المساعد الشخصي الرقمي

مشاهدة النسخة كاملة : جلوري ولا ستنر


طريق الهجره
13/12/2009, 11:02 PM
السلام عليكم - وسنة خير عليكم باذن الله - كل عام وانتم بخير
اخواني الاعزاء انا ناوي اشتري دربيل يدوي ولقيت انواع كثيره
وماركات عالميه وغاليه بس المشكله الدراهم ماتسمح
- ووقع الاختيار على دربيلين ومحتار ايش آخذ
1- جلوري 10 في 40 ياباني (كتابه انجليزي )الاصلي
2- ستنر 7 في 50 الماني وكيله عبدالواحد
الاسعار متقاربه وراسي انقلب مدري اخذ ذا ولا ذا
ومااستغني عن ارائكم وفالكم المليون وسلامتكم
صياد المزارع
13/12/2009, 11:37 PM
شف وانا اخوك
بس ترى خبرتي في الدرابيل مهوب ذاك الزود
احياننا تمسك دربيلين وتحصلهم نفس المسافه ونفس الصفاوه
لكن يفرق السعر بس
يعني انا مره كنت بشتري دربيل ب 1000 ريال
قال صاحب المحل جرب هذا طيب ولقيته نفسه من ناحية المسافه والصفاوه
قلت طيب ليه هذا اغلا
قال الغلاء في الدربيل يجي بعد طول النظر يعني الي يدربل مدة 10 دقايق كذا يبداء يحس ان الصوره بدت تشوش
لكن الدربيل الغالي لا لك لو نص ساعه ماشي معك ويستخدمونه في مثلا النجوم والقمر او الهلال وكذا
عشان كذا حدد استخدامك قبل
ومن ناحية الانواع والله كنت اتمنى اني اقدر افيدك بس الي انا شريته ماركة كونن الي هي تبع الكميرات
وماشي معي
واسف ع الاطاله
طريق الهجره
14/12/2009, 02:41 PM
شكراا لك اخي الكريم صياد المزارع -
وابغا الجميع يشارك وشكرا
المريعي
15/12/2009, 09:07 AM
هلا بك

عندك الستنر زين جربته لمدة سنتين كويس
وصافي وبرودته على العين لاباس فيها
وعندك مجاهد بالديرة يبيعهن على 1000 ريال على حد علمي

اما جلوري لا املك عنه معلومات
الضيخ
15/12/2009, 01:20 PM
أنصحك تشتري الأستينر الألماني وخاصة إذا كان الصياد
أو الصقر لأنه بارد على العين والله يوفقك
الكستنائي
15/12/2009, 02:35 PM
دربيل كانون
نفس ماركة الكاميرات
تلقاة عند وكيل كانون في البطحاء بسعر 200
أفضل وصافي وأرخص وشكل حلو ولايتعب العين
ونفس جودة المذكورة أعلاه
رح جربة وأذا جاز لك تبرع ب 100 لوجه الله عنك وعني
وباقي المبلغ خله لك :)
راعي الطلعات
15/12/2009, 03:05 PM
الكثير يمدح درابيل جلوري

والاستخارة زينه وبالتوفيق
ابوفهيدان
15/12/2009, 08:40 PM
ستنير بارد
وجلوريا حار شوي علي العين
انا لومكانك مستحيل اقارن علي طول ستنير واحسن مقاس اللي تقوله 7*30
ابو سفيان
17/12/2009, 08:50 PM
الجلوري زين لكن يبيله محافضه
والاستنر ازين منه ويتحمل بعد