المساعد الشخصي الرقمي

مشاهدة النسخة كاملة : الفزعة أول مشاركة ( مشكلة ما لها حل )


دوت كوم1010
10/12/2009, 01:42 AM
مساء الخير الجميع
في البداية طلع معي ريحة داخل الموتر ما ادري من وين والماء اللي في الإديتر ينقص وكل يومين أزود
الحاصل مسكت خط 400 كيلو ومشغل المكيف يوم وصلت لقيت بحيرة ماء عند رجلين الراكب
رحت للكهربائي قال المشكلة في رديتر المكيف ما لك إلا حلين كلاهما مر
إلا انك تجيب رديتر مكيف وبالطبع غالي يكلف مع التركيب 1500
الثاني نفصل الحار وانتم تعرفون المربعانية وعمايلها
توكلت على الله وخذيت الحل الثاني كحل مؤقت لين ألقا حل عند النشاما مثلكم وشرواكم
يالله الهمه انتظر حلولكم
ابو التوليف
10/12/2009, 01:51 AM
مرحبا فيك اخوي

هذي مشكلتنا يالسعوديين فكر مافيه (البعض)

الماء اللي عند رجلين الراكب هذا ماء من الثلاجه حقة المكيف يعني المكيف لما يثلج ويفصل الكمبرسر يبدأ الثلج بالذوبان ويبدأ ينقط خارج السياره لكن انت مكيف سيارتك ينقط داخل هذي هي المشكله

والكهربائي ضحك عليك وسحب المقسوم منك والله يعوضك خير

(ألا لعنة الله على الظالمين)

وبالتوفيق للجميع
دوت كوم1010
10/12/2009, 02:21 AM
اقولك بحيرة ماء ما هو ثلج ذايب كمية كبيرة يمكن 5 لتر
المهم
يعطيك العافية
لكن التشخيص صحيح وديته لأفضل 6كهربائيين عندنا نفس التشخيص ولكن هل لها حل عند الشباب
المكيف الحار يخلف الله ( بح )
ابو التوليف
10/12/2009, 02:34 AM
وتحسب ان موية المكيف قليله خل اي واحد يشغل المكيف حق السياره خمس دقايق وشوف الماء تحت السياره قد ايش



وبالتوفيق للجميع
لن أمل من العطاء
10/12/2009, 02:37 AM
المويه اللي وجدها موية صافيه
والا موية اديتر خضرء او حمراء المهم انها جايه من الاديتر

حدد نوعها تحد مصدرها

واش نوع السيارة
دوت كوم1010
10/12/2009, 02:37 AM
شكرا لك ابو التوليف
ما لنا من اسمك نصيب
دوت كوم1010
10/12/2009, 02:40 AM
لن امل من العطاء كلامك في الصميم 100%
شوفو لي حل مت من البرد في المربعانيه
اضيف نقطة فيه ليين في المكينه سكرهم كل واحد فيه بوجي
دوت كوم1010
10/12/2009, 02:43 AM
جيب gxr 2001
ابو التوليف
10/12/2009, 02:45 AM
هذا رايي وان شاء الله يفيدونك الاخوان

بالتوفيق للجميع
لن أمل من العطاء
10/12/2009, 02:46 AM
يعني الموية اللي وجدها موية اديتر

تجد تحت الطبلون ثلاجتين واحده داخلها فريون للمكيف البارد
والاخرى داخلها موية اديتر للمكيف الحار

طبعا من كلامك ان ثلاجة المكيف الحار تنسم موية
الثلاجة المونيوم ويوجد للالمونيوم لحام
واكيد التنسيم مو كثير اقصد الفتحة

اما ان كانت الموية صافيه ما بها اوساخ فاعلم انها موية من ثلاجة البارد بعد ما تذوب ما تخرج لخارج السيارة وانما تعود لداخل السيارة باسباب
كسر الديكور تحت الثلاجه يعني فيه مثل القدر تحت الثلاجة هذا القدر بلاستيك وانكسر مع الزمن او بضربه جاته
او ان الانبوب اللي يصرف المويه للخارج تسكر بسبب الاوساخ
او ان فيه احد مسوي لك اصلاحات في المكيف وعند التركيب لم يخرج لي تصريف المويه للخارج وانما تركه بالداخل

برضه ما حددت نوع السيارة
دوت كوم1010
10/12/2009, 01:05 PM
يعني الموية اللي وجدها موية اديتر

تجد تحت الطبلون ثلاجتين واحده داخلها فريون للمكيف البارد
والاخرى داخلها موية اديتر للمكيف الحار

طبعا من كلامك ان ثلاجة المكيف الحار تنسم موية
الثلاجة المونيوم ويوجد للالمونيوم لحام
واكيد التنسيم مو كثير اقصد الفتحة

اما ان كانت الموية صافيه ما بها اوساخ فاعلم انها موية من ثلاجة البارد بعد ما تذوب ما تخرج لخارج السيارة وانما تعود لداخل السيارة باسباب
كسر الديكور تحت الثلاجه يعني فيه مثل القدر تحت الثلاجة هذا القدر بلاستيك وانكسر مع الزمن او بضربه جاته
او ان الانبوب اللي يصرف المويه للخارج تسكر بسبب الاوساخ
او ان فيه احد مسوي لك اصلاحات في المكيف وعند التركيب لم يخرج لي تصريف المويه للخارج وانما تركه بالداخل

برضه ما حددت نوع السيارة
اخوي ما امل من العطاء ما شاء الله عليك كأنك تشوف المشكلة حطيت ايدك على الجرح المشكلة بالضبط هل اللي باللون الأحمر
لكن وش حلها بالضبط وبالتفصيل المربعانية ما ترحم
اما نوع السيارة
جيب لاند كرورر gxr 2001
تكفى انتظر الحل
دوت كوم1010
11/12/2009, 06:22 PM
وين النشاما ما لقيتوا حل
شخص بري
11/12/2009, 06:46 PM
اخي العزيز كلام اخونا الكريم (( ما امل من العطاء)) كلا م صحيح يعني هي احد السببين السابقين وبما ان الكهربائي شخصها لك فهي موية الثلاجة الحارة حقة التدفئة
او الخرطيش الي موصلة لها
المطلوب كهربائي فنان يفك االثلاجة او مكان التهريب ثم اذهب بة الى لحام الالمنيوم اوالكبس اليات حسب الحاجة ولا تغير شي لان بعض الكهربائيين كل شيعندة غير
امل ان اكون افدتك والسلام عليكم
جيبي جايزلي
11/12/2009, 06:59 PM
رجع الليات زي اول وفك درج الراكب وبعض الديكورات اللي تحت عند الراكب وشغل السياره وتتبع الماء اللي ينزل انت بنفسك وكل شي وانا اخوك له حل
معتصم نجد
11/12/2009, 07:54 PM
أخي الكريم دوت كوم1010 لا تقلق كما قال الإخوان كل مشكلة ولها حل
أنت بمنتدى مكشات
دوت كوم1010
11/12/2009, 09:22 PM
والنعم بمكشات وأهل مكشات كلهم من اعضاء ومشرفين وزوار ولكن المربعانية ما ترحم
شوفوا لي حل
سوبر VTC
12/12/2009, 12:49 AM
المشكلة موجودة ببعض الباثفندر و الباترول
تهرب ثلاجه المكيف انكسار او شق بمواصير الثلاجه
و ينقص الاديتر و لا تدري وين يروح الماء
الافضل تلحم الثلاجه




الحاصل مسكت خط 400 كيلو ومشغل المكيف يوم وصلت لقيت بحيرة ماء عند رجلين الراكب
بما انك ماسك خط
فان طرمبة الماء تدفع الماء الى خارج عن طريق تهريب الثلاجه
(تنسيم) + ضغط طرمبة = خروج الماء بقوة
لن أمل من العطاء
12/12/2009, 02:38 AM
فك الطبلون من تحت
وشغل السيارة وبعد لا تحتمي
دعس بنزين الى الدورات المرتفعه 3500 او حولها

وشوف المويه من وين تطلع
فك القطعه سؤاء بلاستيك او المونيوم
بلاستيك غيره
المونيوم لحمه عند اللي يصلحون الرديترات وتجدهم كثر ويكتبون على المحلات يوجد لحام المونيوم

لحمه واختبره عندهم بالضغط عندهم طريقه انهم يضغون بداخله هواء وفي نفس الوقت يغطسونه في حوض ماءكبير ويبان اذا كان بعد ينسم

واعلم انك اذا اكتشفت المشكله بالضبط فالحل بسيط جدا

ولكن شوف كيف التشخص الخاطئ بالاول كلفك اموال كنت في غنى عنها

ارجو لك التفيق
بوهادي
12/12/2009, 08:52 PM
السلام عليكم
صارت معي في نيسان باترول وخصوصا اذا مسكت خط طويل فصلت هوز الدفايه وماتغير شي
اللي يقول من المكيف واللي يقول من الثلاجه وبالاخير طلعت شغله بسيطه طلع هوز تصريف المكيف اللي بداخل المكينه تلاقيه هوز صغير نازل على تحت
ركبت الهوز ورجعت هوز الدفايه والحمدلله لها كم شهر ومن احسن مايكون