معي اكسبلورر 2006 وعندي إشكالات فيه .. فزعتكم بالأجاويد

[أبو رند999]

السلام عليكم
حياكم الله ياشباب
بصراحة انبسطت بهذي الخبرات الرائعة من الأعضاء الله لا يحرمهم الأجر
أنا اشتريت اكسبلورر 2006 دبل ماشي 97000 كيلو
والرجال اللي قبلي محافظ عليه بس لاحظت فيه بعض الملاحظات ولا أدري وش القصة لأني جاي من كامري عادي درايش عادي وطبيت على الإكسبلورر
وبصراحة أحس أن الواحد يمديه يلعب علي في أي شي فيه ..
لأني من جنبها في شغلات الأوتوماتيك والجيوب ..
أسئلتي كالتالي :
1- لاحظت أن شبك السيارة جاي على لون السيارة ولا هو بنيكل وراه ؟
2- أحس بحنه وأنا أمشي هل هذا طبيعي ؟
3- يجي أوقات إذا حطيته بالريوس أحس بطقه قوية ونتعه أحس قلبي يطق معها .. وش السبب ؟
4- أحس يجي أوقات كأن القير فضى ثم لقم مره ثانية .. وبصورة أقرب كأني مفضي القير ثم عطيته نمره .. هل هذا طبيعي أو فيه مشكله ؟
5- كنت أعبي بنزين 91 وكانت المدة المتاحة في القيادة تجي 512 كيلو ولاحظت أنها رجعت وصارت 480 كيلو !!
هل غلا البنزين ؟ أو في سيارتي مشكلة ؟
جاوبوني الله يجزاكم خير جعلي ماأعدمكم..
ألفو قلبو تراني جديد وإلا تراني بأبيعه وأشتري جيب لكزس عناد لكم (هع هع)

[فارس الشعراء]

هلا اخوي .. ومبروك السيارهـ ..

ما ودي اتفلسف عليك وانكبك .. بـس الاخوان بيفيدونك ان شاللـه ..

واذا انت خذت الموتر بدون ما تفحصه فهذا غلطك ..

المهم يمكن اذا كانت الحنة تطول اتوقع انها من منظم التعشيق ..

ولا تاخذ بكلامي لانه مجرد توقع .. وانا قد صارت معي الحنة وصارت من المنظم ..

ولك اطيب تحية ..

[بيق مان]

الاخ ابورند
السلام عليكم ورحمة الله وبركاته
مبروك عليك الموتر
اولا يشرفني اجابتك خصوصا ان عندي اخو موترك 2006 سعودي ماخذه من توكيلات الجزيرة وحبيت اطمنك - وعلى فكرة الاكسبلورر مايبي له وسوسه من واقع خبره فيه:
1- لاحظت أن شبك السيارة جاي على لون السيارة ولا هو بنيكل وراه ؟
هذا يعتمد على الفئة واعتقد ان موترك ستاندر ويجي 2006 الدفعة الاولى على لون الربل الخاص بالازياق والصدام الخلفي رمادي غامق
2- أحس بحنه وأنا أمشي هل هذا طبيعي ؟
طبيعي- الحنه قد تكون من المروحة الاوتوماتيك وتظهر خلال تشغيل المكيف خاصة في الزحمات والجو الحار وهذا طبيعي جدا وشيك على نظام التبريد للتأكد
3- يجي أوقات إذا حطيته بالريوس أحس بطقه قوية ونتعه أحس قلبي يطق معها .. وش السبب ؟
طبيعي - ويحتاج الامر الى تعود مسألة وقت فقط وللتقليل من حدوثها وتجنبها عليك الانتظار قليلا قبل التحرك (قبل التعشيق) الى ان يهدى المحرك ويصبح امبير الضغط على رقم واحد او اقل
4- أحس يجي أوقات كأن القير فضى ثم لقم مره ثانية .. وبصورة أقرب كأني مفضي القير ثم عطيته نمره .. هل هذا طبيعي أو فيه مشكله ؟
طبيعي - قير الاكسبلورر حساس لان الكمبيوتر يدخل في طريقة عمله وتنظيم تغييراته بحيث يلببي احتياج السائق ووضع القيادة والدعسه والسرعة وظروف الطريق، واحيانا يستقبل الامر خطأ او بالاحرى بطريقة غير التي ترغبها انت كونك متعود على قيادة سيارات اخرى، ولتجنب ذلك ثبت الدعس وخلى رجلك ثابته ولا تتردد يا ابيض يا اسود يا ترفع رجلك تماما يا تدعس على البنزين عشان يفهم عليك الكمبيوتر وتلاحظ هذه كثيرا في حالة وجود طلوع في الطريق (طلعه) ولو بشكل بسيط
5- كنت أعبي بنزين 91 وكانت المدة المتاحة في القيادة تجي 512 كيلو ولاحظت أنها رجعت وصارت 480 كيلو !!
هل غلا البنزين ؟ أو في سيارتي مشكلة ؟
طبيعي - يختلف معدل الاستهلاك تبعا لطريقة الاستعمال وتحسب بواسطة الكمبيوتر على مدى طويل اي ستلاحظ الفرق عند قيادة السيارة في الاجواء الحارة وتشغيل المكيف فالاستهلاك يصبح اكثر وكذلك عند القيادة في الطرق الطويلة وداخل المدينة(اعلى)، وانصحك باستخدام بنزين 91 لانه ملائم لسيارتك ولا يضرها ابدا وتقبل اقل من ذلك الى حد 87 اوكتين.
شفت كيف بَسطنها لك عشان ما تزعل وتشري لكزس :D .
وترى فيه رابطه في المنتدى تخص ملاك الاكسبلورر انصحك بزياراتها :good2: .
وتقبل تحياتي.

[أبو رند999]

هلا اخوي .. ومبروك السيارهـ ..

ما ودي اتفلسف عليك وانكبك .. بـس الاخوان بيفيدونك ان شاللـه ..

واذا انت خذت الموتر بدون ما تفحصه فهذا غلطك ..

المهم يمكن اذا كانت الحنة تطول اتوقع انها من منظم التعشيق ..

ولا تاخذ بكلامي لانه مجرد توقع .. وانا قد صارت معي الحنة وصارت من المنظم ..

ولك اطيب تحية ..

هلا والله بأخي فارس الشعراء

والله تنبيهك مهم ولعلي أفحص على المنظم أحس فيه خلل.
بيض الله وجهك يالذيب