دينمو الجمس تم تغييرة من دون فائدة

[M A J E D]

السلام عليكم ورحمة الله

اخواني

عندي مشكلة في يوكن 2007 قصير دبل

مؤشر البطارية على الطبلون يزيد واحيانا ينقص قستها بالكمبيوتر وصل الى 14.6 ثم نزل الى 12.7 ثم يرجع الى 14 ويستقر فترة ثم يبدي يسوي نفس الحركة مرة ثانية


بعد فحصها من ثلاث كهربائيين بالكمبيوتر قالوا المشكلة في الدينمو فتم شراء دينمو جديد من العيسى وتركيبة ونفس المشكلة ماتغيرت ورحت للعيسى مرة ثانية قلت عطيتوني دينمو خربان فالمهم غيروة بدينمو جديد وللاسف نفس المشكلة


تم التأكد من الاسلاك والتوصيلات انها مشدودة وسليمة


البطارية تم تغييرها بجديدة


المشكلة الكهربائى نفسة يقول الشحن الزايد مضر بالكمبيوتر ولم يجد حل اى الان


ارجوووووووووووكم ياخواني ساعدوني

ابو عبدالله

[salih100]

وعليكم السلام
ابوعبدالله استفسار اذا شغلت النور والمكيف كلهن سوى يستقر الامبير ولا لا
وابيك تشوف في حالة ان الامبير يزود وينقص هل طرمبة البنزين يطلعلها زنه زايده

[salih100]

وعليكم السلام
ابوعبدالله استفسار اذا شغلت النور والمكيف كلهن سوى يستقر الامبير ولا لا
وابيك تشوف في حالة ان الامبير يزود وينقص هل طرمبة البنزين يطلعلها زنه زايده

[M A J E D]

حياك الله اخوي صالح

بالنسبة للسؤال الاول اشوف ماله دخل لا زيادة ولا نقصان
اما السؤال الثاني ما يزيد الصوت

وشكرا على تجاوبك

[M A J E D]

يا شباب اللي عنده جمس 2007 او 2008

هل يرتفع مؤشر البطارية عندكم في بداية التشغيل ثم بعد شوي ينزل
بدون ما تتحرك او تشغل النور او المكيف

الرجاء الاجابة

[الدبوس]

ريح رأسك واحفظ فلوسك
اذا السيارة تشتغل ومافيها خلاف ماعليك من المؤشر (أهم شيء مؤشر البنزين والحرارة) والا تراك بتتعب وبتخسر ، الورش نصابين والوكلات أنصب منهم .
فنصيحة زي ما قلت لك وفي يوم من الايام بتبين لك المشكلة من حالها .

[Magellan]

أخوي هل المشكلة حدثت بعد تغيير البطارية وإلا لا؟

[M A J E D]

شكرا اخواني الدبوس و ماجيلان

بالنسبة للمشكلة كانت من قبل تغيير البطارية

وشكرا

[ابو التوليف]

مرحبا فيك اخوي

انصحك انك تروح الى اي كهربائي سيارات وتخليه يكشف على السياره بجهاز عند كل راعين كهرباء السيارات الجهاز له مشابك زي الاشتراك (مهمته زي مهمة مؤشر البطاريه على الطبلون يقيس قوة الكهربه ) بس انه خارجي
(يمكن الخلل والمشكله من مؤشر البطاريه في الطبلون)


بالتوفيق للجميع

[M A J E D]

بارك الله فيك اخوي

قاسولي فيه عدة مرات وفي نفس الزياره يقول كان يشحن زين ثم صار ضعيف الكلام تكرر نفسه بعد تغيير الدينمو للجديد المره الاولى والثانيه

و شكرا

[Magellan]

حالات تجي وإهتزات في عداد قياس البطارية
عادة المشكلة من الثروتل أو اللهات (منظم الهواء)
لو تروح لأحي مراكز خدمة اي سي ديلكو وتقوله ينظف الثروتل بـ50 ريال وتجرّب بعدها

[M A J E D]

بارك الله فيك اخوي magellan

[ملّوح]

شيك على سلك الكتاوت انا سبق وواجهت هذي المشكلة في سياره امريكية بعد ماغيرت دينمو وبطاريه طلعت المشكله ربط السلك جيدا

[khd_1984]

حياكم الله يا اخواني

واجهتني المشكلة نفسها ولاكن بعد سؤال كهربائي ممتاز قال ان دينمو الجمس يشن البطارية الين تمتلي بعدين يفصل وهنا تشوف الشحن نقص لنه يخليك تستخدم الطارية يعني الاعتماد كله على البطارية
واذا فضت الطارية يشحنها الدينمو وبذالك تشوف الامبير يرتفع
ف ريح بالك ولا تشيل هم

وشكرا

[salih100]

حياكم الله يا اخواني

واجهتني المشكلة نفسها ولاكن بعد سؤال كهربائي ممتاز قال ان دينمو الجمس يشن البطارية الين تمتلي بعدين يفصل وهنا تشوف الشحن نقص لنه يخليك تستخدم الطارية يعني الاعتماد كله على البطارية
واذا فضت الطارية يشحنها الدينمو وبذالك تشوف الامبير يرتفع
ف ريح بالك ولا تشيل هم

وشكرا

كلامك صحيح لكن ما يصير الامبير يلعب هذي الحركه تصير اول ما تشغل السياره او بعد فتره طويله تلاحضه يرتفع فتره موقته ثم يرجع ع ال14 اما اذا كان يتذبذب فهذا خراااااب واحتمال كبير يخرب عليك طرمبة البانزين لانه يعطيها كهرباء زياده وتصخن ثم تبداء خراباتها

[M A J E D]

بارك الله فيكم يا خوان

وشكرا على التجاوب

بالنسبة للأسلاك شيكت عليها وكلها مشدودة وسليمة

وقمت بتنظيف الثروتل وصراحه المشكلة ما تغيرت

بس صوت المكينة تحسن كثير و قلت صرفية البنزين بشكل واضح

شكرا مرة اخرى

[عاشق z71]

ياصديقي كل الجموس تلعب حتىالجدد

مستحيل يبقى على بعد النص تلاقيه ينزل الى بعد الربع بشوي الين يوصل بعد النص بشوي وبينهم فقط

اذا زاد او نقص عن هالمعدلين هنا تكون عندك مشكله

[Magellan]

والله ياماجد إذا كان يتذبذب بين 11-14.7 ما أعتقد عندك مشكلة
المشكلة تكمن إذا زادت الفولتية عن 15 فولت
أو نقصت عن 9 فولت
للمعلومية في أمور الكهرباء شدة التيار (الأمبير) أهم من الفولتية وزيادة الأمبيرات هو اللي يسبب تلف القطع الكهربائية

[M A J E D]

شكرا اخواني

[ابوفهدوريم]

حيا الله الشباب ,,,

انا عندي نفس المشكله ومريت على اغلب مشاهير الكهرباء بالرياض وقالوا طبيعي واقتنعت انها طبيعية!!!!!

بس المشكله ظهرت عندما ركبت بطارية اضافية !!!

اذا نزل الموشر عن 14 المنظم حق البطارية الاضافية ما يشحن . لان فيه لمبه زرقاء لاتعمل الا اذا كان الدينمو يشحن.

وتكون طافية المبه اذا كانت البطارة الاضافية مليانه او ان الدينمو لايشحن.

وانا مثل الاخ الى الان ادور حل .....

[موسى المعيدي]

السلام عليكم ظهرت لي نفس هذه المشكلة
بداية جيت بشغل السيارة عيت تتشتغل ولمبة البطارية ظاهرة عرفت ان البطارية مخلصة لها سنة ونص قلت قدرنا والحمد لله سويت
اشتراك واشتغلت مريت على محل بطاريات ببدل البطارية الا وهي نار بتنفجر على قولته حرارتها عاليه وكانت في رسالة ( يجب فحص جهاز شحن البطارية ) الله ستر وبدل البطارية والسيارة شغالة ولما خلص طفيت وشغلت السيارة والرسالة باقية و الموشر يرتفع فوق 14 قالي عندك كهربه زايدة شيك على الدينمو وانتبه
مريت على كهربائي قال نفس الكلام وقفت السيارة للصباح وشغلتها ما ظهرت الرسالة شيكت على الدينمو وعلى البطارية لقيت اللمبة خضراء مشيت بها مشور 30 ساعة المكيف شغال بدون انوار ورجعت للكهربائي قالي البطارية لمبتها بيضاء ما في شحن يوصلها والدينمو يعطي كهربه زايده غير الدينمو وشششش الحل ؟؟؟؟؟؟

[ابوراكان تبوك]

مشكلتك كتاوت دينمو 95%

او اصابع البطارية رخوة او غير نظيفة

[العمرالحزين]

هل الجمس مركب عليه بطارية اضافية ؟

[العمرالحزين]

حيا الله الشباب ,,,




انا عندي نفس المشكله ومريت على اغلب مشاهير الكهرباء بالرياض وقالوا طبيعي واقتنعت انها طبيعية!!!!!


بس المشكله ظهرت عندما ركبت بطارية اضافية !!!


اذا نزل الموشر عن 14 المنظم حق البطارية الاضافية ما يشحن . لان فيه لمبه زرقاء لاتعمل الا اذا كان الدينمو يشحن.


وتكون طافية المبه اذا كانت البطارة الاضافية مليانه او ان الدينمو لايشحن.



وانا مثل الاخ الى الان ادور حل .....

أخي الكريم انت مركب البطارية الاضافية ومنظم الشحن لديك هو منظم رفيق الدرب وهذا المنظم أخونا رفيق الدرب يقول لا يصلح للجموس واليوكنات الجديدة لا بد من تغيير المنظم بدقمه عالية الفولت


هذا كلام رفيق الدرب جزاه الله خير
يامرحبا اخوي عاشق المزيون
اي والله ماتصلح لليوكن والسييرا الجيل الجديد وهاذا عن تجربه
لأن كمبيوتر السيارة يتحكم بالكهرب اللي طالع من الدينمو للبطارية
في حال ماكان فيه حمل على البطارية غير حمل المكينة زي الأنوار والمكيف ووو فأن الدينمو يعطي البطارية كهرباء اقل من 13.8 فولت وبكذا المنظم مايطلع كهرب للبطارية الأضافية لأنه مايمشي كهرب لها الا في حال كون الكهرب اللي واصل له من البطارية الأساسية 13.8 فولت وأكثر وبكذا راح يسبب لك مشاكل هذا المنظم لو ركبه على التاهو والسييرا الجيل الجديد

[ozfe]

ممكن واحد منكم يعرف وشهي حل هذي المشكله @@

[1824]

يا اخوان انتو سويتو ازمة وكلن قام يتفلسف الجموس موديل 2007 وفوق اذا الكمبيوتر لم يكتب لك في الطبلون انه في مشكلة في الكهرباء يعني انه لا توجد مشكلة وتغيرك لاي شيء كله خسارة بخسارة الكمبيوتر يرفع وينزل الشحن حسب عوامل كثيرة منها قوة شحن البطارية الجو بارد حار وغيره الكثير وانت كمستخدم مالك الا تشوف يكتب لك في مشكلة او لا بس

بالتوفيق لكم