بفضل الله ثم نصائح المشرفين والاعضاء

[banshy2009]

بفضل الله سبحانه ثم بسبب نصائح المشرفين والاعضاء تم التغلب على المشكله بعد مضيى شهر ولله الحمد ومشكلة الدقه الي في الباتراول عند الوقوف مختفيه بعد ان تم شراء عامود كردان من التشليح وعمل الصيانه من تنضيف وتشحيم وطلاء وتركيب و تم الاستعمال شهر واحد والامور ماشيه زين ولله الحمد والمنه ولم يضهر اي رجه او مشكله حبيت اتواصل و ابين ثمرة هذا المنتدى الرائع وشكرا

[بـدر]

ما شاء الله

على البركة

ومالنا غناة عن مكشات

صار وجبة يومية لازم نشيك عليه يوميا ولو مانرد

والبركة بالاعضاء

[الكلاسك]

ما شاء الله تبارك الله
بس ياليت تقول لنا وش المشكله عشان نربط بين المشكله والحل عشان الكل يستفيد ولك تحياتي

[moafaq999]

ما شاء الله تبارك الله
ومشرفي واعضاء مكشات مايقصرون دائماً بالنصيحة والمعرفة والخبره

نقدم كل الشكر لجميع العاملين على هذا الموقع المميز في طرحه واسلوبه

[هواوي تعديل]

البركه بالعأعظاء الفاهمين وفي نفس الوق متفاعلين مع المواضيع

[banshy2009]

اخواني
بداية المشكله اذاكانت السياره تمشي وقفت عند اشاره وشلت رجلي الله يعزكم عن الفرامل يطلع صوت دقه تحت السياره وتم الحمد لله حل المشكله كما ذكرت لاحق

[سوبر VTC]

الحمدلله على كل حال
لكن
احد اقاربي معه فتك فاكه وكالة على وقته م2005
رجال كبير بالسن دخله على الوكاله لانه على الضمان جديد
و قالوا له الدقه طبيعة جدا
عاد هو راسه يابس ماقتنع و بعد مدة باع الموتر
و الان موتر احد الربع و غالب المواتر
موجودة هالدقة تحس ان القير يتقدم للامام

[banshy2009]

اتوقع المشكله تكمن في مجاري المسننات الذكر والانثى العامود يجي وصلتين شابكه في بعض وحده صغيره شابك في الدفرنس الخلفي سنتها ذكر و الوصله الثانيه سنتها انثى شابك في القير انا فكيت الكردان القديم ولاحضت ان مع طول الاستخدام و مع قلت تشحيم العامود مجاري المسننات تتوسع من احتكاك المسننات وتبدى تعض في بعض وتنتج الطقه المعروفه عند الناس اثناء التوقف هذا تحليلي للموضوع والله اعلم