المساعد الشخصي الرقمي

مشاهدة النسخة كاملة : يالربع لاند كروزر 2006 بنزين 91 ولا 95 ؟ احترت والله


الصفر البارد
14/12/2009, 01:21 AM
السلام عليكم ورحمة الله وبركاته ..

موضوعي عن نوع البنزين اللي استخدمه للسيارة وهي لاند كروزر جي اكس ار موديل 2006 خليجي ...

ماهو نوع البنزين المناسب لها ؟

جربت 91 وكان كويس واستخدمته لمدة سنة تقريباً.. لكن الربع يقولون خلك على 95 لأنه هو المناسب .. و91 يمكن يضر السيارة

وجربته وصار يصرف كثيييير .. عبيته فل الأربعاء الليل واليوم الأحد في الليل واصل الربع الأخير :eek:

وفي كاتالوج السيارة مكتوب أن نوع البنزين للسيارات وارد المملكة 95 وفي الدول الأخري 91 ..

هل أعتبر سيارتي سعودية ولا خليجي ؟

أشيروا علي والله يجزاكم خير ..
فتك شمر
14/12/2009, 02:30 AM
بصراحة انا برايي لاتحرص حيل نوع للموتر كل شي حط فيه الا الديزل .. البنزين كله

يحترق والنار ماترث الا الرماد بالنسبة لي عندي فتك 2005 وكل اسبوع لي نوع من البانزين

مره 91 ومره 95 والامور طيبه ولله الحمد . تقبل مروري وشكراً.
الصفر البارد
14/12/2009, 03:24 AM
مشكور وماقصرت أخوي فتك شمر ..

لكن حسب ما سمعت أن الخلط يضر السيارة ولا يعطيها عزم وقوة ..

ما أدري وش راي الخبراء هنا ..
ابو عبدالرحمن الحائلي
14/12/2009, 03:32 AM
انا جربتهم 95 افضل بكثير
وعلى كذا اعرف شخص سعودي يشرف على ورشة كبيرة يقول 91 سبب مشاكل في كثير من السيارات
بس بالضبط مأعلم اي نوع من المشاكل

نصيحة خلك على 95

تقديري
م ل و 567
14/12/2009, 03:33 PM
انا معي gxr 2006 خليجي..
وجربت ال91 وال95 ومالاحظت الا فرق واحد فقط اللي هو الممشى..

يعني الاخضر تعبي التانكي فل يمشيك 390الى400 كيلو....اما الاحمر تعبي فل يمشيك 470 الى 500 كيلو .

وبالنسبه لي اعبي 91 داخل الرياض واذا بغيت اسافر عبيت 95 وسالك معي الحمد لله.
fusion
14/12/2009, 03:47 PM
أنا معي Gxr 2002 وماعبيه الا 91 وماشي معي ممتاز


بس اتوقع انه يصرف بنزين اقل من 2006 لانه يمشي اكثر من 500 داخل البلد ممكن بسبب اختلاف الدفع الرباعي الدائم؟؟
abulaayaan
14/12/2009, 07:15 PM
وعليكم السلام ورحمة الله وبركاته

أنا (واعوذ بالله من كلمة أنا ) معي جيب لكزس470 موديل 2002 سعودي ذبحني في صرفية البنزين ،طبعاً توني شاريه قبل شهرين ،واعبي بنزين 95

انا من سكان مكه اداوم لجده يومياً 120كيلو ذهاب وعوده يصرف الربع والسرعه 120الى 140

هل صرفيته طبيعيه ولا لا.

غيرت له بواجي وصفاية بنزين ولا تغير شي.

وشكراً للجميع
الصفر البارد
15/12/2009, 12:52 AM
يصرف الربع فقط في الذهاب والعودة ؟

يعني 240 كيلو وبس الربع ؟

أنا أشوف أنه رائع جداً والله يبارك لك فيه ..

لكن أنا خلال 3 أيام فقط صرف 3 أرباع البانزين ... ولا مشيت فيه واجد .. أغلب الوقت واقف
الصفر البارد
15/12/2009, 12:55 AM
الإخوة أبو عبدالرحمن الحائلي .. م ل و 567 .. فوشيون .. شكراً لمروركم ونصيحتكم ..

الموتر داخل البلد يصرف كثير لما أعبيه 95 .. وفي الخطوط ممتاز جداً ولا يصرف ..

أما 91 فصرفيته عاديه داخل البلد وفي الخطوط ..

شكلي بستمر على 95 لأنه أغلب الناس تقول أفضل للسيارة .. مع أنه صرفيته أكثر .. شكراً لكم
هاوي البر
15/12/2009, 07:10 AM
انا معي gxr 2006 اعبيه 91 ولا فيه خلاف داخل المدينه وفي السفر
ابو سعود !
15/12/2009, 09:34 AM
معي لاند كروزر 2001 من ثلاث سنوات وانا اعبية ( 91 ) ولله الحمد ما اشتكيت من أي حاجة .
abulaayaan
15/12/2009, 11:44 AM
يصرف الربع فقط في الذهاب والعودة ؟

يعني 240 كيلو وبس الربع ؟

أنا أشوف أنه رائع جداً والله يبارك لك فيه ..

لكن أنا خلال 3 أيام فقط صرف 3 أرباع البانزين ... ولا مشيت فيه واجد .. أغلب الوقت واقف


الذهاب 60كيلو +العودة60كيلو=120كيلو يصرف فيها الربع

يعني 240 يصرف نص التانكي
الصفر البارد
16/12/2009, 01:16 AM
هاوي البر وأبو سعود .. شكراً لنصيحتكم وشكلي باعمل فيها قريب .. شكلي برجعه ل 91 والله يكتب اللي فيه الخير ..


أبو ليان .. والله صرفية أشوفها مناسبة صراحة .. وفي ظني أن لكزس 470 .. 8 سلندر .. فأشوفه أنا مناسب جداً
سوبر VTC
16/12/2009, 03:46 AM
وعليكم السلام ورحمة الله وبركاته

أنا (واعوذ بالله من كلمة أنا ) معي جيب لكزس470 موديل 2002 سعودي ذبحني في صرفية البنزين ،طبعاً توني شاريه قبل شهرين ،واعبي بنزين 95

انا من سكان مكه اداوم لجده يومياً 120كيلو ذهاب وعوده يصرف الربع والسرعه 120الى 140

هل صرفيته طبيعيه ولا لا.

غيرت له بواجي وصفاية بنزين ولا تغير شي.

وشكراً للجميع


ابو ليان
غالبية الجموس و الباترول و التويوتا
يمشي باللتر الواحد تقريبا 5كيلو اقل او اكثر
على حسب دعسة السواق
انت فلل التانكي و صفر العداد
اذا صفر التانكي خلص
عب فل و شف كم اخذ لتر
اقسم عدد الكيلوات على عدد اللترات المعباة
موترك على كلامك النص 240كيلو = 480كيلو
هذا المجموع قسمه على لترات التانكي بعد التعبئة
يعطيك معدل الاستهلاك باللتر الواحد
الصفر البارد
16/12/2009, 06:11 PM
مشكور مشرفنا الكريم وماقصرت .. معلومات أجهلها وأنت علمتني إياها .. شكراً لك
ن م ر
16/12/2009, 08:42 PM
موتري Gxr 2002 اول ما طلع بنزين 91 كنت استخدمه ثم اكتشفت تفتفه وتقطيع خفيف لين تركته بعد ما نظفت البخاخات وغيرت الصفايه والحين لي سنتين استخدم بنزين 95 وماشي زي الحلاوه ما شاء الله تبارك الله

اكثر من مهندس في صيانة تويوتا أكد لي أن الأفضل لجميع سيارات تويوتا هو بنزين 95


هذا والله تعالى أعلم