الفزعه يالربع ( قراند شروكي 96 )

[فارس الشعراء]

السلام عليكم ورحمة الله وبركاته

مالكم بالطويلة .. عندي جيب جراند شروكي 96 ..

وفيه بعض المشاكل ..

ولكن اللي ابي اسالكم عنه هو :

التعشيق ..

يعني اذا حطيت السياره بالـ D ومشيت .. على طول تعشق السياره للثالث .. وبعض الاحيان الى الرابع وتطفا .. ( طبعا ما اكون داعس , شايل رجلي عن الابنص )

واظطر اني احط السياره بالاول وبعدين بالثاني وبعدين احطها بالـ D حتى تسلك معي السياره ..

وعندي العداد حق السرعه يستهبل ( يعني يلعب .. حتى ولو السياره بالـ B تلقا العداد على 220 او 160 ..
وكذا ..

حتى لو اني امشي العداد يلعب .. امشي 40 وتلقا العداد منسدح عل 220 ..

والمشكله انه اذا طق 220 يفصل علي وانا امشي .. ولو اني امشي 120 بس اذا طق 220 فصل .. ويشبك ( وبعض المرات يفصل ويشبك يفصل ويشبك بسرعه )

والموتر مبهذلني .. حتى اذا جيت اسقط على احد لازم اضغط زر الدبل ( اللي يرد نمره ) ولين يسقط واظغطه عشان يرجع للخامس ..

فزعتكم يالربع .. لا عدمتكم ..

مع العلم اني رحت بها لكم كهربائي وقلت له افصل العداد , وقالوا لي اكتروني وكذآ .. )

ابو محمد ..

[سوبر VTC]

وين موقعك ؟؟؟

[فارس الشعراء]

الرياض - الخرج

اخوي سوبر فتك .. كلامي مفهوم بالموضوع ولا يحتاج تعديل ؟

[sands]

نفس المشكلة حصلت معي وغيرت حساس السرعات ومافي فايدة
المهم قالو لازم يتفك العداد وتغير فية Ic ومافي فايده
المهم دلوني على كهربائي وقالي في التماس في ضفيرة الكهرباء قلت يمكن وفعلاً وجد التماس وغيرت الاسلاك الملتمسه والحمدلله السياره ميه ميه

[فارس الشعراء]

يعني اشيك على الاسلاك و الظفيره ؟ .. ان شاللـه .

وطيب اخوي كم بتصير التكلفه كااامله ؟

[سوبر VTC]

خريطة القير به مشكلة
لازم تحط زيت جديد مع الفلتر و تجرب
زيت القير يغير كل 30 او 40الف كيلو
اذا كان القير وسخ او ضعيف او تعبان يغير الزيت كل 30الف
حماية للقير و الكلتشات عشان ما يخرب

๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402) ‏


احتمال حساس القير تي بي اس خربان يدور مع اللهاة حق البنص
و هو له دخل بعزم الموتر يسمونه (رئة الشيروكي)
هل يضعف عزم الموتر ؟
ان بغيت ورش متخصصه بالرياض او عنيزة او بريده علمن

ادخل على الرابطة :good:

رابطة لملاك الشروكي (http://www.mekshat.com/vb/showthread.php?t=140063)


رد في نفس الرابطة

(((للفائده)))
احد الربع معه شيروكي و جلس شهرين ما يشتغل موتره يدق سلف ثم يطفى
فيقوم بالدوس على البنص حتى يحتمي ثم يتفتف بس مايطفى :no2:
يعني ما يطفى الا اذ كان بارد
مر على ورش متخصصه بالشيروكي و كلهم عجزوا عن ايجاد المشكله :no::no:
لقى المشكله بنفسه بعد توفيق الله من حساس الهوا (الار بي ام البنص ) راكب عليه فيش 4اسلاك
فصل الفيش و لقى واحد منهن متوسع ضيقه بمفك صغير راس مدبب
ثم اشتغل من اول دقه سلف :good:
اشياء ما تطري على البال مثل هالافياش

هذه صورة الحساس
مكانه راكب على اللهاة شفه تحت ماصورة البخاخات ((طالع منه سلك اصفر)) من تحته فيش 4اسلاك
من وظائفه ايضا
اذا وصلت الاشارة (يوازن) بين سرعه المكينه و بين الهوا الداخل الى المكينه
عشان ما يطفى الموتر
تاكد من الفيش و اكبسه
احيانا يصير احد الاسلاك منقص فانتبه => :good::good:

http://www.mekshat.com/vb/../pix/upload01/prof004/mk53291_amb111.jpgهذه صورة حساس القير و المكينه هو رئة الشيروكي و زبدته :good:
اذا دست بنزين و كتم الموتر فالخلل قد يكون منه
سعره مستعمل ب70ريال
دور من ربعك مستعمل و جرب
راكب عليه فيش به 3 اسلاك
شفه طالع منه ((سلك برتقالي))
هذا الحساس يتحرك مع دعس البنزين => يدور مع اللهاة

http://www.mekshat.com/vb/../pix/upload01/prof004/mk53291_amb222.jpg



ايضا تاكد من ضغط الطرمبه اذا كانت تعطي 40 و طالع فهي تمام :good:
اذا كان الضغط اقل فعندك مشكله يا ان الطرمبه ضعيفه
او
فلتر البنزين اللي فوق التانكي متسدد و تراه يخرب و يحشر الطرمبه
يفضل تغيير الفلتر كل 40 او 100الف و سعره ب220تقريبا

اذا كان الموتر مهب صافي
تاكد من البواجي و الكويلات
تاكد من تنظيف فلتر الهوا
اذا كان ديلكو يوزن الديلكو

احيانا تكون المشكله من حساس المقنت حق الحذاف
واحد طفى عليه و هو كاشت
و حصل ان الفيش منفك
تاكد لا يكون الفيش راخي او ما كبس احيانا يكون على وشك الخراب
مستعمل ب250 جديد ب300 او 320

عندك ورش بالرياض متخصصه بالشيروكي
ابو ايوب بالصناعيه القديمه
ابو فهد الهاشل خف اسواق الغنم بالدائري الجنوبي
ورشة كرامه الفعيم بمخرج 17
المطيويع بتشاليح الحاير
بريده عندك و رشة ابو تركي الفهيد
عنيزة عندك ورشة ابو علي الثويني مركز صحارى
ورشة المروى ابو ابراهيم الرشيد
http://www.mekshat.com/vb/images/misc/progress.gif

[faisal1111]

صراحة معلومات حلوه تسلم يد من سواها