المساعد الشخصي الرقمي

مشاهدة النسخة كاملة : عندي مشكلة في الكفر الايسر الفزعة ضروري


التل الصامت
07/12/2009, 03:37 AM
يا اخواني عندي
الكفر الايسر يطلع صوت وطقطقة قوية اذا لفيت جهة اليسار مادري وش المشكلة وكل واحد في الصناعية يعطيك رايه اللي يقول من المساعدات واللي يقول يبغالها تشحيم واللي يقول تلحيم والله احترت وانا واعوذ بلله من كلمة انا شفت الكفر الايسر عليه اتربة واوساخ وانا من اخذت السيارة ما قد شحمتها وش الحل او الطريقة


وانا اقول ما استغني عن اراءكم والله يوفق الجميع ارجو الافادة بسرعة ضروري http://www.mekshat.com/vb/images/icons/icon10.gif
ريان2002
07/12/2009, 10:04 AM
صبحك الله بالخير أخوي التل الصامت

1 / هز السيارة من زوايا الكبوت على تحت وهي واقفة طبعاً إذا طلع الصوت اللي تقول عليه فالمشكله من المساعد

2 / إذا كان الصوت يطلع إذا بغيت تلف مع يوتيرن مثلاً أو إشارة مرور أو طلع وإنت تأخذ مطب على مهلك فالمشكلة غالباً من الجوزة اللي تحت جهة اليسار والميكانيكي إذا كشف عليها حيقولك هي خربانه وإلا لأ

3 / شيك بالمرة على مسامير التوازن وعددها 2 وإذا فيها جلدة مقطوعة غير الإثنين أفضل وهي مسامير بطول 20 سم تقريباً وفيها جلد ولها دور مهم في رساوة السيارة في الملفات

اللي قال لك شحم السيارة كان يبغى يتأكد من الجوزات لأنها إذا سليمة حيختفي الصوت وإذا خربانه حيطلع الصوت بعد يوم أو يومين من التشحيم

ملاحظة مهمة جداً : أذا كنت بتغير الجوزة ومسامير التوازن فخذها GM لا تأخذها AC Delco لأنه أفضل ولو قال لك محل إن الجوزة ماتجي GM إلا كاملة بعمودها فأتركه ودور عند غيره

الجوزة اليسار اللي تحت GM رقمها 12475478 وسعرها 350 ريال

عمود التوازن GM رقمه 10385580 وقيمة الإثنين 250 ريال

الميكانيكي الفاهم يقدر يركبها لك ب 150 ريال وبدون ماتحتاج مخرطة لكبس الجوزة والأسعار قد تزيد أو تنقص عن ماذكرته ولكن الغالي لك وللزمن وبالنسبة للورشه ماأقدر أفيدك لكن حدد موقعك والأخوان إن شاء الله ماهم مقصرين

ودمت في رعاية الله
التل الصامت
08/12/2009, 05:17 AM
ما شاء الله عليك يا اخوي وانا اقول صبحك الله بالورود والسرور والله ما قصرت وعدك العيب ما شاء الله عندك خبرة في هذا المجال ولا تحرمنا ابدعاتك يا الغالي والله يوفق الجميع

المكان الرياض
adil33
08/12/2009, 05:25 AM
ايش نوع السيارة وكم موديلها
سوبر VTC
08/12/2009, 05:02 PM
احتمال راس العكس به مشكلة
او مشكلة فلنجة العكس


هذي ورش من الاخ ماجلان

للجموس






اقتباس: اقتباس:
اقتباس:

اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه خبرة جموس :good::good::good::good:

وفي عندك صناعية ام الحمام ورشة القحطاني رقم 11 سوداني فلته في الكهرباء



موفق




شف هالاخوان برابطه الجمس الحوض يدلونك على ورشة زينه :good:
مايقصرون شقرديه و خبره

رابطة مـــــلاك الجموس الحوض (http://www.mekshat.com/vb/showthread.php?t=147000)


رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)


انت لاتعدا رابطه الجمس الحوض و الجموس
خصوصا الاخ بليهان1 :good: خبره
التل الصامت
08/12/2009, 06:06 PM
مشكوووور يا اخوي سوبر vtc والله انك ما قصرت والله يوفقك والله تستاهل دعوات في ظهر الغيب تيتاهل والله وهذا اقل واجب نعمله في حقك وسامحنا على القصور
التل الصامت
12/12/2009, 03:13 AM
139 المشاهدة ولا رد غير بعض الاخوان الله يوفقهم ولكن ابغاء معلومات زيادة وين الخبراء واللي يعرفون في هذا المجال والله يوفق الجميع
التل الصامت
12/12/2009, 03:14 AM
اشكر اللي ردوا واللي ما ردوا الله يسامحهم بس لازم يردوا ولو بكلمة على الاقل