المساعد الشخصي الرقمي

مشاهدة النسخة كاملة : (( انتبهوا يا أهل الهوندا 0 سرقت سيارتي من عند الباب والمفتاح معي ( المواصفات =


الروضة الشمالية
07/12/2009, 08:50 PM
السلام عليكم ورحمة الله ..

هوندا اكورد ذهبي موديل 2004
رقم اللوحة ( ل ك م 818 )

المواصفات :

1- يوجد صدمه خفيفة في الرفرف الأيمن الخلفي .
2- يوجد شاشات على تاكيات الراس .
3- جنوط
4- كفرات من نوع بيرلي .
5- اللون ذهبي والداخل بيج .

والي بيلقاها له مني 3000 ريال .

وحسبنا الله ونعم الوكيل
ابو الكيف
07/12/2009, 08:57 PM
لاحول ولاقوة إلا بالله
الله يشل ايدينه ورجلينه ويبتليه الله بلاوي الدنيا اللي لا لها اول ولا تالي
بإذن الله ترجع لك سالمه يارب
انا راح انزل موضوع في منتدى خاص بالهوندا لاني مشترك ومعي هوندا
فيافي شقراء
07/12/2009, 09:09 PM
الله يردعليك السياره وانت سالم غانم 0 وقريت في مكشات فكره البحث الجماعي عن السيارات المسروقه الي عنده خبر يفيدناالله يجزاه خير
فيافي شقراء
07/12/2009, 09:11 PM
الله يردعليك السياره وانت سالم غانم 0 وقريت في مكشات فكره البحث الجماعي عن السيارات المسروقه الي عنده خبر يفيدناالله يجزاه خير
برق92
07/12/2009, 10:11 PM
أخوي مكانك وين؟؟
الله يردها لك سالمة.
عاشق البر والصيد
07/12/2009, 10:18 PM
اذا انت بالرياض تحصلها بغروب العزيزيه يفحطون فيها والا بالشفاء

الله يردها لك سالمه حسبي الله عليهم
ذيب الداهية
07/12/2009, 10:31 PM
أولاً شي سارع ببلاغ أقرب مركز شرطة وخلهم يعممون قدامك بالجهاز بمواصفات السيارة كاملة

ثانياً / دائماً سرقات السيارات يكون واحد يعرف السيارة أو من الحارة فأنصحك تكثف البحث قريب من مكان سرقة السيارة جائز يكون من هالأولاد وده ياخذ كم لفة ثم جدع الموتر ..

ثالثاً / بلغ القاصي وداني عن السرقة فربما صادف إن احدهم شاهدها
رابعاً / كثف البحث في أمكان التفحيط / واذا ما كنت تعرف أكتب في قوقل أشهر أمكان التفحيط في الرياض وراح تجد المعلومات
خامساً / وكل أمرك لله وأكثر دعاء في النصف الأخير من الليل عسى الله يرد ضالتك
ويردها لك سالمتن غانمة ..
ابوناهض
07/12/2009, 11:11 PM
ابد تلقاهم يفحطون عليه الله يهديهم
المرتاع
09/12/2009, 12:26 AM
شيك على الحجز تراهم يلقون السيارات ولايخبرون احد