المساعد الشخصي الرقمي

مشاهدة النسخة كاملة : وين اللي يراسلون


ابوناصر426
09/12/2009, 02:34 AM
السلام عليكم
مساكم الله بالخير

اليوم طرى لي طاري قبل مانام، اذكر قبل عشر سنين عام 1420 كان عندي جهاز كنود، وكنت اذا دخلت باي تردد احصل بدل الواحد مية، وكان الناس تتحدى بالارسال (فلان لحط فلان) وكان الكنود وسيع صدر للي بيجلس ويتسمع، كنا نجلس بالاستراحة ونحطه على العامة ونتسمع للسوالف، وذكر فيه تردد للالغاز وتردد للقصيد، وكان فيه دكتور حاط لنفسه مكتب ويسولف اربعة وعشرين ساعة، وكان به اسماء معروفة ذيك الايام، وماتمر بيت الا تشوف فوقه ستيشن الابيض او توجيهي، عقبها انقطعت عن الاجهزة وعالمها، ورجعت هالايام وشغل الجهاز ماحصل احد!! يالله احصل لي واحد او ثنين، وش اللي صار هل الناس هجرت الاجهزة والا وش العلم.

وسلامتكم
عزيز النفس 66
09/12/2009, 08:02 PM
حيااك الله اخوي

للاسف في الثلاث سنوات الاخيره تقريبآ كثرو ( المبزره ) الي يدخلون على الكنود واصبحت الشبكه منبر لضعاف النفوس كلها سب وكلام يعجز اللسان عن قوله
ولو كنت بمكتب انت وواحد تسولف وبعيد يجيك ال ييقطع والي يوزوز والي يسب الين الواحد كره الجهاز وكره المراسلات كلها

وهذ1 اكثر العالم مسوينه الي باع العده والي طفاها ولعاد شغلها

والله يهدي الجميع انشالله
راعي النون
09/12/2009, 08:08 PM
حيااك الله اخوي

للاسف في الثلاث سنوات الاخيره تقريبآ كثرو ( المبزره ) الي يدخلون على الكنود واصبحت الشبكه منبر لضعاف النفوس كلها سب وكلام يعجز اللسان عن قوله
ولو كنت بمكتب انت وواحد تسولف وبعيد يجيك ال ييقطع والي يوزوز والي يسب الين الواحد كره الجهاز وكره المراسلات كلها

وهذ1 اكثر العالم مسوينه الي باع العده والي طفاها ولعاد شغلها

والله يهدي الجميع انشالله


كلامك صحيح والله اخوي

لا ازيد عن كلامك الا ان العالم بعد كثره السب والتقطيع وغيره من شغل المبزه بدو مايستخدمون اجهزهتم الا بطلعات وخاصتاً البعيده

ولا تخلو وانت بوسط البر مثلاً عند ام رقيبه من شغل المبزره

فا اغلب الناس الان وانا واحد منهم مايشغلوه الا عند الحاجه القصوى
Abu-Nawaf
09/12/2009, 08:27 PM
كلامك صحيح والله اخوي اغلب الناس الان وانا واحد منهم مايشغلوه الا عند الحاجه
صقار الوحش
09/12/2009, 09:12 PM
ابي استفسر الله لايهينكم ابي اعرف كم رقم القنات العامه وقنات حقت اهل الابل (آنا آسف على المداخله المعترظه)
اسير الغضا
09/12/2009, 09:18 PM
النت ماكان بسرعات عاليه ومافيه احد يدخله مثل الحين


فأنا اقول اتجهوا لأشياء متطوره اكثر من الكنود
باني
09/12/2009, 09:48 PM
محبي السواليف انتقلوا للبالتوك و برامج الدردشة المماثلة .
ورجع الكنود ولله الحمد لمهمته التي صنع لأجلها .وهي في المناطق التي لا يوجد فيها ارسال جوال أو أنترنت ( المناطق البرية )
ابوناصر426
10/12/2009, 10:44 AM
بيض الله وجيهكم
كفيتم ووفيتم
سهم قيادي
10/12/2009, 11:36 PM
زيادة على كلام الاخوان تم التشديد من الجهات الامنية على الاجهزة دقو الباب على كم واحد
وخذو الجهاز وعدته لان ما معهم تعجيز اقصد ترخيص
رحت اطلع رخصه سلاح طلبو مني اربع صور وصوره الهويه وتعريف من العمل وعطوني الرخصه
ام الجهاز الله يعين الي يطلب الرخصه اختبار صعب جدا في اشياء ما نحتاجه الا 0.1%
مع ان السلاح اخطر بس رخصته اسهل !!!!!!!!!!