المساعد الشخصي الرقمي

مشاهدة النسخة كاملة : ابي اهل الخبره


بوعفسه
16/12/2009, 02:47 AM
:f اخواني انا عندي طير غالي وسويت اشعه علي الجناح وقال الدكتور قيه فك في المفصل من الثنادري وطير عطيته حبوب ماكو فايه جناحه هادله والحين الطير يرجف الجناح تقول واحد يرتعد حييييل ومادري شنو الحل ممكن احد يفيدني ضروري الان الطير ما طار من تاريخ 28)10
وطيرته مره ونقد عليه والحين مادري شنو اسويه معه اربطه او اطيره ممكن التوووضيح :f
صقار قديم
16/12/2009, 07:16 AM
السلام عليكم


ما نوع الطير و هل ممكن تضع صورته


تحيتي و تقديري
راعي عباث
16/12/2009, 07:28 AM
أخوي ليش ماوديتة طيرك للعويدي بالرياض وأنشاء الله بتلقى عنده علاج طيرك
شامان 28
16/12/2009, 08:13 AM
الله يشفي طيرك بس روح عند العويدي
عاهد بن علي
16/12/2009, 08:30 AM
الله يشفيه ان شاء الله
صاحب نوماس
16/12/2009, 09:45 AM
اخوي يوم انك تهدة يطير والا على طول يوقع ,,,,
سـعود
16/12/2009, 11:15 AM
اخي العزيز يوجد علاج بالكويت متوفر ومجرب للملوع يساعد وبقوه باذن الله
اسم الشركه chevita شركه المانيه لون الكبسوله حمرا بالكامل مجرب للحمام والصقور ونتايجها ممتازه واهل الحمام الزاجل يعرفونها جيدا
هماش
16/12/2009, 12:10 PM
السلام عليكم

الطير لاتدعيه ولا تطيره افحصه يوم انك تقدر تفحصه
وعطه شب وموميان وصب على جناح الطير ماي دافئ وشمس الطير وعقب فتره افحص الطير وانتبه حاول ان الطير مايكفخ
وبنهايه رجع الطير للمربط
وعسى الله يشافي طيرك ويطعمك من صيده
راعي جالود
16/12/2009, 12:19 PM
الله يشفي الطير بـ أذن الله

وطيرك .. علاجه موجود بـ أذن الله

أنت خابر السير اللي ينحط فـ اليد .. أو الشباصه .. حقت البنات الصغار

ثبت جناح الطير على الجناح الثاني .. وراح يطلع معك شكل المقص .. وراح يضف جناحه وما يهدله .. وركب الشباصه .. فيه .. وعلّفه .. وحط له شب وميوميان ..بـ العلف .. وعطه .. ودق له العظم .. وخله ناعم .. لأن العظم بـ العلف يعطي الطير كالسيوم أنتبه لـ العضم .. لا يلعب بـ معلفت الطير .. وأنا أنصحك .. خل الشباصه.. في جناح الطير .. ووص العيال ولا أخوانك ... كل ما طاحت من الجناح يردونها عليه .. وخلها في جناح .. الطير 7 أيام أو دونها شوي .. وراح تلاحظ التغيير .. والطير .. لا تدعيه حاليا .. لين يركب العظم .. ويرجع محله

ولا تستنكر هـ الطريقه .. لأني أنا شخصيا مجربها .. وبـ التوفيق أن شاء وبلغنا .. وش يصير معك
الهواوي 502
16/12/2009, 12:25 PM
ماقصرو الاخوان,,,

والله يعينك,,, ويشفي طيرك
قرناس شماالي
16/12/2009, 12:49 PM
فادوك الاخوان
فانوس المجالس
16/12/2009, 11:05 PM
الله يشفيه ان شاء الله