مشكلة ضغط الزيت يوكون 2006

[كهربائي]

صباح الخيراااات
عندي يوكون 2006 ماشي 120 الف اذا وقفت مده طويله عند اشاره مثلا يطلع صوت طقطقه ( صوت تكيات) في اعلى راس المكينه طبعا هذا الصوت ناتج عن ضعف في ضغط الزيت بالتالي لا يصل الى اعلى المكينه عند السرعه البطيئه للمكينه .... السؤال هنا فيه احد صارت معه هذه المشكله علما بانه سرعه المكينه عندي 500 لفه بالدقيقه وضغط الزيت اقل من النص .... اللى مرت عليه مشكله مثل هذه لا يبخل علينا الله يجزاه خير الجزا ء

[ابوعقل]

صارت عندي

على جمس 2006 حجم المكينه 6.0

طلع صوت والعداد حق الزيت طاح

واشيله بسطحه للورشه واركب له طرمبة زيت Slp

هذي طرمبة زيت رياضيه ممتازه

والحمد لله مافيه إلا العافيه

[ff34d]

حيالله الاخوان وكفاني الله وإياكم شر كل مكروه
من واقع تجربه انا عندي جمس يوكن 2003
جربت نوعين من الزيوت
الاول / زيت 30-50 حسيت انه ثقيل على الماطور واول ما اشغل السياره اسمع صوت التكايات بعد تقريباً نص دقيقه يروح الصوت السياره مشيها وقومتها ثقيله وملاحظه
الثاني / زيت 10-30 السياره بسرعه تسخن صوت التكايات اختفى اصبح عزم السياره قوي وايضاً ملاحظ ناعمه في مشيها
طبعا هذا مومن نباهتي سألت مثلكم وشرواكم من الرياجيل وقالولي جرب النوعين وتعال قولنا وش الفرق جربت وقلتلهم
بعدين نصحوني اني استعمل الخفيف قلتلهم ليش
قالو تحافض بمشيئة الله على طرمبة الزيت لانه خفيف
ثاني شي انه ما ينحرق بسرعه يتغير لونه اسود لكن لزوجته تبقى
وانا والله مشيت عليه 5000كيلو وغيرته واللزوجه باقيه صحيح لونه اسود لكن للحفاض على الماطور اصبحة امشي من 3000 الى 3500واغيره
ملااااااااااااااحظه مهمه
لاتعبي الزيت لمن الفل خلي ناقصه منه ربع علبه حتى ما يخرب عليك جلد البلوف
قاريها في الكاتلوج سيارتي الاوله ولها عندي 8 سنوات وبعتها كانها جديده والحين ماشي علىهذي النصيحه في الجمس لايضحك عليك البنشري ويقولك انا ماني مسئول لوصارشي
ليش؟ انا اقلك ليش
حتى تترك مجال للزيت يتحرك بنسبه اكبر في راس الماطور ولا يكون ظغط على جلد البلوف والطرمبه تاخذ راحتها في نقل الزيت لأعلى
وسلامتكم
ان شاء الله اني اكون قدمت معلومه طيبه
محبكم ابو تركي

[alna3amy]

هذي طرمبه الزيت دفعها ضعيف غيرها وتضبط معك

[بدوي جنوبي]

هذي طرمبه الزيت دفعها ضعيف غيرها وتضبط معك

اولا افحصها
عن طريق كمبيوتر كم ضغطها
بعدها غيرها بأسرع وقت

بالتوفيق

[سوبر VTC]

طيب هل ولعت لمبة المكينه في لحظة ظهور الصوت ؟
هل طاح انبير الزيت ؟
هل ولعت لمبة الزيت ؟ او رسالة الزيت منخفض ؟
(((Oil Pressure low)))

دس بنزين اذا طلع الصوت
اذا اختفى الصوت بعد الدوس
فالمشكلة تهريب صوفة الطرمبة ماصورة الشفط او بلف الطرمبه فاتح سبرنق الى النهاية
و الافضل تغيير الطرمبه

طرمبة الزيت للجمس و الكابرس من م2000 الى م2006
نفس بعض
مشكلتك بصوفة ماصورة الطرمبة
غالبية الجمس دايم يلعب انبير الزيت تحت النص احيانا على الربع



عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر

فيه ناس غيروا انبير العداد ب150 ريال و ضبط الموتر
طبعا جمس
و فيه ناس اذا وقف الموتر تسمع صوت طقطقة
لتكايات البلوف الصبابات
اذا داس بنزين اختفى الصوت
بعضهم يغير سيلة او صوفة ماصورة الطرمبة
و البعض الاخر غير الطرمبه وزانت



عندي الجمس م2001
انبير الزيت له 3سنين يلعب اذا كان الموتر واقف
و اذا مشيت على سرعه 130 الانبير يضرب فوق النص
لكن
قبل اسبوعين اذا وقفت عند اشارة مثلا
تجيه حاله باليوم 3مرات
و هي
ان انبير الزيت يطيح على الصفر
و تولع رسالة بالطبلون ضغط الطرمبة منخفض لمبة حمراء
همن بعد 5ثواني تسمع المكينه تطقطق صوت التكايات و البلوف
طبعا في هذه الحالة ادوس بنزين مره وحده
فيرتفع الانبير الى النص و يروح الصوت :good:
اللي حصل
اني غيرت طرمبه الزيت + سيلة ماصورة الكرتير اللي تركب على الطرمبه
+ وجه كرتير + وجه صدر المكينه + صوفه الصدر
قطع الغيار كامله ب750ريال
شغل اليد ب500ريال
للعلم غالبيه الورش قالوا
ب1500 :mad: و الاخر قال ب1800 :mad:
و اخر قالي شغل يد ب800ريال
و رابع قالي شغل يد ب800ريال
الان الموتر ما شاء الله الانبير ثابت على النص اذا وقفت
سابقا
اذا شغلت الموتر و هو بارد ما يوصل الانبير الى النص او فوق النص
و انما بعد التشغيل يبدا يلعب و يكون تحت النص
طبعا قالوا الاخوان غير سيلة ماصورة الكرتير حقت الطرمبه
لكن انا قلت نغير كل شي مرة وحده و لا نتخسر بعدين
مره ثانيه
للعلم
سمعت ان بعض ورش الرياض يفكون بلف الطرمبه و سبرنق
و يمغطون السبرنق عشان يثبت الانبير على النص (حيلة)
و هذا غش :mad:
طبعا الانبير يثبت على النص
لكن المكينه ما تاخذ كفايته من الزيت :no2:

(اهم شي اذا طاح انبير الزيت)
(هل يطلع صوت للمكينه ام لا؟؟؟؟؟؟؟)
صوت احتكاك التكايات او الصبابات

ان شاء الله في الايام القادمه اذا الله يسر
راح انزل موضوع عن الطرمبه بالصور

هذي ماصورة الطرمبة ماصور الشفاط و لاحظ السيلة او الوجه تركب على الطرمبه

http://www.mekshat.com/vb/../pix/upload03/images134/mk53291_vsvsv1.jpg

http://www.mekshat.com/vb/../pix/upload03/images134/mk53291_dbbf11.jpg

http://www.mekshat.com/vb/../pix/upload03/images134/mk53291_gnng2.jpg


لاحظ السيلة او الوجه احيانا من الحرارة تلين و تهرب زيت و يرجع الى الكرتير


http://www.mekshat.com/vb/../pix/upload03/images134/mk53291_dbdf3.jpg


هذي الطرمبة الجديدة الكابرس و الجمس نفس بعض


http://www.mekshat.com/vb/../pix/upload03/images134/mk53291_bdfb4.jpg



http://www.mekshat.com/vb/../pix/upload03/images134/mk53291_bffbf5.jpg




قمه افرست اختصر علي الكلام :good::good:
حتى كلام فني الوكالة يقول طبيعي الصوت
الشيروكي و الجمس اذا شغلته و هو بارد
يطلع صوت احتكاك لمده 7 او 5 ثواني
للصبابات (تكايات البلوف)
يرفعن الزيت لسبرنقات البلوف
فالصوت من التكايات
و اذا ارتفع الزيت اختفى الصوت :good:
علما
ان الصوت موجود عندي جمس م2001 سعودي

لكن لو طلع صوت مستمر تك تك تك تك تك
سواء واقف عند اشارة او عند البيت
طبعا الموتر محتمي
فهذا دليل على ان طرمبه الزيت ما تدفع زيت بالقدر الكافي
بدليل ان لمبه الزيت تولع (لمبه حمراء)
ثم
اذا دست بنزين و ارتفع انبير الزيت
طفت اللمبه + اختفاء صوت الصابابات
ففي هذه الحالة يلزم تغيير الطرمبه

علما ان عندنا ورشة العثمان ببريده يغيير الطرمبه مع الشغل ب1500ريال
طبعا الطرمبه حقت السوق ما يركبه :no2:
سعره ب380ريال
هو يركب طرمبه طلبيه (تعديل) و على الضمان

موفق

بين الماصورة و الشخال اللي بنفس الكرتير
(مجول او سيلة)
اذا هربت او نسمت يدخل هواء و بالتالي ما يرقى الزيت
مثل دينمو الماء اذا كان به هواء ما يسحب الماء :good:
او مثل شفاط خزان البيت اذا بوسطه هواء ما يسحب ماء
هذي نقطه
النقطه الاخرى
ان الماصورة تركب على عمود المكينه الكرنك
من عند البكرة الكبيرة و تكبس على صوفة
تسمى (صوفة الصدر)
هذي مع الوقت و الحرارة الزايده تلين و يطلع الزيت مع الدوس
بمعنى يرجع الزيت
يهرب
لذلك عند التغيير
الافضل
تغيير السيلة + صوفة الصدر
موفق




وياك و كل مسلم
اخبر جمس بالشرقيه م99
عنده الانبير يطيح و يلعب له اكثر من السنة
و مالمس المكينة
عندك 4احتمالات
1
انبير الزيت خربان نفس الدينمو
2
اذا شغلت الموتر و هو بارد و كان الانبير ضارب فوق النص
همن اذا احتمى يطيح الانبير
فاحتمال الخراب من ساعة الزيت بالسلندر
3
صوفة ماصورة الشفاط تهرب زيت
4
بلف الطرمبة معلق دايم يكون فاتح ما يسكر

موتري اذا كان بارد
الانبير تحت النص على الربع
بعد تغيير الطرمبة
اذا شغلته و هو بارد الانبير على النص :good:
موترك صوفة بالدرجة الاولى
بدليل اذا دست بنزين البنص على 1.5
ارتفع الانبير فوق النص

او طرمبة

هذا مثل ما قلتلك
صوت الصبابات و التكايات و البلوف
صفق حديد بدون زيت
طيب جرب هالحل
اذا طلع الصوت
دس بنزين خل الابنص او الاربي او انبير ضغط المكينة
خله يوصل 1.5
لمدة 10ثواني فاكثر
اذا طفت الرسالة او راح الصوت
فاعرف انه من طرمبة الزيت او سيلة
لانه اذا دست بنزين و رقى الزيت يختفي الصوت :good:

[اشاهين]

ماشاء الله عليكم وفيتو وكفيتو كانكم معي في نفس مشكلتي

اولا السلام عليكم ورحمة الله وبركاتة

ثانيا: انا عندي نفس المشكلة الي تكلمتو عنها وكان شكي في انه هناك صوفه تهرب في الطرمبة ولاكن للاسف كل الورش تقول غير الطرمبة الورشة الوحيدة التي قالت لي هذي صوف تحتاج تغيير ورشة فيها تركي ولاكنه تكتم على الموضوع ويقول خل السياره وبكره تجي تاخذها قلت له فك السياره وانا عندك علشان اشوف شغلك وش تبي تصلح قال لا انا ابي ابداء الفجر فيها والعصر تكون جاهزه قلت له اجيبه لك بكره الفجر قال لا خليها الان وبكره تعال صراحه ما ارتحت لكلامه
فالأن من يدلني على ورشه تكون في الرياض وتصلح لي هذه الطرمبة لاني صراحه مليت من كذب الورش وخداعهم

والسلام عليكم

[كديان]

اخوي الشاهين الاجانب هذولاء خصوصا بعض هالاتراك و السوريين اللي ماعنده ذمه
و لا يخاف الله و يحقر المواطن السعودي و انه جاهل و مايفهم
يسون حركة بالطرمبة يطلع ياخذ منك قيمة الطرمبة جديدة و هو اساسا ماغيره
الحركة يفكون البلف اللي راكب على الطرمبة بلف بوسطه سبرنق
هالسبرنق يمطه يمغطه ليش ؟ عشان الزيت يكون ضاغط للمكينة
و يطلع عندك انبير الزيت و انت واقف على النص و بالحالة تحس ان المشكلة انحلت و الصحيح انه خدعة
وظيفة هذا البلف الاساسية ان اذا كان الموتر واقف يفتح هذا البلف عشان يرجع الزيت الزائد عن حاجة المكينة
الى الكرتير و العكس صحيح
اذا كنت تمشي بالموتر مثلا على سرعة 140 فان البلف يكون قافل لان المكينة بهذه الحالة تكون بحاجة كل الزيت لان احتكاك المكينة و هي مسرعة يستلزم بمقابلها ان الزيت يكون بنفس سرعتها و لايرجع اية زيت الى الكرتير
هذا البلف من ناحية وظيفته مثل بلف طرمبة البنزين تماما اذا كان الموتر واقف ترجع الطرمبة البنزين الزائد الى التانكي و العكس صحيح اذا كان الموتر مسرع فان بلف الطرمبة يقفل

[كديان]

اخوي شاهين
ادخل هالرد ==>> http://www.mekshat.com/vb/showpost.php?p=4902980&postcount=4

اخبر الاعضاء يمدحون ورشة العتيبي
و تاكد من ورشة بن كليب و ورشة ابو عادل
عاد علمنا من الثقة و النصوح

[awod]

انا كان عندي نفس المشكله في جمس ٢٠٠٦ ورحت لاكثر من ورشه واللي قال يبغالك توضيب مكينه علوي واللي قال غير نوع الزيت وكثرت الاقاويل .
رحت لورشه في صناعية علي بن علي في ام الحمام ولقيت مكيانيكي سوداني وقال هذي وجه طرمبة الزيت غير وجه طرمبة الزيت ووجه الكرتيل والزيت وظلعت ماشاءالله راحت الطقطقة وارتفع امبير الزيت .
الكلفه شغل يد ٦٠٠ ريال والقطع ٢٠٠ .
وسلامتك.