المساعد الشخصي الرقمي

مشاهدة النسخة كاملة : مشكلتي مع طرمبة البنزين


ناصر955
08/12/2009, 08:41 PM
اعضاء منتدى مكشات الكرام

مساءكم / صباحكم ورد وياسمين

لدي فورد ونيت 250 تانكيين طبعا ولدي مشاكل بالطرمبه

المشكلة الاولى / خربت اول مرة ورهمت طرمبة كابرس وكل بين فترة والاخرى تتعطل.

المشكلة الثانية / اني اذا شغلت التانكي الخلفي جزء من البنزين يروح لتانكي الامامي ويصب فيه الين ما يخلص التانكي الخلفي... اما اذا شغلت التانكي الامامي يشتغل طبيعي ما فيه اي مشكلة.

علما بأني عرضته على كذا كهربائي ولكن دون جدوى.



اتمنى من لديه الحل لا يبخل علينا واكون له من الشاكرين.
البدائع ديرتي
08/12/2009, 08:55 PM
السلام عليكم
انا من وجهة نظري تبدلهااي تولف لها حقة vxr فيه واحد بالبديعة لكن وماعرف بالضبط وين سوري الجنسية
وتقبل مروري
ابو التوليف
08/12/2009, 08:55 PM
مرحبا فيك يالغالي ابشر باللي يداوي علتك

طربة البنزيم تشتغل بالكهرباء ولا بدون
فايدالشمري
08/12/2009, 09:12 PM
ناصر 955
فيه كهربائي اسمه صالح الجابري بالصناعبة القديمة الكبيرة بحي العنوز بالرياض
يمدحونه وهذا اللي أقدر عليه لأفادتك
ناصر955
08/12/2009, 09:37 PM
اخي البدائع ديرتي
شكرا لك على المرور ياليت توضح اكثر هل ترهم الطرمبه كامله مع العوامه او القطعة بس.
اخي ابو التوليف
الطرمبة تعمل بالكهرباء
اخي فايد الشمري
شكرا لك على الاضافة لكن ياليت تدلني على ورشه بالقصيم اذا امكن.

شكرا لكم على المرور
فايدالشمري
09/12/2009, 03:23 PM
رد: أبي فزعتكم يأهل الخير


و عليكم السلام و رحمة الله

الحمدلله على السلامه

عندنا ببريده ورشة الكهربائي العثيم :good2::good:
بصناعية الرواف
رقمه تحصله على الخاص

اذا كانت طرمبه البنزين سليمه
فالمشكلة من احد الحساسات
خصوصا حساس الحذاف (مقنت)
او احد حساسات بكرات المكينة
كد طفى علي الجمس م2001 بتوقيعي تحت
و صارت المشكلة من فيش الطرمبه متوسع من الحرارة و مسوي كربون اسود + طبقة املاح
ضيقت سنون الفيش و حطيت شحم و الحمدلله الى يومك

اذا فتحت سويتش موترك و ما سمعت صوت الطرمبه
فتاكد من الكتاوت او الفيوز او فيش الطرمبة
او
الطرمبه خربانه
لان له فحمات مثل فحمات الدينمو و مثل فحمات دينمو الكهرب
اذا كان قاضيات ماعاد تشتغل


موفق








http://mekshat.com/vb/images/myicons/sign3.jpg


#أذكروا الله يذكركم#
(يسرني تشريفك لمواضيعي)
فك طرمبة البنزين.للجمس.(بالصور) (http://www.mekshat.com/vb/showthread.php?t=150274)
جميع أعطال طرمبة الجمس.(بالصور) (http://www.mekshat.com/vb/showthread.php?t=149483)
معانتي مع الجمس2001.الدبل.طرمبة البنزين.واقع لا خيال (http://www.mekshat.com/vb/showthread.php?t=146219)
فك فلجنة الجمس الامامية م2001.(بالصور) (http://www.mekshat.com/vb/showthread.php?t=150286)
مسامير ثلاجة الباترول(الفتك).الأسباب الأعطال الحلول.(بالصور) (http://www.mekshat.com/vb/showthread.php?t=150676)
فايدالشمري
09/12/2009, 03:30 PM
سوبر VTC (http://www.mekshat.com/vb/member.php?u=53291) راسله علي خاص يفيدك اكثار فيه الخير وكلهم فيهم الخبر والبركه عنده رقم جوال الورشه ابو ابراهيم
HAS5SAN
09/12/2009, 10:13 PM
مالك الا طرمبة الفي أكس ار
بدوي جنوبي
10/12/2009, 12:01 AM
http://www.mekshat.com/vb/images/misc/trashcan_small.gif تعرف علي اجزاء طرمبة الوقود الكهربائية وطريقة عملها واسباب تلفها Gmc-vx-r- Ford (http://www.mekshat.com/vb/showthread.php?t=207634)
ابو التوليف
10/12/2009, 01:22 AM
مرحبا فيك اخوي
اسف على التأخير

وبأبدى معك من الصفر

اولا: وش مهمة البنزيم===>نقل البنزيم من التانكي الى الصفايه ثم الكربريتر ثم المكينه
ثانيا: طرمبة سيارتك تشتغل بالكهرباء يعني طور اي طرمبى سياره مشابه بالتقريب لطرمبت سيارتك وركبها انت بنفسك وبكذا راح توفر على نفسك شئ كثير
اظربلك مثل:
انا والله يشهد علي واعوذ بالله من كلمة انا اللي ما أدنى طاريها خربة علي طرمية اللكزس حقة البنزيم ورحت سعرة طربة اللكزس راعي المحل بيجلاطني بسعر الطرمبه سعر الطرميه(1200)ريال !!! ورجعة البيت وانا كاره السياره وشغلة موخي وقلت مادام ان مهمة الطربه نقل البنزيم ادور اي طرمبه تنقل البنزيم (طبعاً بالكهرباء) ورحة التشليح وكذني عارف حجم وشكل الطربه( بس اذا رحة لا تقول لراعي التشليح ابي طربه بنزيم تركب على سيارتي الفلانيه روح وخذ غرضك دون ماتشرحله ) المهم دورة وبحثة لين الله دلني على طربة كامري موديل 2005 او 2004 وكان فيه كسر في الحلق حق الطربه الحلق البلاستيكي طبعً الطربه داخل البلاستك والبلاستك ماله داعي بالنسبه لي واختها بقيمة 40 ريال المهم وركبتها بشوية توليف والله ليومك هذا شغاله السياره على الطربه هذي بنفس القوه وفعالية طربة اللكزس . ووفرة على نفسي الشئ الكثير

اروجووو اني قد افتك

وبالتوفيق للجميع
ناصر955
10/12/2009, 02:56 AM
الاخ فايد الشمري
الف شكر لك على التوضيح والاضافة وانا خارج القصيم الان وابرجع ان شاء الله قريب واشوف كهربائي العثيم
الاخ nass5an
شكرا لك على المرور
الاخ بدوي جنوبي
شكرا لك على الوضوع المميز وافادني كثير
الاخ ابو التوليف
شكرا لك الاضافة وانا نفس المشلكة الطرمبه مالقيتها الا عند توكيلات الجزيرة بـ800 ريال.

من مبدأ من لايشكر الناس لا يشكر الله شكرا لكم جميعا على هذا التفاعل والذي لا يستغرب من هالهوجيه الطيبه.
سوبر VTC
13/12/2009, 02:33 AM
الله ييسر امرك اخوي

بامكانك مراسلة الاخ دغيم1 مشرف خيمه الرحلات السياحية
معه فورد :)
رجال اجودي و يفيدك و خبره
موفق