المساعد الشخصي الرقمي

مشاهدة النسخة كاملة : رواق السنيدي


سرايا القدس
09/12/2009, 12:45 PM
السلام عليكم ورحمة الله وبركاته

محسوبكم من سكان مدينة الدمام صار له سنه يدور على رواق السنيدي اللي يجي بشنطه مقاسه 125 *6 او 8 متر وماني لاقي..كان القناص مواعدني انه يجيب قبل ستة شهور وماجاب ورحت له الاسبوع هذا وقال لي تو السنيدي منزل تريلا ومافيها اللي انت طلبته..مع العلم اني كلمت سنيدي القصيم واللي كلمني ماعطاني جواب مفهوم..ياليت من يقدر يساعدني ويحصل له دعوه واكون له شاكر ومقدر
راشد الحربي
09/12/2009, 01:09 PM
شف وانا اخوك انا ماني عارف بالضبط هل اللي بشنطة يفرق عن العادي او لا ؟؟

اذا كان مايفرق فاذا تبي رايي لا تشتري من السنيدي لانه ماهو بعملي ... وروس الحدايد اللي فيه غالبا تنكسر من الاستخدام ..

انا اشتريت من محل بالرياض قريب لجامع الراجحي واحد اعتقد انه 125 في 8 وعملي جدا ولا انكسر منه ولا مسمار وله معي تقريبا حول 3سنين ونص ..

إن كنت تبي من الرياض فانا مستعد اشتريه لك واشحنه ... وإن كنت تبيني اشتري لك طلبك من السنيدي فبعد ابشر امر واشوف السعر كم واخبرك وارسله لك عن طريق زاجل ..!!!

واذا تبي رقم جوالي انا ابرسله لك على الخاص ..!!
سرايا القدس
09/12/2009, 01:25 PM
شف وانا اخوك انا ماني عارف بالضبط هل اللي بشنطة يفرق عن العادي او لا ؟؟

اذا كان مايفرق فاذا تبي رايي لا تشتري من السنيدي لانه ماهو بعملي ... وروس الحدايد اللي فيه غالبا تنكسر من الاستخدام ..

انا اشتريت من محل بالرياض قريب لجامع الراجحي واحد اعتقد انه 125 في 8 وعملي جدا ولا انكسر منه ولا مسمار وله معي تقريبا حول 3سنين ونص ..

إن كنت تبي من الرياض فانا مستعد اشتريه لك واشحنه ... وإن كنت تبيني اشتري لك طلبك من السنيدي فبعد ابشر امر واشوف السعر كم واخبرك وارسله لك عن طريق زاجل ..!!!

واذا تبي رقم جوالي انا ابرسله لك على الخاص ..!!

زوجك الله من الحور العين واشربك من السلسبيل..تسلم لي والله يااخ راشد..بالنسبه للشنطه انا اشوف انها احفظ للرواق ولكن يقولون اسال مجرب ولاتسال طبيب..كيف شكل النوع اللي عندك ..اللون- الصناعه..علشان اشيك اذا فيه منه في الشرقيه والا لا..

مره اخرى الف شكر لك والله لايحرمنا منك
راشد الحربي
09/12/2009, 01:37 PM
اللهم آمين واياك ..

هو صحيح اذا له شنطة فأكيد احفظ له ..

الرواق اللي انا اشتريته اللي يجي لونه ابيض - العادي - بالرحلات وبالنسبة للصناعة والله ماني داري ايش صناعة الطربال لكن تفصيله اكيد انه محلي ...!!

اتمنى انك عرفت الشكل ..

اما بالنسبة للشنطة حتى لو اشتريت شي بدون شنطة تقدر تروح تفصله شنطة .. مع العلم ان الرواق اصلا يجي فيه شدادات يعني لو طويته طوي مضبوط واتقنت الربط ماراح يضره شي ..!!
راشد الحربي
09/12/2009, 01:52 PM
http://www.up-00.com/h1files/ymv55795.jpg (http://www.up-00.com/)

اللي انا اقصده نفس رقم واحد واثنين

http://www.up-00.com/h1files/AvJ55795.jpg (http://www.up-00.com/)

طبعا اذا فك يصير شكله زي كذا ..
<< كأنه يشرح لبنقالي
خخخ
والله بس من زود الحرص وانا اخوك

http://www.up-00.com/h1files/uE155795.jpg (http://www.up-00.com/)



اذا كان هذا هو طلبك فابشر بعزك وانا اخوك
سرايا القدس
09/12/2009, 01:58 PM
الله يبشرك بالجنه اخوي الحربي..والله ماني عارف كيف اشكرك وشكلي تعبتك معاي.. عموما انا غير متواجد بالدمام الان وساتواجد باذن الله الاسبوع القادم..شكلي بطلت من رواق السنيدي ..شورك وهداية الله..شكلي بشتري الرواق الابيض وابدور له على شنطه وان مالقيته راح اتعبك معي واكلفك بارساله من الرياض..

مره اخرى الف الف شكر لك
راشد الحربي
13/12/2009, 11:39 AM
اللهم آمين ..
ابد اللي تبيه ابشر به وانا اخوك ..!!!!