الفزعه ياربع عن لومينا 2002

[زعيم المقناص]

اشتريت سياره لومينا قبل سبوع وصار صوت في البلوف طقطقه عسى ماتكون مخبطه
وش تنصحوني بالورشه السنعه انا بالرياض ؟؟؟؟؟؟؟؟؟؟؟؟

[ناصر العدواني]

اخوي عيار 50
المشكله بسيطه
وسيارتك ماعليها خلاف
انا صارت معي المشكله بعد ماشريت سيارتي بيوم واحد
تولع لمبة الزيت ويطلع صوت طقطقه في تكايات البلوف
ولا يطلع الصوت اول ماتشتغل السياره
المشكله الله يسلمك في طرمبة الزيت ماتدفع الزيت وبكذا يطلع صوت تكايات البلوف
كل ملعليك هو تغيير طرمبة الزيت سعرها حوالي 380ريال اصلي
وتنظيف تكايات البلوف او تغييرها
ماعندي فكره عن سعر التكايات لأني نظفتها ماغيرتها
هذا وانا اخوك من الزيت الثقيل الغير مناسب للساره وعدم تغييره بإنتظام
اول ماتفتح غطاء الزيت تلاقي فيه من الداخل وصخ اسود
الزيت المناسب هو كاسترول 30/10خفيف وهو المناسب للسياره
تحياتي لك

[زعيم المقناص]

بيض الله وجهك ياكحيلان معلومات مفيده والله يجزاك خير

[سوبر VTC]

الصوت متى يطلع ؟؟؟
اذا كان عند التشغيل ثم يختفي فالصوت طبيعي
اذا كان الصوت مستمر فهو احتمال كبير من تكايات البلبوف متكسره مهب كلهن
لان الصبابات او التكايات هن اللي يرقن الزيت الى البلوف
اولا
جرب ركب فلتر زيت اصلي
طيب هل ولعت لمبة طرمبة الزيت ؟؟؟
هل طاح انبير الزيت ؟؟؟
هل اذا دست بنزين يختفي الصوت ؟؟؟

رد لموضوع سابق لكابرس


و عليكم السلام و رحمة الله

طرمبة الزيت للجمس و الكابرس من م2000 الى م2006
نفس بعض
مشكلتك بصوفة ماصورة الطرمبة
غالبية الجمس دايم يلعب انبير الزيت تحت النص احيانا على الربع



عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر

فيه ناس غيروا انبير العداد ب150 ريال و ضبط الموتر :good:
طبعا جمس
و فيه ناس اذا وقف الموتر تسمع صوت طقطقة
لتكايات البلوف الصبابات
اذا داس بنزين اختفى الصوت
بعضهم يغير سيلة او صوفة ماصورة الطرمبة
و البعض الاخر غير الطرمبه وزانت

دام موترك اذا وقفت مافيه صوت لا تحرك ساكن :no2:


عندي الجمس م2001
انبير الزيت له 3سنين يلعب اذا كان الموتر واقف
و اذا مشيت على سرعه 130 الانبير يضرب فوق النض :good:
لكن
قبل اسبوعين اذا وقفت عند اشارة مثلا
تجيه حاله باليوم 3مرات
و هي
ان انبير الزيت يطيح على الصفر :no:
و تولع رسالة بالطبلون ضغط الطرمبة منخفض لمبة حمراء
همن بعد 5ثواني تسمع المكينه تطقطق صوت التكايات و البلوف
طبعا في هذه الحالة ادوس بنزين مره وحده
فيرتفع الانبير الى النص و يروح الصوت :good:
اللي حصل
اني غيرت طرمبه الزيت + سيلة ماصورة الكرتير اللي تركب على الطرمبه
+ وجه كرتير + وجه صدر المكينه + صوفه الصدر
قطع الغيار كامله ب750ريال
شغل اليد ب500ريال
للعلم غالبيه الورش قالوا
ب1500 :mad: و الاخر قال ب1800 :mad:
و اخر قالي شغل يد ب800ريال
و رابع قالي شغل يد ب800ريال
الان الموتر ما شاء الله الانبير ثابت على النص اذا وقفت
سابقا
اذا شغلت الموتر و هو بارد ما يوصل الانبير الى النص او فوق النص
و انما بعد التشغيل يبدا يلعب و يكون تحت النص
طبعا قالوا الاخوان غير سيلة ماصورة الكرتير حقت الطرمبه
لكن انا قلت نغير كل شي مرة وحده و لا نتخسر بعدين
مره ثانيه
للعلم
سمعت ان بعض ورش الرياض يفكون بلف الطرمبه و سبرنق
و يمغطون السبرنق عشان يثبت الانبير على النص (حيلة)
و هذا غش :mad:
طبعا الانبير يثبت على النص
لكن المكينه ما تاخذ كفايته من الزيت :no2:

(اهم شي اذا طاح انبير الزيت)
(هل يطلع صوت للمكينه ام لا؟؟؟؟؟؟؟)

ان شاء الله في الايام القادمه اذا الله يسر
راح انزل موضوع عن الطرمبه بالصور

هذي ماصورة الطرمبة ماصور الشفاط و لاحظ السيلة او الوجه

http://www.mekshat.com/vb/../pix/upload03/images134/mk53291_vsvsv1.jpg

http://www.mekshat.com/vb/../pix/upload03/images134/mk53291_dbbf11.jpg

http://www.mekshat.com/vb/../pix/upload03/images134/mk53291_gnng2.jpg


لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/vb/../pix/upload03/images134/mk53291_dbdf3.jpg


هذي الطرمبة الجديدة الكابرس و الجمس نفس بعض


http://www.mekshat.com/vb/../pix/upload03/images134/mk53291_bdfb4.jpg



http://www.mekshat.com/vb/../pix/upload03/images134/mk53291_bffbf5.jpg



موفق










هذي ورش من الاخ ماجلان


للجموس




اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...



والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب


وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه


وفي عندك صناعية ام الحمام ورشة القحطاني رقم 11 سوداني فلته في الكهرباء





موفق




شف هالاخوان برابطه الجمس الحوض يدلونك على ورشة زينه :good:
مايقصرون شقرديه و خبره


رابطة مـــــلاك الجموس الحوض (http://www.mekshat.com/vb/showthread.php?t=147000)



رابطة ملاك (اليوكون , دينالي , تاهو , السوبربان ,z71) (http://www.mekshat.com/vb/showthread.php?t=171953)