفود الطوقي]

..



أمس العصر إنكسر معي عمودين من الرواق اللي معي ..



بالفعل وكما أشار الأعزاء في الأعلى .. بأن اهم شي بالرواق أن يكونالعمود قطعة واحدة ومايكون الطناب ملحم ..


وبالنسبه لي انا افضل اللي يكون مقاسه ( العرضي ) متوسط .. لأنه يكون أثبت في حالات الرياح القويه ..




..



مودتي


أخوي
ليبرومنسي

يعطيك العافية
ومثل ماتفضلت
أن أهم شيء أنه يكون قطعة واحدة
غير ملحم


شرفني مرورك

[نفود الطوقي]

السلام عليكم ورحمة الله وبركاته
وصبحكم بالخير جميعا
من وجهة نظري ان الرواق الملحم لاتستخدمه الا بالنفود
واذا كنت بارض صلبه لاتستخدم الرواق الي يجي حديده ملحم نهائيا
لانك اذا استخدمته راح ينفصل اللحام مع الطق
لذالك خل عندك رواقيين
1- رواق حديده وصلة وحده هاذا للكشتات الي ارضها عزا ( صلبه )
2- رواق ابو حديد ملحم من اسفل للمحلات الرمليه ولايقربه الشاكوش نهائيا وميزته خفيف


أخوي السكروب
الله يمسيك بالنور والعافية
كلامك جميل
لكن
بالنسبة لي
وجهة نظري
ليش احط عندي رواقين واحد للنفود
وواحد للأرض الصلبة
إذا كان عندي واحد يصلح لهن كلهن
وهو اللي يجي حديده قطعة واحدة متصلة غير ملحمة
وخصوصاً
أنه مهوب ثقيل
أنا بنفسي شفته عند البرية وشلته
صراحة وزنه مهوب ثقيل

يعني المسألة فيها توفير مكان
وتوفير فلوس

نسيت أقول أن الرواق اللي عند البرية
اللي حديدته قطعة واحدة متصلة غير ملحمة
أن سعره 200 ريال
هذا اللي ارتفاعه متر ونصف

أما اللي ارتفاعه متر وعشرين
فاللي أذكر أن سعره 150 ريال أو قريباً من هذا السعر

يعني هذا فيه توفير مكان وفلوس

شرفني مرورك ياأخي السكروب
والله يعطيك العافية

[لاتكب البيالة]

السلام عليكم
بالنسبة للرواق طبعا اكثر المتوفر سيئ والسبب ان حديد الرواق اكثره 1 ملي وتقدر تقول 95% من اللي يباع من هالنوع ولو تبي حديد ثقيل منتب لاقي جاهز حتى عند اللي يفصلون حديد الرواقات وهذي مهنتهم
طبعا 1 ملي ما يمسك عليه اللحام فما بالك ان كان اللحام نقطتين والطنب نحيف
انا جربت فصلت حديد 1.5 ملي وتلحيم جيد وطنب 14 ملي تقريبا وطلع ممتاز
ولا عليه خلاف بالاستخدام العادي وصلحت منه كمية كبييرة ولا احد اشتكى منه و
طبعا حديد بهالشكل سعره بيكون دبل حديد المحلات وخاصة الغرابي والمحلات العادة يبحثون عن الرخص ولو على حساب الجودة
القماش دور شي ماسك روحة ولا تاخذ اللي طايح لانه بيجمع بوسطه الهواء ويثقل على الحديد
الحديد خذ شي بينهن متر او 1.25 ولا تزيد وكثرة الحديد مهمة لانه الرواق اللي به 4 حدايد والرواق اللي به 7 لو تطق الثاني نصف الاول بيثبت اكثر طبعا كثرة الحديد بتزيد السعر والثقل لكن الجودة اهم
نجي لطق الرواق
لو تطق الرواق 10 طقات خفاف افضل من تطقه طقتين قويات لان الحديد مهما يكون له قوة تحمل فالبعض يطق بكل جهده على ارص حجريه هذا لو بيطق صبه تعفطت
الرواق طقه بشكل مستقيم
تبي الرواق مشدود طق نصف العمود الاول ثم نص الثاني ثم كمل على الاول ثم نص الثالث ثم كمل على الثاني ثم نص الرابع وكمل على الثالث وهكذا يطلع عندك رواق مثل الجدار المهم ما تميل الحديد وانت تطق
بالنهاية وشلون تفك الرواق
الكثير يعف الحديدة ويميله وهي مغروسه بالارض وهذا غلط المفترض ترج رج خفيف مع الشد لاعلى
هذي بعض الامور المتعلقة بالرواق

بالاخير اللي يبي رواق جيدوعلى مزاجه يروح لسوق الخيام فيه محلين مخصصين للحديد ياخذ من النوع الثقيل مثل ما قلت ويتفحص لحامه
ثم يفصل الشراع على مزاجه الصيني سئ والتنزاني غالي والباكستاني مناسب جدا وخاصة 18 ويحاول ان يكون البلاستيك بالاسفل غير الطربال والافضل شراع تايلندي لقوته وما يتشقق ولا يخرفش
بهالطريقة بتحصل على رواق قد تكون تكلفته ضعف الرواق العادي لكن تعتمد عليه

هذا ما عندي من معلومات واتمنى للجميع التوفيق

[hargan22]

السلام عليكم

من تجاربي عليك بطق الأطناب وتكون مايله للداخل 20 درجه تقريبا من جهة الهبوب

الفايده كسر حدة الهواء مع دفعه للأعلى منما يقلل سقوط الهواء مرة اخرى بالذاري

وتقليل مقاومة الرواق للهواء بالتالي ثبات اقوى

[دايم الخير]

الشهادة لله رواق السنيدي جربته بأرض نحس

أرض الزويليات الي على طريق الخرج تشوف النفود لكن القاع صخر و مشى حاله معي و لا تضرر ولله الحمد

اما بالرمل خذ فخامه

رواق البريه ممتاز ايضا

بالتوفيق

[نفود الطوقي]

السلام عليكم
بالنسبة للرواق طبعا اكثر المتوفر سيئ والسبب ان حديد الرواق اكثره 1 ملي وتقدر تقول 95% من اللي يباع من هالنوع ولو تبي حديد ثقيل منتب لاقي جاهز حتى عند اللي يفصلون حديد الرواقات وهذي مهنتهم
طبعا 1 ملي ما يمسك عليه اللحام فما بالك ان كان اللحام نقطتين والطنب نحيف
انا جربت فصلت حديد 1.5 ملي وتلحيم جيد وطنب 14 ملي تقريبا وطلع ممتاز
ولا عليه خلاف بالاستخدام العادي وصلحت منه كمية كبييرة ولا احد اشتكى منه و
طبعا حديد بهالشكل سعره بيكون دبل حديد المحلات وخاصة الغرابي والمحلات العادة يبحثون عن الرخص ولو على حساب الجودة
القماش دور شي ماسك روحة ولا تاخذ اللي طايح لانه بيجمع بوسطه الهواء ويثقل على الحديد
الحديد خذ شي بينهن متر او 1.25 ولا تزيد وكثرة الحديد مهمة لانه الرواق اللي به 4 حدايد والرواق اللي به 7 لو تطق الثاني نصف الاول بيثبت اكثر طبعا كثرة الحديد بتزيد السعر والثقل لكن الجودة اهم
نجي لطق الرواق
لو تطق الرواق 10 طقات خفاف افضل من تطقه طقتين قويات لان الحديد مهما يكون له قوة تحمل فالبعض يطق بكل جهده على ارص حجريه هذا لو بيطق صبه تعفطت
الرواق طقه بشكل مستقيم
تبي الرواق مشدود طق نصف العمود الاول ثم نص الثاني ثم كمل على الاول ثم نص الثالث ثم كمل على الثاني ثم نص الرابع وكمل على الثالث وهكذا يطلع عندك رواق مثل الجدار المهم ما تميل الحديد وانت تطق
بالنهاية وشلون تفك الرواق
الكثير يعف الحديدة ويميله وهي مغروسه بالارض وهذا غلط المفترض ترج رج خفيف مع الشد لاعلى
هذي بعض الامور المتعلقة بالرواق

بالاخير اللي يبي رواق جيدوعلى مزاجه يروح لسوق الخيام فيه محلين مخصصين للحديد ياخذ من النوع الثقيل مثل ما قلت ويتفحص لحامه
ثم يفصل الشراع على مزاجه الصيني سئ والتنزاني غالي والباكستاني مناسب جدا وخاصة 18 ويحاول ان يكون البلاستيك بالاسفل غير الطربال والافضل شراع تايلندي لقوته وما يتشقق ولا يخرفش
بهالطريقة بتحصل على رواق قد تكون تكلفته ضعف الرواق العادي لكن تعتمد عليه

هذا ما عندي من معلومات واتمنى للجميع التوفيق



أخوي لا تكب البيالة
الله يعطيك العافية على المعلومات المهمة
من شخص صاحب خبرة في تفصيل الرواقات

صراحة معلومات مفيدة

شرفني مرورك

[ساقان]

رواق البريه له ثلاث سنين ولاهنا خلاف ..

[نفود الطوقي]

السلام عليكم

من تجاربي عليك بطق الأطناب وتكون مايله للداخل 20 درجه تقريبا من جهة الهبوب

الفايده كسر حدة الهواء مع دفعه للأعلى منما يقلل سقوط الهواء مرة اخرى بالذاري

وتقليل مقاومة الرواق للهواء بالتالي ثبات اقوى


مشكور يا أخوي
الله يعطيك العافية
لكن كأني أفهم من كلامك أن الرواق بيكون مايل بعد الطق

[نفود الطوقي]

الشهادة لله رواق السنيدي جربته بأرض نحس

أرض الزويليات الي على طريق الخرج تشوف النفود لكن القاع صخر و مشى حاله معي و لا تضرر ولله الحمد

اما بالرمل خذ فخامه

رواق البريه ممتاز ايضا

بالتوفيق

مشكور يا اخوي دايم الخير

لكن السنيدي عنه أنواع رواقات كثيرة
وشو النوع اللي أخذته ،
ياليت لو تحط صور له

حتى تعم الفائدة ويتضح لنا

شرفني مرورك

[نفود الطوقي]

السلام عليكم
مشكور اخوي البدر وضحت لي نقطة بخصوص الرواق
ابي افضل رواق . . وين أحصله .
وش رايكم اخذ قماش تنزاني مو احسن .!لان الموجود قماس وخفيف ويتبلل بالمطر . .
افيدونا جزاكم الله خيراً وزوجكم الله بكراً .


المعذرة على التأخر في الرد يا اخوي نيشان

بالنسبة للقماش التنزاني

انا أرى أنه أفضل شيء
وفيه انواع ثانيه ماعليه
مثل الباكستناي اللي لونه أبيض

أما أفضل شيء
فهو انك تفصل
وإذا كنت ما تبي التعب
خذ حق البرية عليه ضمان 3 سنوات
أان أرى أنه جيد مرررة

[نفود الطوقي]

رواق البريه له ثلاث سنين ولاهنا خلاف ..

كلامك في محله يا اخوي ساقان

شرفني مرورك

[نفود الطوقي]

أخونا عزبة بر
نحن بانتظار صور لرواق السنيدي اللي قلتلنا عنه

[adab77]

مشكور يا اخوي و جزاكم الله خيراً

[hargan22]

اكيد اخوي البدر بيكون مايل جهة الجلسه

[نفود الطوقي]

مشكور يا اخوي و جزاكم الله خيراً

بارك الله فيك

[عـــ نت ــزيز]

السلام عليكم ورحمة الله وبركاته

حبيت اشارك لأني لم اجد الرواق اللي استعمله بمشاركات اخواني لاهنتم :
رواق ميزته انه ماياخذ مساحه لانه بشنطه صغيره

الرواق تفتح الشنطه وتفل الرواق بيكون مسفوط من النصف تفك هالسفطه وتكون اعمدته مفصوله من النصف تركبها من داخل الرواق بيطلعلك فوق الحديد مسمار بارز وبأخر الرواق من فوق مشبك تثبته بالتعليقه وكذا يكوون مشدود معك وتقوم الرواق وماله اطناب لأن آخر الحديده تحت مشطوف مسنن .
اللي عندي مخمل واكيد عندهم تنزاني .
الموقع : الرمايه شارع المدينة بالبديعه
ولكم الشكر والتوفيق

[نفود الطوقي]

السلام عليكم ورحمة الله وبركاته



حبيت اشارك لأني لم اجد الرواق اللي استعمله بمشاركات اخواني لاهنتم :
رواق ميزته انه ماياخذ مساحه لانه بشنطه صغيره


الرواق تفتح الشنطه وتفل الرواق بيكون مسفوط من النصف تفك هالسفطه وتكون اعمدته مفصوله من النصف تركبها من داخل الرواق بيطلعلك فوق الحديد مسمار بارز وبأخر الرواق من فوق مشبك تثبته بالتعليقه وكذا يكوون مشدود معك وتقوم الرواق وماله اطناب لأن آخر الحديده تحت مشطوف مسنن .
اللي عندي مخمل واكيد عندهم تنزاني .
الموقع : الرمايه شارع المدينة بالبديعه

ولكم الشكر والتوفيق



شرفني مرورك وتعليقك يا أخوي
لكن عندي سؤال
اللحام من تحت هل هو قوي
أو أنه كم طقه وينكسر

ولاهنت يا أخوي كم سعره وطوله وارتفاعه

[f 16]

اذا تبي راق علية العلم انت فصل على مزاجك لكن بدل الحديد بالمنيوم قطعة وحدة
ولايحتاج طق وصبخ عشان يمسك ينغرس بسرعة مع ضربتين وهو ماسك
تبي تحطه مربع فارغ المنيوم كل قطعه المنيوم 60 سم تركب مع بعض يطلع الارتفاع
متر و20 لسهولة التحميل ومن تحت بوسط المربع قطعة المنيوم مسنونة على شكل Lتسحبة من الجرى
وتوقف على الارض وتثبتة بالارض
هذا رايي ومجربة ومع اطراف الرواق حبل للشد والتثبيت

[سرهيد]

السلام عليكم

اهلا بك اخي الكريم

لا ازيد عما قال من سبقني

فقد ازيد باني استخدم بنفسي رواق قمت بتفصيله وحسب ما اريد

قمت بشراءه قماش تنزاني وكذلك اشتريت الاعمدة حسب المقاس وتعمدت شراء النوع الثقيل

لأن الغالب فيما هو موجود في السوق هو النوع الخفيف ، والذي من ضربتين تجد اسفل العمود قد انفك لحامه

لذا حرصت على ان افصل بنفسي واشتري العمود بنفسي مع الذهاب به للحداد لزيادة اللحام

وانصح الاخوان التأكد من ان الموجود حديد ثقيل

ومنذ اشتريته الى هذه اللحظة وهو معي .

وبالمناسبة : هناك رواق الذي يوضع على الكفرات للجلسة القصيرة ولا يحتاج الى اي ضرب في الارض وهو جميل ومتميز

http://www.mekshat.com/pix/upload02/images98/mk40450_rwag20.jpg

وكلا الرواقين لا ينزلنا من السيارة ابدا

تقبل مودتي

[نمر الصحراء]

معلومات حلوه

[ابن سيف 18]

موضوع مفيد واستفدنا منه

-------
اما عن الرواق فانا عندي رواق السنيدي ملحم(قطعين اللي يجي اسفله صيخ للغرس)
وله عندي اكثر من سنتين وماشاء الله ما تأثر بشي ما شاء الله

والوالد عند مثله لكن بدا الرواق يتفلت من العمدان ( المسمار انحل ) ولاشك هذا سوء استعمال ( طبعا الوالد من زمان معه هالرواق وطلعاته اكثر من طلعاتي وانا احياناً استخدمة ايضاً )

-----------

هذا ما عندي واسأل الله ان تفيدوا وتستفيدوا ...