الحذر يعلن تسجيل خروجه من مكشات

[الحذر]

لاتحاولون هذا قرار نهائي وبدون رجعه
بعد هالموقف الي صار لي قبل أيام قررت تسجيل خروجي من منتديات مكشات حيث أنه بعد الافطار عند أحد الاصدقاء وبعد صلاة التراويح قمت باستخدام جهاز صديقي لزيارة منتدى مكشات الغالي على قلبي وبعد ذلك رجعت الى البيت وتفاجأة باتصال صديقي يخبرني بأني لم أقوم بتسجيل خروجي من جهازه وقال سوف أكتب بأسمك بالمنتدى كذا وكذا:D المهم بعد مساومات تم الاتفاق على دفع مبلغ خمسمائة ريــ(500)ـال مقابل تسجيل الخروج.وبعد ذلك قررت أن أقوم بتسجيل الخروج كلما أنتهيت من العمل على الجهاز.
لكن لاتنسون أخواني أعضاء مكشات تسجيل الخروج لكي لايستخدم تسجيلكم من قبل ضعاف النفوس وبالنسبه للصديق فهذه مزحه حبيت أزخرف الموضوع بها لأن الصديق وقت الضيق.ولكم فائق التقدير والاحترام.
وكل عام وانتم بألف خير

[خشم الحصان]

الاخ الحذر
السلام عليكم
ياخيي معاد فينا شده علي الروعه ياروعه ياهيي انتقة السنبوسه ولحقتها الشوربه الين مناخيري وشرقت الله يرج بليسك امين لا عاد تعودها الله يغغر لنا ولك تر هالمره جت علي خير وامدنا نشرب ماء وندز الشوربه ويا السنبوسه لي الكرشه اخاف المره الاخرا تافق ثم وش يدزها
الله يجزاك خير علي هالتنبيه يالغالي
اخوك
خشم الحصان

[محب البر]

بسم الله الرحمن الرحيم
السلام عليكم ورحمة الله وبركاته

أخي الغالي الحذر

جزاك الله خير على هذا التنبية المهم فهو ليس في دخول مكشات فقط بل عند إستخدام إي موقع يتطلب المعرف والكلمة السرية (مثل المنتديات والبريد والشبكات الخاصة وبعض الحسابات البنكية) إن لم تسجل الخروج فأي شخص بعدك يستطيع الدخول على ما يتطلب الكلمة السرية في بعض الحالات

يمكنك الغاء هذه الخاصية إن كنت ممن يستخدم أكثر من جهاز مشترك
من لوحة التحكم الخاصة بالعضو - تحرير الخيارات - خانة - دخول آلي عند رجوعك للمنتدى باستخدام الكوكيز أختر لا أن كنت تريد التسجيل كل مرة في الدخول

ومرة آخرى جزاك الله خير

أبو مروان

[عبد الأله]

مشكووووووووووور على التنبيه المهم

[شايب الصمان]

السلام عليكم ورحمة الله وبركاته
هذا تنبيه مهم جدا ونغفل عنه دائما ...
وجزاك الله عنا كل خير

[* الخطيب *]

خبرنا بالحذر دايم حذر
وشلون فاتت عليك هذي ؟
أمزح معك ياخوي ، جل من لايسهو .

[فـ(الجـوف)ـتى]

مشكور اخوى وجزاك الله خير على التنبيه 0

[بركان]

شفت العنوان في الشريط المتحرك
وجيتك اركض
قلت عساه يمدين على الرجال
من هو اللي زعله وهو حذر
والحمد لله عوافي


هذا وانت حذر
اجل لو منتب حذر
كان نسيت الرقم السري والمحفظه ومفاتيح السياره
يعني تمشي بيتك رجلي.!!!
اللي خلاك تنسى انك ملأت المعدة باصناف الاكل
فنزل الدم الى المعده
وبقي الراس جافا.

على العموم شكرا على التنبيه
وتسجيل الخروج عند الغير واجب وقبل الخروج من الباب.

تحياتي وتقديري.

[al-nashmi]

السلام عليكم ورحمة الله وبركاته

اخونا الحذر مشكور على التنبيه يا نبيه..... وفعلا صرت حذر على اسمك...

اللله يوفقك ويستر عليك......

يا اخوان اشتراكي من البارح ماهو مظبوط البارح دخلت على المنتدى وطلعت لي صفحه غريبه مكتوب فيها المجرم اخترق الموقع ، جعل يخترقه صيخ في عينه.......

واليوم دخلت عن طريق العمل.... والمنتدى فاقد الذاكره وعليه حما شديده ومظيع..... وفيه اشياء واجد مفقوده ، وابرزها الشريط المتحلرك.....


المعذره ماقدرت اكتب الا هنا الخيام الاخرى طار فيها العجاج......


وتقبلو تحياتي/ النسمي

[الحذر]

ياهلا والله وغلا بالجميع بالجميع وبالترتيب :-
خشم الحصان الله يسعدلي هالخشم وعلية الشحم أنشاء الله وارفق على روحك تراك غالي علينا بالحيل وخل السنبوسه على دفعتين تكفى.
محب البر مشرفنا الغالي عاد أنت مرورك غير له طعم وذوق ثاني يضفي على موضوعي الهيبه والوقار وحياك ربي وشاكر هالمعلومات لي غايبتني أول.
عبدالاله الله يحييك إيجاز بالرد لكن وافي والله ولك كل شقري وتقديري
شايب الصمان مشكور مرورك أعطاني الثقه ولك كل التقدير
طويلب علم الله يزيدك من فضله وصدري رحب لمزحك العسل ياعسل
فتى الجوف حياك الله عاد أنت قريب ومرورك يعطيني الثقه للكتابه شاكر لك
بركان أووووه ياسلام نوارة الربع كلهم ولايهونون وثق لو أعطوني شلوتي ماني طالع من منتدى مكشات الى لو محب البر يعطيني باند وياهلا والله
النشمي هلا والله ورحب والله لايهينك وانشهد أنك نشمي
ولكل من مر وقرأ موضوعي من الزوار التحية والتقدير والله يحفظكم وكل عام وانتم بألف خير