مطلوب حـمآم متنقل للرحلآت وآلتخيم ..!!

[بويعقوب]

يالربع الموضوع بآين من عنوآنه ..:D

المطلوب حمآم:eek: ((آلله يعزكم )):good2: حق موسم التخيم .. الي يجي قلص بالموتر ..:r
والي يقدر يسآعدني راح اكون شاكر له :good2: .. لو اعرف اسعارهم بس ..:(
وانا جاد باالموضوع والي عنده لايبخل علينا :D .. سوآ كآن عنده حمآم آو رقم وآحد يقدر يفيدني ..:p

[جبل حبشي]

هذا جديد يا أبو يعقوب ((حمام قلص))
نعرف قلص للعزبة ,,,يفيدونك الشباب أن شاء الله

[باثفندر]

ماأظن إنه فيه نوع يجي قلص لأنه يكون إرتفاع حوالي 1,80 سم + إرتفاع القلص = ( إنتبه من الكباري ) ،، أتوقع تقصد الفيبر جلاس الصب ،، تلقاه عند محلات الرحلات ، أنت من أي منطقة ، وبإذن الله ندلك ،
أسعارها تقريبا حوالي 900 ريال .

أنصحك بنوع يجي تركيب مواصير ( هيكل ) ويلبس قماش مبطن بعازل مائي .

وإذا حصل لك مر على القاضي بتلقى أكثر من نوع ,,,,

تلقى مطلوبك .

[بوسدن]

هذا النوع يكون تفصال أنا شفت من قبل مثله بالكويت وكان صاحبه فصله على كيفة مثل تروح أماكن تفصيل العربات حق البانشي وغيره وتفصل عليها مثل الحمام الجاهز الكيربي مثلا يكون القياس 1.3م*2م أو أكبر ويكون له تصريف من تحت بايب كوع يتركب وقت الوقوف ويعمله حفره (جوره) وبعض الناس بعد كل استخدام يرمي البايب ويركب جديد ويستخدم أكثر للمحارم (النساء) ويكون للمخيمات اللي تطول في التخييم وأنا رأيت واحد عباره عن حمامين قياس تقريبا 1.5سم *4م ولكن ثقيل ورفيع
والله يوفقك

[بويعقوب]

هذا جديد يا أبو يعقوب ((حمام قلص))
نعرف قلص للعزبة ,,,يفيدونك الشباب أن شاء الله


والله ياخوي فديت خشمك هذا النوع موجود عندنا فالدوحه .. ولو لك خاطر وتبي تشوفه تشرفنا قطر وعلى راسي والله اوديك واتشوف بس الاسعار مبالغ فيها شوي ..!!

والشباب ماقصرو وفآدوني والله يجزاهم خير ..

[بويعقوب]

ماأظن إنه فيه نوع يجي قلص لأنه يكون إرتفاع حوالي 1,80 سم + إرتفاع القلص = ( إنتبه من الكباري ) ،، أتوقع تقصد الفيبر جلاس الصب ،، تلقاه عند محلات الرحلات ، أنت من أي منطقة ، وبإذن الله ندلك ،

أسعارها تقريبا حوالي 900 ريال .


أنصحك بنوع يجي تركيب مواصير ( هيكل ) ويلبس قماش مبطن بعازل مائي .


وإذا حصل لك مر على القاضي بتلقى أكثر من نوع ,,,,


تلقى مطلوبك .



والله ياخوي بيض الله وجهك عالرد الراقي والوافي .. ولاتهون ..

والله وتسوي خير لو اتقولي وين يكونون والاسعار ولو قدرت توفر لي الصور .. وراح اكون شاكر لك كثير ..
وانا من قطر يالغالي .. يعني خويكم .. مايفصل بينا الا الجمارك ..
انا ناطر ردك بس ماقدر ارد عالخاص لاني شوف مشاركاتي ماتساعدني ..
وبيض الله وجهك مره ثانيه عالرد ..

[بويعقوب]

هذا النوع يكون تفصال أنا شفت من قبل مثله بالكويت وكان صاحبه فصله على كيفة مثل تروح أماكن تفصيل العربات حق البانشي وغيره وتفصل عليها مثل الحمام الجاهز الكيربي مثلا يكون القياس 1.3م*2م أو أكبر ويكون له تصريف من تحت بايب كوع يتركب وقت الوقوف ويعمله حفره (جوره) وبعض الناس بعد كل استخدام يرمي البايب ويركب جديد ويستخدم أكثر للمحارم (النساء) ويكون للمخيمات اللي تطول في التخييم وأنا رأيت واحد عباره عن حمامين قياس تقريبا 1.5سم *4م ولكن ثقيل ورفيع
والله يوفقك

صحيح اخوي .. وبيض الله وجهك هالتوضيح ولاتهون .. ويوفقك ويوفق الجميع يالغالي ..

[khalaa2u]

عند واحد من الشباب
مقطورتين كل وحدة تحتوي على دورتين مياة الله يعزك
طول المقطورة الوحدة 4 متر في 2.5 متر مقسومة لدورتين مياة اعزك الله
دورة المياة الوحدة 2 مترين في 2.5 متر يعني راهية جدا جدا جدا
تحتوي كل دورة مياة على كرسي افرنجي ومسبح ومغسلة يد طبعا شغل 5 نجوم او افضل ويعلم الله انه اشرف على الشغل بنفسة ولا هو راعي ورشة هو سواها لمخيمهم ولا طلعو البر من سواهم يعني جدد ماهم مستعملين ابدا ابدا ابدا
المقطورات في الدمام
ابسأله اذا بيبيع وبرد لك

[بويعقوب]

عند واحد من الشباب
مقطورتين كل وحدة تحتوي على دورتين مياة الله يعزك
طول المقطورة الوحدة 4 متر في 2.5 متر مقسومة لدورتين مياة اعزك الله
دورة المياة الوحدة 2 مترين في 2.5 متر يعني راهية جدا جدا جدا
تحتوي كل دورة مياة على كرسي افرنجي ومسبح ومغسلة يد طبعا شغل 5 نجوم او افضل ويعلم الله انه اشرف على الشغل بنفسة ولا هو راعي ورشة هو سواها لمخيمهم ولا طلعو البر من سواهم يعني جدد ماهم مستعملين ابدا ابدا ابدا
المقطورات في الدمام
ابسأله اذا بيبيع وبرد لك

خلاص فديت خشمك .. آنآ نآطر ردك في آقرب وقت .. وبيض آلله وجهك ..

[مغلي]

فيه حمام فيبر ... عند السنيدي ... الظاهر ان سعره حول ال 2500 او 3000 ... وفيه حمام قماش سيااااااااااااااااااحي جدا ب 80 ريال تجده عند كل اسواق الهايبر وايضا اصحاب محلات الرحلات

[كشات]

هلا ومرحبا باهل قطر

بدلك على اللي يسويها بالشرقيه
اذا تعرف طريق الجبيل الدمام وانت جاي من الخبر تبي خط بقيق يجيك خط الجبيل يمين لف معه وبعد اول جسر تمشي فوقه امسك المسار المحلي بيجيك مصنع الدخيل والدامغ للبرتبلات على يمينك ويسارك
اتوقع بتلقاهن جاهزات والسعر بحدود ال 20.000

وهنا موقع الدامغ
http://wikimapia.org/#lat=26.3776643&lon=50.0869703&z=16&l=10&m=b

وهنا مصنع الدخيل
http://wikimapia.org/#lat=26.3787985&lon=50.0894165&z=16&l=10&m=b

واذا نويت عليها وشريت حملها على تريله والا سطحه المسافه بعيده لقطر والسحب متعب جدا

وبالتوفيق