اسفتسارعن قير الشيروكي الاوتوماتيك [الأرشيف]

مشاهدة النسخة كاملة : اسفتسارعن قير الشيروكي الاوتوماتيك

ناصر955

14/12/2009, 02:52 AM

اخواني اعضاء مكشات
السلام عليكم ورحمة الله وبركاته
مساء / صباح الخير والمسرات

اخوي معاه جيب شيروكي موديل 2000 كلاسيك وكان القير خربان وذهب لاحد الورشات قالوا لازم توظيب كامل ويكلفك كثير لكن عندنا قير مجدد ونستبدله مع ضمان سنة وفعلا تم استبداله لكن المشكلة بعد استخدام السيارة تبين ان القير الاول 4 غيار والمجدد 3 غيار مع ان عداد ظغط المكينة لم يتغير بمعنى على سرعة 140 مثلا عداد الظغط على 4 بالقر الاول والمجدد.
سؤالي هل فيه فرق بين قيور الشيروكي من ناحية الغيار....وهل يضرة السفر بالطرق الطويلة على حالته الحالية.

سوبر VTC

15/12/2009, 12:36 AM

ناصر955

15/12/2009, 06:05 AM

و عليكم السلام و رحمة الله

قير الشيروكي ياباني حق لكزس 300
و هو حمار كده وشلون يخرب ؟؟؟:no:
القير بلد 4نمر الضغط 3 الا ربع على سرعه 140
ال3نمر اللي تقول عنه احتمال انه استخدام ياباني
و اذا كان 3نمر فانه مع الايام ينهان من المكينه و ما يعيش
لا تركبه :no2:
عموما سعره بالرياض تقريبا راكب ب1200
بعنيزة راكب ب1700
ان بغيت ورش متخصصه و ثقة بالرياض او عنيزة او بريده
علمن
يعطونك العلم الاكيد باذن الله

موفق

شكرا لك على المرور اخي سوبر vtc

بس والله انك خوفتنا القير مغيرينه من 9 شهور تقريبا عند ورشة الفهيد الي بخضيراء مع الرجيع 1300 المشكلة ان القير القديم
قير الوكالة وما فك ابدا الا اللهم تغيير فلتر بس وسبق اني رحت لورشة بعنيزة اسمها المروى وقالوا نفس الكلام ...
اما بالنسبة للضغط المكينة تأكدت انا اليوم سرعة 140 عداد الظغط على 3 الا ربع على قولتك.

طيب شورك يالذيب وش السواة؟؟

شكرا مرة اخرى

سوبر VTC

15/12/2009, 08:06 PM

شكرا لك على المرور اخي سوبر vtc

بس والله انك خوفتنا القير مغيرينه من 9 شهور تقريبا عند ورشة الفهيد الي بخضيراء مع الرجيع 1300 المشكلة ان القير القديم
قير الوكالة وما فك ابدا الا اللهم تغيير فلتر بس وسبق اني رحت لورشة بعنيزة اسمها المروى وقالوا نفس الكلام ...
اما بالنسبة للضغط المكينة تأكدت انا اليوم سرعة 140 عداد الظغط على 3 الا ربع على قولتك.
طيب شورك يالذيب وش السواة؟؟
شكرا مرة اخرى

اذا كان الضغط على 3 الا ربع
فالقير 4نمر :)
تشليح الطريف بعنيزة او مركز المروى ابو ابراهيم الرشيد
كلهم يقلون القير 4 مايجي 3 ابد :no2:
طيب من هو اللي قالك 3نمر ؟؟؟ :mad:
البليزر قطع عشرة هو اللي يجي 3نمر
و الجمس البرازيلي يجي 3نمر
على فكرة الفهيد و المروى ياخذ قطع غيار من الطريف:)
اذا انت شاك بالقير مر على ابو سليمان القيضي ورشته بشارع التغيره
عند محكمه بريده
سؤال يطرح نفسه ؟؟؟
وشلون خرب القير يعني هل الموتر مايمشي ابد ؟؟؟
موفق

ناصر955

16/12/2009, 12:52 AM

اذا كان الضغط على 3 الا ربع

فالقير 4نمر :)
تشليح الطريف بعنيزة او مركز المروى ابو ابراهيم الرشيد
كلهم يقلون القير 4 مايجي 3 ابد :no2:
طيب من هو اللي قالك 3نمر ؟؟؟ :mad:
البليزر قطع عشرة هو اللي يجي 3نمر
و الجمس البرازيلي يجي 3نمر
على فكرة الفهيد و المروى ياخذ قطع غيار من الطريف:)
اذا انت شاك بالقير مر على ابو سليمان القيضي ورشته بشارع التغيره
عند محكمه بريده
سؤال يطرح نفسه ؟؟؟
وشلون خرب القير يعني هل الموتر مايمشي ابد ؟؟؟
موفق

شكرا لك اخي سوبر vtc
اتصلت على ورشة الفهيد وذكر لي ان القير الراكب بالسيارة الآن ياباني لكن يقول انه 4 نمر وانت تقول انه ثلاث نمر؟؟؟؟ بالرد الاول
اما من قالي انه ثلاث نمر انا اعد التغييرات من خلال الصوت وتحركات عداد الضغط ومررته على كم مكيانيكي يمشي الموتر بـالثالث3 الي بعد الـD الين يوصل سرعة 80 تقريبا ويرجعه لـD مره ثانية ويكمل السرعة المتبقية والموتر ماغير عن الثالث.
اما وشلون خرب القير مع ان اخوي محافظ علية تغيير زيت وفلتر الا انه جته حاله فجأة كذا وبدون مقدمات تعشق القير بالريوس وتدوس وكأنه بالفاضي واذا مشيت مع طريق يغير تغييرتين مع بعض واحيانا وهو بسرعة 140 يرجع نمرة وما يغيرها واحيانا اول ماتمشي ما يغير النمرة الاولى الا عند سرعة 60 يعني انواع اللخبطة.
اخر سؤال اسمحلي
ورشة ابو سليمان القيضي هي الي وانت رايح غرب من عند اشارة المحاكم تجيك يمين مقابل منزل الرواف
لاني بصراحة ماني من ببريدة وبعض الشوارع ما اعرف اساميها.

شكرا لك اخي سوبرvtc مرة اخرى

وتحملني شوي.

سوبر VTC

16/12/2009, 04:07 AM

شكرا لك اخي سوبر vtc
اتصلت على ورشة الفهيد وذكر لي ان القير الراكب بالسيارة الآن ياباني لكن يقول انه 4 نمر وانت تقول انه ثلاث نمر؟؟؟؟ بالرد الاول

افا عليك :no::no2:
انا قلت احتمال ماقلت اكيد
و انا استغربت اول مره اسمع 3نمر
لان قير التماتيك في الكامري او الكورولا او الشيروكي او الجيكسار او الهدد....الخ كله تجي 4نمر
اما جيب الكزس و الفكسار 5نمر

بعدين انت تقول

لكن المشكلة بعد استخدام السيارة تبين ان القير الاول 4 غيار والمجدد 3 غياريعني
من هو اللي حكم على ان القير 3نمر ؟؟؟؟؟؟؟
اكيد انه انت :)

اما من قالي انه ثلاث نمر انا اعد التغييرات من خلال الصوت وتحركات عداد الضغط

(هههههه متاكد :) 3نمر :D)

ومررته على كم مكيانيكي يمشي الموتر بـالثالث3 الي بعد الـD الين يوصل سرعة 80 تقريبا ويرجعه لـD مره ثانية ويكمل السرعة المتبقية والموتر ماغير عن الثالث.
اما وشلون خرب القير مع ان اخوي محافظ علية تغيير زيت وفلتر الا انه جته حاله فجأة كذا وبدون مقدمات تعشق القير بالريوس وتدوس وكأنه بالفاضي واذا مشيت مع طريق يغير تغييرتين مع بعض واحيانا وهو بسرعة 140 يرجع نمرة وما يغيرها واحيانا اول ماتمشي ما يغير النمرة الاولى الا عند سرعة 60 يعني انواع اللخبطة.
اخر سؤال اسمحلي
ورشة ابو سليمان القيضي هي الي وانت رايح غرب من عند اشارة المحاكم تجيك يمين مقابل منزل الرواف
لاني بصراحة ماني من ببريدة وبعض الشوارع ما اعرف اساميها.

شكرا لك اخي سوبرvtc مرة اخرى

وتحملني شوي.

الله الله ورشة القيضي مقابل بيت الرواف بعد مكاتب المحاماة
بالنسبة لقير الشيروكي يجيه وقت يعلق القير على ال3
بمعنى تمشي على سرعه 140 و الابنص على 3.8 تقريبا
مايريح ابد
او يبتل معلق على النمرة ال1
او يعلق على 2
احيانا و انت تمشي على سرعه 140 يرد القير من نفسه الى ال3
في هذه الحالة
توقف و تطفي الموتر او تفصل و تشبك البطارية و يزين القير :good:
كد صارت لكذا موتر من الربع
وهذي تصير بالقير في بعض الحالات يعني بالشهر مره
طبعا لو طلعت عندك هذه المشكلة توديه لورشة المروى ابو ابراهيم ينظف حساسات خارطة القير الحساس الرابع لنمره 4 ب120ريال
او يغير لك خارطه ب550ريال تقريبا
قير موترك الاول مابه الا العافيه
المشكلة يحتاج فقط لتنظيف حساسات القير او تنظيف الخارطه
لان خارطه القير(المخ) به مجاري صغيرة مثل مصران الكرشة :D:p
اية انسداد يعلق القير على نمره لان الزيت ما يمشي بالشكل الصحيح بمجاري الخريطه المخ
****
اذا بغيت تعرف النمره ال4 اذا وصل العداد سرعه 70 ارفع رجلك خفيف عن البنص عشان يريح القير
اذا ريح القير يصير الضغط على 1.7 تقريبا او 1.5 ماني متاكد
في هذه الحالة القير تمام :good:

http://www.mekshat.com/vb/images/misc/subscribed.gif ๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)

موفق

ناصر955

16/12/2009, 07:17 PM

هههههههههههه حلوة مثل مصران الكرشة والله انك صادق

http://dc05.arabsh.com/i/00866/grzp5w276wr3.jpg (http://arabsh.com)

عموما ماصار الا الخير يالذيب
لكن ابمر ورشة القيضي عن قريب ان شاء الله...وهو الحكم بيننا

شكرا لك مرة اخرى كفيت ووفيت