السنيدي في ثوبه الجديد

[سيف السيف1]

السلام عليكم ورحمه الله وبركاته وبعد
ليست دعاية ولكن المحل يستاهل الزيارة :j
تم افتتاح محل السنيدي الجديد للوازم اللرحلات الجمعة الموافق 22/9/1425هـ الواقع في شارع الشاحنات جوار مكتبة العبيكان , بحق المحل تحفة من التحف المحببة لإصحاب البر من أفضل وأكبرالمحلات الموجودة في الخليج, فعلاً يستحق الزيارة. هذا للإفادة ودمتم

[شاص]

بأي ديرة الله يحفظك ومن يسمع وياليت تعطينا وصف دقيق للموقع لاهنت

[خشم الحصان]

الاخ الغالي
ابو فارس
السلام عليكم
اخوي الغالي الله يغفر لنا ولك رحت يم طريق المللك فهد ودورت عن طريق الشحنات ومالقيت لقيت مكتبة العبيكان ومقابلتها عمارة المملكه ونشتهم عن طرق الشحنات قالو لي الله يهديك انت من ووين من الرياض قلت ايه والعلم من واحد ثقه قالو تعرف بيتكم فلت ايه فالو رح لبيتكم ولا اتصل علي احد من عيالك يجي ياخذك
الا مير ابنشدك هو في الرياض ولا واينه فيه الله يجزاك عنا كل خير
اخوك لي الا هالحين يدور طريق الشحنات
خشم الحصان :director: هذا انا ونا انشد عن طريق الشحنات

[ابو ساره 999]

اخوي العزيز خشم الحصان المحل موجود في مدينة بريدة عروس القصيم وليست لدي اي معلومات عن المحل الجديد واذا توفرت اي معلومات ازودك بها انشاء الله

[بطران]

مشكور على المعلومة

[البارق*]

وصف لمحلات السنيدي بثوبها الجديد

فعلاً المحل يستحق الزيارة عبارة عن صالة ضخمة من دورين وابشر اهل القصيم بافتتاح دار موجة بركن من أركان السنيدي...

للقادم من طريق عنيزة ( طريق جامعة الإمام )

بعد ما تتجاوز المدينة الصناعية وعند إشارة النجر خذ يمين مع طريق الشاحنات ...

تقريباً 3 إشارات على ماأظن يكون المحل يمينك ...

[سيف السيف1]

احبابي الكرام المحل موجود في القصيم ( بريدة ) وهو كما ذكر الاخوان عبارةعن صالة كبيرة طابقين فيها جميع اغراض الرحلات كما يوجدبها قسم خاص لدار موجة , أخوي خشم الحصان بعد التعب :D اذا نويت تجي ارسلي على الخاص وأنا اهبب ريحك يابعدي :)

[أبو أسامة]

جزاك الله خير
عساه ماهو غالي مثل ربعنا في الرياض