الله على مكشات مربّا القرا نيـــــــــس = ملفى الحراراللي تعشق العوالي

[ريف النشاما]

بسم الله الرحمن الرحيم

أحبابي في مكشات أهديكم هذه المتواضعه بعد هذه الربكة
وهذه التغييرات التي مرت علينا خلال اليومين الماضيين
فبارك الله في جهودكم وحفظ لنا مكشات سالما غانما
وكل عام وأنتم بخير
****
**
*


الله على مكشات مربّا القرا نيـس =ملفى الحراراللي تعشق العوالي
ماهو من اللي دايمن بالدنافيــــس = خيبك رب البيت يأللي تعـــــــالّي
ويامنتدانا يالسـّنا بالغطاليــــــس = الله عليك أثريك عالي وغالي
وفي بعدكم كثرت علي الهواجيـس = وضاق الصدر والحال ياهي حوالي
وفي غيبتك عزاه صرنا مفاليــس = يومين بس أثريك عذب الدلالي
وعشقك بقلبي خافين مابعد قيــس = لجة بحر ماهي كلامن يقالي
وأكبر دليل ن ياخبير النواميـــس = رجة بشر ماهو كلامي لحالي
وأمسيت أقلب عقب جو المراميـس = في ضامري منك حزين السؤالي
وحومت مع من حام ودجت الدواعيــس = وعودت أنا قفلت كل المجالي
وقلت آه وعزاه حس وحواسيــــس = وعودت أنا في ماضيات الليالي
أجر هوجاس ن بِذاري النسانيـس = وأقول وينك ياشبيب العيالي
ودقيت رقمن لخبير الأحاسيــــس = ولاحول يامقرود جاله ماجالي
ويقول أنا من عقب ريم الأطاعـــيس = دورت أنا بالنت ماله مثالي
وعودت أنا للقاف عقب الحلاويــس = أ كتب على الصفحات شعرن زلالي
وأختم قوافي البيت عشر وخواميــس = فرحه وبشرى للنشاما الشكالي


أخوكم / ريف النشامى / صباح الثلاثاء الساعه 6،00

[جفران]

صح لسانك ياريف النشاماعلى القصيده الجزله ولك فائق الاحترام

[السمح]

عز الله صدقت أبو عبدالعزيز وصدقت أحاسيسك
وأشهد إنك ترجمت الكثير مما يختلج في نفوسنا
صار الواحد تقل يتيم .. مغير نهوهي بين المنتديات ما لنا لا أم ولا أبو :D
صح لسانك وعسى الله يخليك

أحلى تحية

[الطبيب]

صحيح ما قلت

وصح لسانك >> صح بدني

والله لا يهينك >> ومن يقرا ويسمع ويكتب ويقول

وترا غلاك كل ما زاله يزود >> الله لا يغلك

اقول >> قل

يا اخي كل ما اقرا قصايدك احس اني قدام شاعر غير متكلف

واحساسه مرهف

ومثل ما يقولون الشيبان (( فلان شاعر ......... تقل يغرف من بحر :D ))

ابي اقرا القصيده اكثر من عشرين مره

مع السلامه

هذا والله اعلم

والسلام ختام

[ريف النشاما]

أأأأأأأأأأأأأأأأأيييييييه يالله حيهم

فعلا وحقيقتا النت ماله طعم ولا رائحه بدون مكشات
والحاله كانت فوق الوصف
بس الحمد لله على سلامة حبيبنا

وعقبال مانشوفه مكنتمل الأوصال

,اشكر لكم المرور على القصيده

[صقر]

ويامنتدانا يالسـّنا بالغطاليـــــــــــــس = الله عليك أثريك عالي وغالي

صح لسانك يا شاعر مكشات .. وعشت وعاشت ايامك يالغالي.

مكشات بيتنا بالانترنت .. والله الواحد ما يبغى الانترنت اذا ما فيها مكشات.
لكن الحمد لله التوقف كان للفائدة والترقية.. والله يوفق الجميع .

ومثل ما قال الطبيب :

يا اخي كل ما اقرا قصايدك احس اني قدام شاعر غير متكلف

بارك الله فيك

[ريف النشاما]

بارك الله فيك أخي صقر على الزياره الميومنه

وحياك ربي وهذا جزء بسيط مما يختلج بين أضلعي من القوافي في مكشات
وغفر الله لك في هذه الليله المباركة

.... شكرا لك

تحيتي

[أبو تركي القطامي]

عزالله أنك صادق

وفي بعدكم كثرت علي الهواجيــــــس = وضاق الصدر والحال ياهي حوالي

وصح لسانك ياشاعرنا ومشرفنا الغالي
والله يبارك بالمنتدي وبأصحابه ومشرفينه وأعضائه

[ميراج]

السلام عليكم ورحمة الله وبركاته

صح لسانك يابو عبد العزيز عز الله صدقت

الله لايحرمنا منك وابداعاتك الرائعه

تحياتى

[عبرود]

صح لسانك على هذه القصيده الرائعه

[ابو عمر اللاحم]

صح لسانك ومشكور على هالابيان النابظه بأحاسيس الجميع .

الله يعطيك العافيه .

تقبل تحيات اخوك نهار ،،،

[المسفهل]

صح لسانك يأبو عبد العزيز ..
كلنا بعد فقد الغالي كأننا في عزاء
يشعر أنه فقد جزأ من بدنه ولا له نفس يتصف النت
بعد فقد العزيز الغالي .

[نقا هشال]

ابو عبد العزيز

هلا ومسهلا

صح لسانك مليوون

ولاهنت

[خلف]

شكرا لك يا ريف النشاما على ذالقصيدة

يعطيك العافية

[المُهند]

كما عهدناك دائما مميــــــــــــز ومبـــــــدع



سلم قلبك وفكرك






وصـــــح لســــــانــك ..... الف


ولاهنت

[ريف النشاما]

بارك الله فيكم إخواني غلى هذه الزياره وأشكركم جزيل الشكر

أخي عبد العزيز

ماهذا الجفا يأبا سعود

شاعر متمكن رقيق الأحساس يأفل نجمه

كلا وكلا فأنت معينن لا ينضب فأمتعني بما يقرقع بين جنباتك عندما يهتز خافقك للمعة البرق

وهدير الرعود في سمائها وأزيز الطيور على أغصانها


دمتم سالمين