هل تشتري ادوات مستعملة؟؟

[ابو نجود]

نعرف ان ادوات ومعدات الرحلات الاصلية من قدور ضغط واباريق ودلال وحافظات ثلج قد انتهت من السوق وتوقف تصنيعها وحل محلها ادوات تجارية..
وهذه الادوات تستخدم بصورة مباشرة مع صاحبها وليست مثل الدوافير مثلا...
وسؤالي للاخوان..هل تشتري احد هذه الادوات عندما تجدها بالحراج وهي مستعملة؟؟

[ن م ر]

اذا بغينا نفكر بمنطقية أكثر

انا بسألك سؤال :

هل تأكل في مطعم أو بوفيه أو مقهى ... أدواته مرت على آلاف الأشخاص قبلك ؟

[سرهيد]

السلام عليكم

بالنسبة للقزوز وحافظات الثلج فقد اشتريت من لحراج وباسعار خيالية ورائعة وتعمل لدي الى هذه اللحظة ولا منها خلاف

هذي صور للحافظات

http://www.mekshat.com/pix/upload02/images67/mk40450_goot9.jpg

وهذي صورة لدبات الغاز اللي نصفها من الحراج

http://www.mekshat.com/pix/upload02/images72/mk40450_jaz.jpg


لكن اواني الاكل مثل قدر الضغط وغيره ، فيه ناس ما تحب ذلك

مع ان الاصلي اذا توفر وين ما كان خذه وخاصة انك تبي تعفله في البر

تقبل احترامي

[دايم الخير]

إذا و جد المرء ما يسد حاجته دون الكره النفسي فالأمر كله خير

بالأول و الأخير إنت انسان مكشاتي .. يعني لا للرفاهية .. و مثل ماقال الطيب نمر .. احنا ناكل من مطاعم و الاواني الخاصه بالمطاعم تكون معفوله من الناس.

الأهم في الشراء ان تكون السلعة خالية من العيوب التي قد تعود بالضرر على المستخدم.

لك فائق تقديري

[عتيق]

اذا بغينا نفكر بمنطقية أكثر

انا بسألك سؤال :

هل تأكل في مطعم أو بوفيه أو مقهى ... أدواته مرت على آلاف الأشخاص قبلك ؟
:good2: :good2: :good2:

[هاوي طعس]

بنسبه لي طرحت نفس السؤال عن الكاتم

وأنا عندي كاتم شاريه من الحراج قبل أربع سنوات

والله روعه وشريته برخيص جدآ وفرنسي تلاقاه في المحلات فوق 500 ريال

وأنا شاريه 100ريال تقريبا
هذي صورته حاطه في البيت
ولي نيه أشتري شيء خاص للكشتات

http://up.arab-x.com/Dec09/3lo62593.png (http://up.arab-x.com/)

[الكايف 888]

أنا عندي الكماليات لغير الاكل والشرب ( القدور والاباريق والدلال ) هذه ممكن اذا كان على شيء متعوب عليه ونادر
أما اذا على دوافير والثلاجات وباقي العدد اذا سليمه توكل على الله ونت مغمض

[ابولولو]

شكرا اخوى ابونجود على الموضوع
انا واحد اذا لقيت الى ناقصنى باالحراج والسعر يفرق كثيراخذه والناروالماء الحار تعقم كل شى ومثل ماقال اخونا حنا ناكل باالمطاعم عقب الاف الناس
موفق خير

[ابو نجود]

اشكر الاخوان على تجاوبهم ومرورهم..والحقيقة انني من الذين يبحثون في الحراج عن الاشياء النادرة ولو كانت مستعملة!!! وقد اشتريت من الحراج على قدر ضغط نادر من سب مقاس 14 لتر وعرضته في هذا المنتدى.
كما اشتريت من الحراج على قدر تيربو من سب مقاس 6 لتر وعرضته ايضا..
والحقيقة كونها مستعملة فهذا لم يشغلني كثير لاننا كما قالوا الاخوان نقبل بادوات المطاعم ونحن لانعرف من يستخدمها ولا طريقة تنظيفها!!
كماانني نظفتها جيدا حتى اصبحت كالجديدة...

[أبو الغيوض]

أنا بالنسبة لي كل شي ممكن آخذه من الحراج

إلا الأدوات الخاصة بالأكل

[خادم الإسلام]

بالنسبة لي أنا : عاااااادي :D :D

بعدبن فعلاً المطابخ يوم انك تاخذ لهم ذبيحة الصحون كم مرة استعملت ؟

[فيصل التميمي]

على حسب الحاجة
ان كانت ليست متوفرة جديدة او سعرها غالي يمكن اشتريها من الحراج ام ان كانت رخيصة انصح باشرائها جديدة

[ss-q8]

انا اقول في حاجات ماتلقاها جديده يعني حاجات قديمه اصليه تلقاها بالحراج واللي بالكويت عندنا نسميه سوق الجمعه في مستلزمات عندنا بسوق الجمعه مانلقاها اصلي واذا لقيناها اصلي تكون غاليه الاوفر انك تاخذ مستخدم وتنظفه ويصير جديد تكون انت وفرت على نفسك المال والجوده احسن ماتاخذ جديد صيني خذ اصلي مستخدم والله يوفق الجميع

[المغيسلية]

لاارغب على الاطلاق المستعمل

[ابوفهيدان]

شف اما انا مستحيل اشتري قدر للاكل لو انه اصلي دامه مستعمل
الشي الوحيد اللي اشتريه هو الدلال

[أبومنصور]

كنك عني داري :)
الأسبوع الماضي افتر راسي بسوق الصواريخ بجده
ادور حاجات تصلح لنا لكن ما لقيت شي يسوى
يعني انا ما عندي مانع بحدود طبعاًَ
عافاك الله يابو نجود


اخوك: أبو منصور

[شامخ ألهيلا]

شي للعزبة والبر والطلعات والاستراحه
باخذه من الحراج بشرط يكون اصلي واستعمال حشمه
سوا بريق ولا قدر
ويمدحون الكلوركس :good2:
اطبخه في ماء وكلوركس وفيري
سواء قدر ولا فناجيل وكاسات شاهي
وراح تشووف انها مثل الجديده
وتعقمت

[xl7]

ياجماعة مافيه فرق بين الأشياء المستحدمه شخصيا

السيارات مثلا نشتريها وهي مستخدمة قبلنا من فبل ثنين أوثلاثة
سكنا بالفنادق والشقق المفروشة ننام على أسره نام عليها كثير قبلنا
الخيام و ووووووو
ياخوي دايم اذا طلعنا كل طلعه على واحد ونستخدم عزبتة يعني وش الفرق بالله
اشياء كثيرة لكن أهم شيء انت تبي الحاجة خذها ولا تفكر بغيرك اغسلها وتوكل

[نمر الصحراء]

انااشوف مافي شي
يلربع

[بن مرشد1]

كل ما ما يستخدم لغير الطبخ اذا كان اخو الجديد اشتريه