ياشباب الحقو الجمرية من يدين راعي الكيف !!!!

[راعي الكيف]

بادئ ذي بدئ اهنئ جميع من في المنتدى بقرب عيد الفطر المبارك اعادة الله علينا وعليكم باليمن والبركات ......



وبعد .... طبعا مانستغني عن مشورتكم ياشباب بالطبخات البرية وخصوصا منها الشتوية واللتي لها رونق خاص خصوصا بإدخال عنصر الضو فيها ومن هالاكلات المشهورة - الجمرية - طبعا كلن يعرف الجمرية وما يحتاج أشرح لكم وش تتكون منه ............. أنواع العجز :( :( :(

ولكن فيه جمرية صلحتها بنفسي في أحد الكشتات - طبعا شغل خمبقة !!!- يعني بربسة يعني مشي حالك ..... معليش تراي ثلاث أرباعي نوم هههههههههههههههههه !!!!

والمعروف بالبران ان الشي اللي يميزها هو عدم التكلف بأي شي سواء أكان بالطبخ أم غيره وهذا هو مصدر الوناسة وهي البعد كل البعد عن التكلف ...... طبعا هذا رأيي


فمن هذا المنطلق حبيت اعرض لكم الجمرية + إضافات خاصة مني وهي بصل وشوية سمن طبعا بعد التقطيع وكذلك تراي قسمت العجينة إلى قسمين وهذا سوف يتضح لكم بالصور وما راح اكمل ابخليكم مع الصور .....



الصورة الاولى : طبعا بعد ما تخلط الطحين بالماء وشوية سكر ينتج العجينة طبعا قمت بفردها وتيبيس أجزائها العلوية والسفلية بهذه الطريقة - طبعا باستخدام الصاجة عشان مايدخلها شي من تراب أو رماد -

http://www.mekshat.com/pix/upload/images6/mk9648_keef.fo.1.JPG

الصورة الثانية : طبعا من المهم عندي أني أحمسها أو ايبس جوانبها على ضو رمث عشان اقدر استخدم الجمر حقة بتغطية الخبزة أو الجمرية ...

http://www.mekshat.com/pix/upload/images6/mk9648_keef.fo.2.JPG


الصورة الثالثة : الآن قلبت الجمرية ويتضح استواء الجانب السابق اللي كان تحت بالإضافة إلى اتضاح جمر الرمث..

http://www.mekshat.com/pix/upload/images6/mk9648_keef.fo.3.JPG



الصورة الرابعة : طبعا بعد استواء الجانبين أخذ القطعة وابرح لها مكانا تحت جمر الرمث وأجعلها مستويه بشكل أفقي عشان الحرارة تتوزع على الجوانب كلها .....

http://www.mekshat.com/pix/upload/images6/mk9648_keef.fo.4.JPG




الصورة الخامسة : يتضح الدفان على الخبزة وتركها لمدة تتراوح 5-10 دقائق على حسب حرارة الجمر الموضوع ....

http://www.mekshat.com/pix/upload/images6/mk9648_keef.fo.5.JPG



الصورة السادسة : بعد حك جوانب الخبزة من ما قد يعلق بها من أتربة أو رماد تقطع إلى أجزاء صغيرة كلقمة واحدة للشخص وتقطيع البصل مع خلط المكون بالسمن على النار لمدة دقيقتين يصبح جاهزا للأكل ........

http://www.mekshat.com/pix/upload/images6/mk9648_keef.fo.6.JPG

وحياكم الله على قل الكلافة ................





وجربوها وراح تدعون لي .. وبالنسبة للصور فللأسف لدي كبيرة وبشل واضح ولكن محدودية تحميل الصور حالت دون ذلك وجعلتها صغيرة .......





أخوكم
راعي الكيف
ابو سعد

[أبو فراس]

السلام عليكم ورحمة الله وبركاته

الله يعينك تبي تستاثم بنا على هالصبح

هالحين ويننا عن المغرب قصدي مغرب الشمس لاتروحون بعيد

[عند الباب]

يا راعي الكيف أول مره اشوف جمرية مثل هاذي
هاذي خبزة صاج بس أنت وصختها بالرمل والرماد
خبري بالجمريه أو قرص الجمر أو اي اسم يسمونه يجي متين واذا استوى يفركونه ويحطون علية السمن والي يبون على كيفهم
ليتك ما جدعتها بالارض حسافة .... شكلها زينه
الصحيح تحمست اول ما قريت العنوان بس عندي لك اسم جديد .... ماهب اسم لك ....لا ... للموضوع
خبزة راعي الكيف والا اقول امممممممم :rolleyes: :rolleyes: خبزة القرن حلوه خبزة القرن


شكرا اخوي راعي الكيف ... لا تزعل بس ابا اوسع صدرك ..

[راعي الكيف]

ابو فراس /
والله مادريت انك صاحي مثلي ولا أن كان ماحطيت الموضوع إلا بعد الفطور هههههههههههههههههه
تحياتي ..

عند الباب/
وش هالتحطيم ياخي جاملنا على الاقل !!!!!!!!!!!!!!

تراي امزح وعموما تراي كنت ابسميها الجمرية الكيفية من راعي الكيف بس قلت مشوار وخلنا على البسيط عشان يجون الناس ... وبالنسبة لخبزة القرن ... يعني لو عطيتها اسم خبزة العصر يمكن يصير اسمها أوجه شوي هههههههههههه


اشكرك على رحابة صدرك وعلى مرورك الكريم

[راعي كيف]

السلام عليكم ورحمة الله وبركاتة.
حبيبي والله يالسمي وش الزين هذا والله شغل تمام نبي الصراحة فكرة طيبة وشكل الطعم اطيب ..........واحد يلمح للعزومة .
عاد لاتخلينا من ابداعاتك وطبخاتك ولا تنسى تعزمنا هههههههههه .


اخوك المحب السمي راعي كيف
ابو ناصر

[راعي الكيف]

تسلم والله يالسمي وانت مهب ذا حقك.... حقك والله خبز تميس ويخب هههههههههههههههههه تراي امزح ...حقك والله ذبيحتين ولا توفيك حقك وبالنسبة للعزيمة أنا ابي اللي يعزمني تجي وتقول وراك ما تعزم !!!!!!


حياك ربي في أي وقت وان كان المكان ما يسعك نشيلك فوق الراس ....




وياهلا ويامرحبا

[وجيه 11]

تسلم يمينك يا راعي الكيف :good2:

وخير ما سويت أنك أوقدت عليها من الرمث ، شكل ريحتها روعة :looney:

أما مسألة البصل والكمون والسمن فعلى قولة أخواننا في بلاد الخليج " خوش والله "

النوبة الاخرى لزوم تعزمنا والا ترانا بنرفع عليك دعوى في مجلس الأمن بتهمة المغاير :alarm:

[راعي الكيف]

وجيه 11/
ومن قال يالطيب .... وبالنسبة لجمر الرمث فالحكمة منها هو ان جمر الرمث كما هو معروف صغير وبسيط ولا يوذي وهذا ما رغبنا فيه عشان تقدر توزعه على جميع الخبزة بانتظام وعلى قولتك من الحكمة فيها الريحة لأنه كما هو معروف ايضا ان الرمث ريحته جميلة جدا

وبالنسبة للعزيمة ابشر بسعدك انت والشباب ومالكم إلا طيبة الخاطر ..........

[الدندون]

السلام عليكم ورحمة الله وبركاته

الله يعينك تبي تستاثم بنا على هالصبح

هالحين ويننا عن المغرب قصدي مغرب الشمس لاتروحون بعيد

ههههههههههههه


الله يغربل شيطانك يابو فارس :)


ضحكت ضحك مهوب طبيعي على تعليقك لدرجه قلت لا يشوفني احد ثمن ينقد علي خصوصا ونا بلحالي :)



وانت يا راعي الكيف


صدز على اسمك وراعي نظر ودبرتك طيبه :)


ومنكم نستفيد طال عمرك :)

[راعي الكيف]

تسلم يالدندون على هالطارء وإن كنت ما استحق اكثره بس منك عسل يا قشطة !!!!!!ههههههههه


تحياتي وعيدكم مبارك

[نيتروجين xp]

سلمت يمينك وطيب الله فالك

وكل واحد يحط تجاربه بالمنتدى لعل أحد يستفيد

والعيب مو ان الواحد يخطي بالعكس والله ...

عموماً طريقتك رائعة جداً وبنجربها...


وتقبلوا تحيات أخوكم
:::::المجتهد:::::