المساعد الشخصي الرقمي

مشاهدة النسخة كاملة : توانكي السيارات .. ماافضلها من ناحية عدم تغير الريحه والطعم


فهد بن مشبب العاصمي
11/12/2009, 11:09 PM
السلام عليكم

كيف حالكم يارجال

انا عندي باترول ربع .. ونويت اركب تانكي خلفي ورا المرتبه الخلفيه . . طبعا يكون مسدوح

فيه ناس قالوا السنيدي . . وشفت سعره عند السنيدي ب 600 تقريبا .. بس كم شخص قالي انه يهرب مع الوقت

وعروق الشمال يفصله ب 650 ولا اعرف عن جودته

وذكر لي ان برق الحيا عنده شيء زين ب 700

طبعا انا يهمني انه مايتغير الطعم ولا الريحه وانه يكون مسدوح ويتحمل الاغراض اللي فوقه . . ولايصير فيه تهريب ولا مثله ..

انتظر ارائكم سواء احد اللي استخدموا او احد يعرف احد جرب . .

بنتظاركم يااخوان ..

تقبلوا تحياتي
جواد النفود
12/12/2009, 01:07 AM
أخوي فهد ..تحية عاطرة
أنصحك بخزان خزامى الوادي مقاس 90 لتر مصنوع من البولي إيثلين ( نفس الخامه المصنوع منها خزان البيت )وعليه ضمان لمدة خمس سنوات ضد التسرب والتشقق وتغير الطعم واللون والرائحة..وهناك عرض خاص لدى المرباع للرحلات على هذه النوعية من الخزانات حيث أن سعر الخزان الــ 90 لتر بـ 450 ريال..
أرجو أن أكون قد أفدتك أخي الكريم ودمت والجميع بخير..
نفود الطوقي
12/12/2009, 01:42 AM
خزان الوادي ممتاز وجيد لكن يعيبه كبر الحجم نوعاً ما

أما الخزان المصنوع من الستيل فيعيبه كما ذكر لي انه ثقيل نوعاً ما وأنه غالي
100 لتر ب 1500 ريال
أما من ناحية الجودة فهو جيد
وسأل أخونا ترهيم عن الخزان الستيل فسيفيدك في هذا الموضوع

أما خزان الألومنيوم فهو جيد ومعقول ( وأنا أنصحك به )

وانظر للأهمية إلى هذا الرابط
فسيفيدك فائدة كبيرة

http://www.mekshat.com/vb/showthread.php?t=241543&page=3


والله يوفقنا وإياك

وأنما أنصحك بالواقف
لأنه عملي أكثر
وإمكانية الاستفادة من الماء فيه أكثر من المسدوح
ترهيم
12/12/2009, 12:01 PM
السلام عليكم

بنسبه لخزان الستيل ثقيل ولكن لك ولزمن كد ومد ويارثونه عيالك من بعدك بعد عمر طويل ان شاء الله متين ويتحمل لو تبرك فوقه حاشي ماضره .. عيوبه مثل ماقلتلك ثقيل جداُ .. الصفائح يوجد انواع منها الصيني والتايوني التيواني افضل ولكن الفيصل بينك وبين البائح (( المغناطيس )) ان جذب لصفيحه فهي مغشوشه .

اما البولي اثيلين عندك خيارين اما خزان الوادي سعره 450 على ماضن وفيه شركه ثانيه من بريده ان لم تخني الذاكره سعره عندهم 350 .. وكلها ممتازه خفيفه جداُ ولا تغير لا طعم ولا لون وممتازه وانصح بها لاني جربت الشركه الثانيه خزان واقف خذيته ب350 جديد .. ممتاز وخفيف ..

اما الالمنيوم الكثير يمدحه انه مايغير لا طعم ولا لون وخفيف الوزن شفته ورفعته وزنه خفيف ..
يعاب عليه خفيف اكثر من الازم وان لم تثبت قواطع من الداخل متينه اتوقع بيتعفط معك بسهوله .
لم اجربه ولكن مدح كثيراُ .. سعر السوق غالى على حقه بكل امانه . وعلى فكره فيه نوعين من صفائح الالمنيوم هناك صفائح كوريه وصفائح اخرى صينيه ..
فيه احد الاخوان هنا بالمنتدي ان شاء الله رايح انا وياه نسوي تانكي المنيوم ورايح ننقلكم التجربه مع سعر التكلفه لتوضيح لكم ..
نفود الطوقي
12/12/2009, 12:57 PM
أخوي ترهيم
أنت مبدع في الحقيقة
حنا بانتظار تقريرك وتجربتك عن التانكي الالومنيوم

وعندي سؤال لو سمحت
التانكي الستيل اللي فصلته كم لتر
ووزنه كم ، هل وزنه 16 كيلو أم كم

الله لايهينك
احساس الصمت
12/12/2009, 05:11 PM
السلام عليكم ورحمة الله

بالنسبة لي انا فصلت تانكي المنيوم مسدوح للاند كروزر قبل سنتين عند السنيدي وللأمانه (ابداااااع) من جميع النواحي ماعدا صوت رجرجة الماء فقط (والسبب هو ان جميع التوانك المسدوحة<المفروشة>تطلع صوت خضيض الماء مع اللفات والفرملة والتحريك)يعني [إزعااااااج]
أما من ناحية التحمل ووضع العفش عليه فلم أواجه أي مشكله بهذا الخصوص (حيث أني دائماً أضع الأغراض فوقه ولم ألحظ عليه أي شئ
لكن في الأخير بعت التانكي ولي نيه إن شاء الله بتفصيل التانكي الواقف خلف المرتبة

ودمتم بود
فهد بن مشبب العاصمي
13/12/2009, 02:24 PM
أخوي فهد ..تحية عاطرة
أنصحك بخزان خزامى الوادي مقاس 90 لتر مصنوع من البولي إيثلين ( نفس الخامه المصنوع منها خزان البيت )وعليه ضمان لمدة خمس سنوات ضد التسرب والتشقق وتغير الطعم واللون والرائحة..وهناك عرض خاص لدى المرباع للرحلات على هذه النوعية من الخزانات حيث أن سعر الخزان الــ 90 لتر بـ 450 ريال..
أرجو أن أكون قد أفدتك أخي الكريم ودمت والجميع بخير..

مرحبا بك اخوي ..

الله يجزاك خير .. افدتني يامال العافيه .. لكن اللي تقول عنه مسدوح ولا واقف . . واذا امكن رقم المرباع لاهنت

وحياك الله
فهد بن مشبب العاصمي
13/12/2009, 02:31 PM
خزان الوادي ممتاز وجيد لكن يعيبه كبر الحجم نوعاً ما

أما الخزان المصنوع من الستيل فيعيبه كما ذكر لي انه ثقيل نوعاً ما وأنه غالي
100 لتر ب 1500 ريال
أما من ناحية الجودة فهو جيد
وسأل أخونا ترهيم عن الخزان الستيل فسيفيدك في هذا الموضوع

أما خزان الألومنيوم فهو جيد ومعقول ( وأنا أنصحك به )

وانظر للأهمية إلى هذا الرابط
فسيفيدك فائدة كبيرة

http://www.mekshat.com/vb/showthread.php?t=241543&page=3


والله يوفقنا وإياك

وأنما أنصحك بالواقف
لأنه عملي أكثر
وإمكانية الاستفادة من الماء فيه أكثر من المسدوح

ياهلابك والله ومسهلا . .

شرفتني يخوي بردك الله يبيض وجهك

انا مااخفيك حاط عيني على الالومنيوم لكني متخوف من حق السنيدي لأن فيه واحد يقولي انه يهرب ومالها سنع كل شوي رايح وملحمه .. وانا بالشرقيه يعني وجع راس على الفاضي ونكبه اذا هرب بووقت مايناسب مثلا كشته طويله او ماشابه ذلك

وبالنسبه للتانكي الواقف .. موتري ربع واذا حطيت التانكي واقف مايبقى مكان للأغراض ابدا

وجزاك الله خير ورحم والديك على المشاركه
فهد بن مشبب العاصمي
13/12/2009, 02:38 PM
السلام عليكم

بنسبه لخزان الستيل ثقيل ولكن لك ولزمن كد ومد ويارثونه عيالك من بعدك بعد عمر طويل ان شاء الله متين ويتحمل لو تبرك فوقه حاشي ماضره .. عيوبه مثل ماقلتلك ثقيل جداُ .. الصفائح يوجد انواع منها الصيني والتايوني التيواني افضل ولكن الفيصل بينك وبين البائح (( المغناطيس )) ان جذب لصفيحه فهي مغشوشه .

اما البولي اثيلين عندك خيارين اما خزان الوادي سعره 450 على ماضن وفيه شركه ثانيه من بريده ان لم تخني الذاكره سعره عندهم 350 .. وكلها ممتازه خفيفه جداُ ولا تغير لا طعم ولا لون وممتازه وانصح بها لاني جربت الشركه الثانيه خزان واقف خذيته ب350 جديد .. ممتاز وخفيف ..

اما الالمنيوم الكثير يمدحه انه مايغير لا طعم ولا لون وخفيف الوزن شفته ورفعته وزنه خفيف ..
يعاب عليه خفيف اكثر من الازم وان لم تثبت قواطع من الداخل متينه اتوقع بيتعفط معك بسهوله .
لم اجربه ولكن مدح كثيراُ .. سعر السوق غالى على حقه بكل امانه . وعلى فكره فيه نوعين من صفائح الالمنيوم هناك صفائح كوريه وصفائح اخرى صينيه ..
فيه احد الاخوان هنا بالمنتدي ان شاء الله رايح انا وياه نسوي تانكي المنيوم ورايح ننقلكم التجربه مع سعر التكلفه لتوضيح لكم ..

مرحبا بالذيب
الهل لايهينك على المشاركه .. ومعلومات وافيه ماشاء الله تبارك الله

انا مااخفيك ابعد عن الغالي قدر المستطاع وحاط ببالي الى 600 ممكن ادفع

وبخصوص الشركه اللي تبي البلاستك اذا عندك رقمهم تسوي خير ياخوي .. والله لايهينك على كل حال

تحياتي لك وننتظر التانكي اللي من تصميمكم
راعي الفتك 9
13/12/2009, 04:40 PM
عليك بتفصيل نوع ستيل
برق بن رعد
13/12/2009, 06:53 PM
موضوع جميل

ولي سؤال لو تكرمتم

كم يكلف خزان ألمنيوم للسفاري 93 اربع ابواب تحت السيارة وكم لتر يشيل

الله يعافيكم
سفاري959
13/12/2009, 10:43 PM
اخوي فهد التانكي اللي سدح ما جربته اما الواقف اللي يسمى هرم انا ركبت حق السنيدي المنيوم 100 لتر ب 630 ريال ممتاز وانصحك بالهرم اخف في رجرجه الماء وعملي اكثر تحياتي لك وارجو اني اكون افدتك
abo_khalid
13/12/2009, 10:52 PM
والله ماعندي خبره بذالحركات الحلوه
الرويضة
13/12/2009, 10:58 PM
هلا بك اخوي

انا فصلت خزان الومنيوم من خمس سنوات طبعا خارج السيارة

خلف السيارة اسفل تانكي البنزين حجمه 90 لتر بـ 950 ريال

وشغال معي حتى الان و لله الحمد ولم يسبب رائحة ولا طعم ولم يتغير لون الماء فيه ابدا

فصلته في بريدة على شارع الملك عبدالعزيز