المساعد الشخصي الرقمي

مشاهدة النسخة كاملة : فزعة في طريقة التصليح 000 قاعدة الإستبنة000 باترول 99 صالون


الوسم
14/12/2009, 08:39 PM
يا الربع 0000

السلام عليكم ورحمة الله وبركاته

قاعدة الأستبنه شد عليها صواميل بشكل خاطيء

وتقطمت أثنين ولا باقي إلا واحد معلق ها الأستبنه وشدتة غير سليمة

يعني يبي كسر علشان يزال 0000

وش الحل ؟؟

أغير قاعدة ؟

أو أوديها مخرطة ؟

وش الدبرة ؟؟

أي واحد صارت المشكلة يعطيني خبر كيف أصلحها مع التكلفة
سؤال على الطاري :- هل قواعد الإستبنات تختلف من الربع إلى الصوالين ؟

س 2 :- هل تتطابق القواعد من الموديلات 91 وحتى 2009 ؟؟


وإذا كانت لا تتطابق:- ففي أيها الإختلاف مع ذكر الموديل والنوع ؟؟

السيارة :-- سوبر سفاري 99 صالون
الوسم
14/12/2009, 08:48 PM
سبحان الله وبحمده

سبحااااااااااااان الله العظيم
لن أمل من العطاء
14/12/2009, 10:40 PM
حبيبي نزل القاعدة

وروح خذ لك ثلاث مسامير بصواميل جديده من اي محل بشرط نفس المقاس
ويفضل الاصلي
روح بهم للمخرطه ينزلون ما تبقى من القديمه ويركبون الجديده وصلى الله وبارك

مثلها مثل تغيير المسامير بالهوب
لكن هذي اسهر

واي حداد يسويها مو شرط مخرطه
سوبر152
14/12/2009, 10:47 PM
أهلا بك أخي الغاليييييييييييييي
لاتقلق فأنت عند نشامى مكشات
نزل القاعدة ونقز المسامير أومابقي
منها وركب مسامير أخرى أصلية
أبي.. تركتني وحيدا الا من إيماني بالله
بدوي جنوبي
14/12/2009, 10:51 PM
اخى الوسم
حاول تصلحها بيدك
المسمار اللى باقى شد عليه حتى ينقطم

بس انتبه من القاعده تطيح عليك
وشغله تغيير المسامير بسيطه

اذا عجزت اقرب مخرطه وتنحل المشكله

بالتوفيق
قناص خلاوي
15/12/2009, 12:05 AM
مثل ماقالوا الاخوة الكرام
صارت معي بباترول 95 قمت فكيت القاعدة من باب الشنطة ( اربع مسامير)
ثم رحت اشتريت مسامير أصلية ( لا تقرب التجاري تراه ينقطم أو تتلف سنته من ثقل السبير) ولأقرب مخرطة يشيل المسامير المقطومة ويلحم لك الجديدة
والتكلفة والله نسيت كم لكن أعتقد في حدود 60 ريال مع قيمة المسامير الاصلية
الوسم
15/12/2009, 01:48 PM
أشكر كل من تفضل بطرح الحلول
كلن بإسمه

ومع ذلك 000 :- هل 000 إزالة ما بقي من المسامير من مكانها يتلف السنة القديمة وبالتالي لايمكن وضع مسامير جدد ؟؟

علشان ما أضطر لفتح سنة جديدة واللتي بالتالي ستختلف عن مقاس السنة لمسامير شد البلد الأصلية

ولا أطقها بمطرقة لإزالة المكسور من المسامير القديمة ولا أخاف على السنه اللي في القاعدة ؟؟؟؟

ملاحظة 000 اللي يشد الإستبنة في القاعدة مسامير وليست صواميل ،، يعني الصواميل ثابتة في القاعدة والمسامير هي المتحرك ( سوبر سفاري 99 صالون )
قناص خلاوي
15/12/2009, 04:42 PM
أشكر كل من تفضل بطرح الحلول
كلن بإسمه

ومع ذلك 000 :- هل 000 إزالة ما بقي من المسامير من مكانها يتلف السنة القديمة وبالتالي لايمكن وضع مسامير جدد ؟؟

علشان ما أضطر لفتح سنة جديدة واللتي بالتالي ستختلف عن مقاس السنة لمسامير شد البلد الأصلية

ولا أطقها بمطرقة لإزالة المكسور من المسامير القديمة ولا أخاف على السنه اللي في القاعدة ؟؟؟؟

ملاحظة 000 اللي يشد الإستبنة في القاعدة مسامير وليست صواميل ،، يعني الصواميل ثابتة في القاعدة والمسامير هي المتحرك ( سوبر سفاري 99 صالون )


صدقت اخوي الباترول الجديد يختلف عن القديم
معي الحين 2005 ولا فيه الا مسمار واحد والثاني ترقيع والثالث مكسور
وبسوي نفس اللي سويت بالقديم
انت مر لك مخرطة زينة وهم يدبرون القاعدة هذي شغلتهم
ولا انصحك بتجديد السنة لانها تصير اضعف واذا كبروا لك المقاس ماراح تحصل مسامير قوية مثل حقت الوكالة ..
عشان كذا قلهم يقصون الصامولة ويلحمون أختها مكانها .
والله اني ناوي اصلح القاعدة لكن الوقت ماساعد والا كان صلحتها وعلمتك وش صار وكيف تم التصليح .
الوسم
24/01/2010, 08:22 PM
القاعده بعد التصليح


وشرينا مسامير أصليه مع صواميلها من الوكاله والله لا يخسر المسمار الواحد بــ 40 ريال


والحمد لله تمت على خير


http://www.mekshat.com/pix/upload03/images144/mk15940_21122009176 (small).jpg
http://www.mekshat.com/pix/upload03/images144/mk15940_21122009177 (small).jpg
http://www.mekshat.com/pix/upload03/images144/mk15940_21122009178 (small).jpg
http://www.mekshat.com/pix/upload03/images144/mk15940_21122009179 (small).jpg


وشغل المخرطة بإزالة الصواميل القديمة باللحام ببلاش
وطلعت الصواميل القديمة تختلف عن الأصليه في مقاس السنه
ولكي يستفيد إخواني الأعضاء


وقاللي راعي المخرطة 000 الدعوى ما تسوى !!
هويدي
25/01/2010, 12:31 AM
متحمس وكتبت رد بعدين انتبهت انه انحلت المشكله :d


والحمدلله اللي انحلت وجزاك الله خير على الصور التوضيحيه


ليستفيد منها من وقع في مثل مشكلتك

واحد من ربعي صارله نفس المشكله ركب مسامير وصواميل تايوتا ... مدري وش الحكمه يمكنه ارخص او تصبر اكثر
معدي المرقاب
25/01/2010, 05:07 PM
مشاء الله انحلت المشكلة((مع مكشات اكيد مافيه مستحيل))