عليمي يبي يشتري آيكوم , فزعتكم يالربع ...

[Escaled]

الاخوان الكرام ,

السلام عليكم ورحمة الله وبركاته :)

يالغالين مع موسم الطلعات وبعد استشارة الغالي ابو محمد (( نفل )) قالي خذ لك ايكوم , وعطاني كورس حلو عن هالشغلات الله يجزاه خير :)

الزبدة اني ابي اشتري ايكوم , وابي العتاد المطلوب من الصفر الى ان اقدر (( ابربر)) :D

وابي كل شي وسعره يالغالين ماودنا ينلعب علينا بهالسوق :)

واذا امكن شرح الشغلات اللإضافية الممكن تركيبها ...

واتمنى من المتكلم ان يتذكر انه يتكلم مع عليمي خالص :cool:


ومشكورين مقدما ,

[ابو ضاري]

السلام عليكم ورحمة الله وبركاته
اخوي Escaled هذي الاساسيات للايكوم علشلن تراسل فيه:
اولا يحتاجلك محول كهرباء يحول من -110-220 الى 12 تلاقيه بالسوق بـ140 ريال تقريبا
ثانيا يحتاجلك استيشن 3قطع اذا تبي تراسل في المنزل وانتل اذا تبي تراسل بسياره
ثالثا مكثف الارسال
وسلامتك

[Escaled]

حيا الله ابو ضاري ...

اشكرك جزيل الشكر على ردك الجميل ...

ممكن تعطيني نبذة صغيرة عن الاستيشن والمكثف مع اسعارهم .

واشكرك مرة اخرى يالغالي :)

[ابو ضاري]

اولا الستيشن له انواع وافضلها (الدايمند) 3وصل وتلاقيه في السوق ب350 ولاكن خذ الاصلي (لايغشونك )
والكثف هذا اذا كنت تبي تكثف ارسالك وتلاقيه بـ 250
ومع السلامه
ارجو ان اكون وصلت المعلومه

[البارق*]

الأخ Escaled كبداية لك بأجهزة الإرسال عليك بالتالي :

1 - الجهاز icom- 2100 السعر بحدود 900 ريال حالياً .

2 - الأريل ANTENEX - 144 - 156 السعر 180 ريال .

3 - قاعدة مغناطيس ( 35 ريال ) .

4- مروحة تبريد مع فاصل ( 30 ريال ) .

5 - سماعة خارجية ( 45 ريال ) .

6- التوصيل من البطارية مباشرة .

تحياتي .....

[Escaled]

الاخوان , اشكركم جزيل الشكر :)

وجزاكم الله خير على المساعدة .

تحياتي لكم

[ABU-AL-3eeS]

تعقيب على اخوي البارق
حبذا لو يكون الجهاز على الولاعة :
1(لسهولة التشبيك والفصل.
2(اذا كان على البطارية احتمال انفصاله وارد مع المطبات وقد يؤدي لحدوث تماس لاقدر الله.
--------------------
وانا مجرب ايكوم 8000 على الهاي وشابكه على الولاعة يراسل زي الحلاوة لاصوت كهرب ولاضعف بالنور اللي على شاشة الجهاز.

وكل عام وانتم بخير
محبكم/عاطل

[Escaled]

مشكور اخونا عاطل ,,,

وكل عام وانتم بخير