المساعد الشخصي الرقمي

مشاهدة النسخة كاملة : ؟عرض الجميح؟


bewildered
10/12/2009, 10:49 AM
مرحبا بالجميع

ياشباب ايش قصة عرض الجمي للسيارات
هل هو من تكدس السيارات لديه
او انها فيها مشاكل
لن بصراحه اسعارها خيالية

من 14 الف تبداء الاسعار
VXR.2007
10/12/2009, 07:26 PM
يقولون يبعون من موديل 2005 لين 2008 او 2009 بس اكيد فيها مشكلة يقولون تنباع الومينا على 35 الف بس مدري اي موديل واكيد فيها ضمان على السيارة
مكسر الشوك
10/12/2009, 07:35 PM
شكلها من الي غرقن في بحيرة المسك
قناص خلاوي
10/12/2009, 07:36 PM
مادري عن عرض الجميح
لكن القاعدة تقول
مافيه وكيل ثقة بالسعودية
الكل حرامية الا من رحم الله
ابو شريف
10/12/2009, 07:39 PM
لا اكيد وكاله يخاف على سمعته
فهد33
10/12/2009, 07:50 PM
الظن الجميح يبي يعوضها بالبيبسي
ابن سيف 18
10/12/2009, 07:56 PM
ما صدقت الصراحة

يا اخوان تبونا نجزم على سيارة وحدة
ان خسرنا خسرنا مع بعض( الموت مع الجماعة رحمة) :)
لن أمل من العطاء
10/12/2009, 07:59 PM
الظن الجميح يبي يعوضها بالبيبسي


هذا الكلام

ينزل في السيارات ويرفع في البيبسي


تخيل ربحه في العلبه نصف ريال فقط

لو يبيع 5 ملايين علبه يوميا في كل المناطق التي يغطيها

مليونيين ونصف يوميا خلال 30 يوم في 12 شهر

تدرون انها تسوي 9 مليار من النقد العربي السعودي في السنه الواحده

اتوقع وكالة السيارة خاصته لا تربح هذا المبلغ
تميراوي1997
10/12/2009, 08:25 PM
ياشباب الكلام هذا غير صحيح
انا توي داق عليهم ويقول السيارات خلصت

ويقول العرض من مميزاته انه ينقص من السيارة 4 او 5 الاف

يعني اضاهر الكلام فيه شكه
الجندي2005
10/12/2009, 09:34 PM
لا اكيد وكاله يخاف على سمعته



اصلاً ما عندهم سمعة يخافون عليها
الــفــيــصــــل
10/12/2009, 09:38 PM
شكلها من الي غرقن في بحيرة المسك

هههههههههههه
بن بريك
10/12/2009, 09:45 PM
انتبهو يا اخوان حصلت له قبل فتره صور في منتدى لصاله و اعتقد مستودع يحترق بالكامل بالرياض
هبــ حريملاااء ـبوب
10/12/2009, 10:02 PM
السلام عليكم ..
هذي تصفيه يعني لو يبيع بألف ماهو خسران .. والكسبان اللي عنده كاش ويلقط سياره منه بحدود فلوسه
هذا وكيل يعني كم تتوقع داخله عليه سياره ماا مثلا بـ 50 ويبيع بـ 55 ؟!!! اكيد عليه بـ 20 ويبيع بـ 55
ولا وشلون يدفع اجور ومصاريف وضمان بالعقل ياا اخوان .. وهذي بواقي من رجيع وتكهين من اللي بالاساس للعرض
يعني محسوبه عليه بنص القيمة !!
داام انها من الوكيل ومضمونه اهني من شراا وبالتوفيق للحميع ..
سوبر VTC
10/12/2009, 10:33 PM
الغريب في الاعلان بالجريدة :no:
الكابرس ب58الف
التاهو ب92الف
و الجمس ب97 الف
احتمال دفرنس واحد
احتمال اذ رحت لمهم قالوا لك لا ب125الف :mad:
بـدر
10/12/2009, 10:35 PM
يعني يبي يقنعني الجميح انه مسوي هالعرض لله وفي وجه الله

من باب التخفيف على المواطنين و تيسير الامور !!!

يرجال

يخلف الله بس
سوبر VTC
10/12/2009, 10:37 PM
شكلها من الي غرقن في بحيرة المسك



توجد الان اشاعة ان التخفيض
بسبب غرق السيارات بميناء جده !!!
او تاثر المستودعات هناك بالماء
بـدر
10/12/2009, 10:38 PM
توجد الان اشاعة ان التخفيض




بسبب غرق السيارات بميناء جده !!!
او تاثر المستودعات هناك بالماء







اخوي سوبر

وين التأمين ودوره

لا تخاف عليهم مأمنين حتى على البواب حق المستودعات ...

لذلك فأتوقع ان كانت السيارات المتضررة هي اللي بتباع
فهي ان شركة التأمين من قامت بهذا العمل وليس الجميح ولكن تحت مظلة الجميح فقط

هذا تحليلي الشخصي والله اعلم
ملف علاقي
10/12/2009, 10:53 PM
تحياتي للجميع باالنسبه لعرض شركة الجميح انا سألت احد المدرا في الشركه وافاد ان العرض ليس من شركة الجميح ولا كن من مصنع جنرال موتورز والعرض علي سيارات شفر ليه فقط ولدي كل موزعين شفر ليه حيث جائتهم التعليمات بإغلاق المعارض لعدة ايام قبل الحمله وتتحمل الشركه الأم كامل المصاريف بمافيها رواتب العاملين هذا علي ذمة المسؤل في الشركه 000فأالله هم اضرب الجشعين باالجشعين واخرجنا من بينهم رابحين اللهم امين 00
فيصل التميمي
10/12/2009, 11:58 PM
العرض يدعو الى الشك
Magellan
11/12/2009, 12:33 AM
هذه الخلاصة لبعض الردود في أحد المنتديات الإقتصادية:



في أحد المواقع قريت النص التالي
((امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!
بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط))
منقول
طبعا حسب الاعلان المعروض
لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!
قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة
كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!
طبعا المسئول يقول للوالد السيارة لك ؟؟ قال لا !!
قال طيب شخص يعز عليك ؟؟ قال ايه لولدي السيارة !!
قال ما انصحك !! طيب ليه ؟؟
قال كل هالسيارات اللي بالعرض جايه من مخازن جده ولاعب فيها السيل لعب !! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمان
هذا اللي صار معي امس والله شاهد على كل حرف كتبته .....
وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل
فعلى كل من بيشري سيارة جديده الانتباه لهالنقطه
ادري أن مكان الموضوع ساحة السيارات بس حبيت انزله هنا بما أن القراء أكثر حتى ينتبهوا لهالعرض ولا ينخدعون فيه وان كان لا بد من مشرفينا نقل الموضوع بس بدون سالفة النقاط



إلى متى هاالشركات تلعب بالمواطنين باعلانات خبيثة تدليس وكذب ولعب بعقول المواطنين على العموم تو جاي من الشركة لا بارك الله فيهم ولا ربح الجميح خير رحت الشركة الي بجوار مرسيدس بعد لكزس بطريق المدينة لقيتهم مقفلين سألت احد الماره قال هم بعد الكوبري المربع واشد طال عمرك هناك واسأل الموظف يقول ارجع لنفس الفرع المغلق بس خلف الشارع العام واروح هناك مالقيت غير سيارات رجيع المستأجر فقط عدا سيارتين بليزر فقط فقط هي الموجوده زيروا وبقيمة 58 الف ريال واسأل الموظف يقولي والله ياخوي حنا سمعنا مثلكم لكن ماجاتنا السيارات بعد !!! اعاود اسأله واقول يعني انتم محترينها تاصل هنا حوشكم ... قال بعد والله ماادري قلت ياخوي يعني اعلان الجميح هو كذب على الناس ؟ قالي والله ياخوي ماادري .. قلت طيب عطني اي شيء يبرد كبدي قال شف قالوا ان العرض في الدمام وشوي قالوا لالالا بالرياض وشوي قالولنا بجده وحنا مثلك كموظفين مانعلم وين الصح لكن خذ رقم المعرض واتصلبنا يوم السبت ويمكن تتضح الرؤيا ... لكنه قالي اعتقد ان العرض كذب ولو هو صح حنا كموظفين ماتركناه لأنفسنا واهلنا ... قلت ايه ايه والشريطية بعد يلتفون حولكم .... ضحك الموظف ومن كان يجلس بجانبه وقال العلم عند الله في هذا العرض ... فلا بارك الله في شركة الجميح ولا بارك الله في رزقه ان كذب على الناس في اعلانه .


الموضوع ومافيه عندهم كمية من السيارات المخزنه ويرغبو بتصريفها
من عام 2005 الى 2008
من غير ضمان والسيارت اصفار وانا سال واحد من الشباب شغال بشركة الجميع يقول
كل موديل من السيارات نزل من قيمته 10 الى 7 الاف
يعني مثال الومينا 2005 قيمتها الجديده 45 تباع 35
وهاكذا يعني يحلم اللي بياخذ لومينا 2008 ب 35 او 50
وريحو بالكم........ والعرض لم يوضح فيه كل شي وراح ينزل يوم الاثنين لائحه بالاسعار بالوكالات


والله توي جاي من عندهم
الوان غير مرغوب فيها
وضمان مافيه
يمكن يبيعوك سياره عطلانه


الموضوع ومافيه ان الرجال حسبها صح وان اغلب الناس المتضررين في سيول جده فقدو سياراتهم وقال الان الوقت المناسب لتصريف الاستكات على المواطنين وهو عارف ان الطلب اكثر من العرض بسبب تضرر اغلب سيارات جده ..
ناس تعرف تشتغل


الخبر صحيح لكن السبب في سعرها المخفض هو :
موديلات قديمة مخزنه
الوان غير مرغوبة
مواصفات سياحية ستاندر
لايوجد عليها ضمان ويقوم العميل بتوقيع تعهد بعدم مطالبة الشركة
وخذ العلم لو فيها خير ماتركها الطير كان اخذوها شركات التاجير قبلنا لكن خوفي ان فيه اسباب غير اللي ذكرت .


خذ العلم في هذا الاعلان من داخل شركة الجميح
عدد السيارات يقارب 700 سيارة جديدة مخزنة ولم تباع منذ سنوات تعود لأعوام 2005 و 2006 و 2007 و 2008
والسيارات متوافرة في وكالة الجميح بجدة فقط
والاسعار المذكورة أعلاه لسيارات لموديلات 2005
والموديلات التالية ترتفع الأسعار تدريجياُ
اتمنى اكون افدت واوضحت


من الجميح نفسه خويي ههههه


مريت عليهم في الشركة و لقيت زحمة ويقولون اليوم في الجرايد

بصراحة شفت زحمة احسب فيه شرهات ونزلت واكتشفت انه تخفيض :13:
بدوي جنوبي
11/12/2009, 10:38 AM
السلام عليكم ..
هذي تصفيه يعني لو يبيع بألف ماهو خسران .. والكسبان اللي عنده كاش ويلقط سياره منه بحدود فلوسه
هذا وكيل يعني كم تتوقع داخله عليه سياره ماا مثلا بـ 50 ويبيع بـ 55 ؟!!! اكيد عليه بـ 20 ويبيع بـ 55
ولا وشلون يدفع اجور ومصاريف وضمان بالعقل ياا اخوان .. وهذي بواقي من رجيع وتكهين من اللي بالاساس للعرض
يعني محسوبه عليه بنص القيمة !!
داام انها من الوكيل ومضمونه اهني من شراا وبالتوفيق للحميع ..


نعم
الكسبان اللى يلقط له سياره ويتوفق فيها
لو عندى مبلغ كاش
بأتجه للجميح
واشوف لى تاهو دبل موديل 2008 او 2009

وافحص السياره مضبوط بنفسى
وأتاكد من لمبات التحذير انها شغاله
ومن كل القطع الالكترونيه والكهربائيه
واشرط عليهم انى اجربها

يا اخوان لا تنسو ان السياره اصفارما مشت
البعض يدفع فى سياره مستعمله موديل 2008 او 2009
مبلغ 90 الف او اكثر ،،، ايش المانع تمتلك السياره وتكون اصفار

اذا كل شيئ سليم بتوكل على الله واخذها

توكل على الله فهو حسبك

ولو نفترض ان السارات تأثرت
وهل كل السيارات تأثرت او غرقت
الله واعلم ،،، قد يكون التأثير بسيط

لكن تقنص الفرصه وابحث عن شيئ يناسبك

وجهة نظر قابله للنقد

بالتوفيق للجميع
ابوخالد 9
11/12/2009, 01:47 PM
فـيـهـا إن !
ابومحمد111
11/12/2009, 02:44 PM
اللي اعرفه ان العرض شامل جميع شركات جنرال موترز يعني الجميح والعيسى وبالبيد وغيرهم منالوكلاء في المملكة حسب اعلانهم في الجريدة برعاية جميع الشركات اللي قلت سابقا