الشاعر الصقار : أحمد بن عبدالله الهندي

[الاصيل]

بوارق شفناه بين العشاوين=ياعل سبار البوارق سبرها

وعل العسوس تقول جبنا الخبر زين=جبنا خبر هاك المزون ومطرها

جنوب عن لوقه وعن لينه ايمين=ارض تغطا من ربيعه حجرها

وارجعلها قابل صلاة المصلين=لما تعطر جوها من زهرها

متاهة ما شيف فيها مقيمين=قفر يضيع الذيب به ما عبرها

وحنا لنا فيها رسوم وعناوين=لاجا دوار اللي صعيب ادورها

يازين لارحنا على الجيب شفقين=وحروت مغيب الشمس طحنا باثرها

ونمنا عليه وباول الصبح عجلين=قمنا انتقصص وانتتبع جررها

اثره هريب وجاه راعي البعارين=وطارت يوم انه مع طريقه حشرها

وجانا ينشّدنا وش القوم مغدين=قلنا الحبارا ليه ما انت اتخبرها

قال كفخة من مقدم الذود هلحين=لو وجهة طيركم له نظرها

وطيارها ترحيل مجبور تتبين=ما جنبت عن هالتلاع وشجرها

ورحنا على وصفه وشفناه بالعين=وقامت اتداور والنداوي بحرها

وتل السبوق وكن عشرة شياطين=تلعب براسه يوم طار ونحرها

وما راعته يومه تفل الجناحين=ولوانها طارت هو اطياره ارها

واخذ عليها باول الوقت تمرين=لما على المكفاخ غصب جبرها

وطارت تبي تغديه لاشك من وين=زار النجوم وجاب كفه خبرها

وحول معلقها وجيناه فرحين =نبي نخلّص مير عمره هجرها

الموت صار اسرع وحنا سرعين=من يوم ناشه طيرنا جا قدرها

الشاعر الصقار : أحمد بن عبدالله الهندي
القصيم ،،،،،، عنــــــيزه
24/9/1425هـ

[ميراج]

السلام عليكم ورحمة الله وبركاته

حياك الله اخوى الأصيل بين اخوانك

ومشكور على الأختيار الرائع بيض الله وجهك ولاهنت

[المري]

مرحبا بالاصيل


وحياك الله يالغالي بين ربعك واخوانك ....


وهذا ابرك الساعات انضمامك الينا


ثانيا:

تسلم على هذه المشاركة الطيبه وصح السانك والسان الساعر/ أحمد الهندي..



وتقبل تحيات اخوك / المري

[نقا هشال]

هلابك ياغالي

وتسلم على الاختيار المميز...

[المترو]

تسلم وصح لسانك ولسان ابو عبدالله الهندي
ويقول ابو عبد الله


احمد الهندي بحال البر واهل البر هالايام رداً على الشاعر عبد الرحمن العمُرُي

يا دحيم كانك على الوقت شرهان === يجب عليك يكون عندك تغاضي
لصار ما بيدك على الناس سلطان === تقبل الصاير بروح الرياضي
واغفل وخل الشأن لمدبر الشأن === وهو الوحيد اللي بيده العياضي
ان شلت بخاطرك فأنت غلطان === وش فايدة قلبك يشيل الغياضي
ولا انت معدل ما تميله الازمان=== ولا عامر بيت وطاه القضاضي
دور الجدي يا دحيم جاء فيه نقصان=== وعرف النجوم جاه اليوم انقراضي
وعقب الجهازالبر يا صحبي شان=== طفوبه اللي يهتوون الرباضي
كل شرى له جيب بغالي الأثمان === وجاب الجهاز وشال معه المقاضي
وبرمج خطوط الطول والعرض عجلان=== وراح يتمشى مع وسيع الاراضي
ولو شفتهم ما بين لوقه وفيحان === حاصللهم عقب الأخير انخضاضي
وكبيرهم كنهمن الخوف مرضان ====== ولو مال الهواء بالعود جاه انتفاضي
ناس سببهم راعي الذود بلشان ====== يقول ذا اللي صار شيء انتقاضي
عقب قنيب الذيب موال فنان ======= عود ومراويس بوسط الفياضي
عقب هدير الهرش صجات نسوان===== اذن دجاج اليوم و الديك باضي
والذود بالمفلا ولاهو بشبعان ======= يقضي نهاره بين عدُ وركاضي
ومن وين ما وجه يفاجاء بزيلان===== وشهب الجيوب اللي تخوضه خواضي
وزود على جوعه تفاخيت حيران ===== وحنين خلج فيه نوع اجتضاضي
ولاني بعم الكل في كل ماكان ===== استثني اللي له مع العرف ماضي
استثني رجال فهيمين وذهان ===== ولهم بصعبات الحمول انتهاضي
ناس مثل شرواك يا طير حوران===== ما اعياك برد شباطها والرماضي
واقبل سلامي عد ماتميل الأغصان ==== وعد برق دجى اليل ناضي



وتسلم يا خلفهم