تسجيل الدخول

مشاهدة النسخة كاملة : (( Abs))


alna3amy
16/12/2009, 01:06 PM
بسم الله الرحمن الرحيم
السلام عليكم ورحمة الله وبركاته

وأنا ماشي بحفظ الله وفجأه ولعت على لمبة ABS ومعها لمبة البريك رحت لورشه متخصصه في السيارات الإمريكيه جاء المهندس وفحصها بالجهاز من داخل الغماره قال عندك المنظم أو ماأدري وش سماه وقال لاتهتم تراه ماب مهم وإن قيمته غاليه بحدود الـ 2000 ريال مشيت من عنده بس لقيته مهم جدا لأنه عند الوقوف المفاجي تسحب الفرامل وعلى فكره اللمبه ماهيب مولعه على طول أحيانا أمشي مشوار طويل ماتولع أبد وفي وسط الرياض أول ماأمشي ماتولع بس عند مطبات الطريق الصغيره مثل الحفر وعيون القطط تولع ولا تطفى لين أطفي السياره ...أقول هل لها حل ولا لازم أغيره وش رأيكم

تاهو 2001 أمريكي
هواوي تعديل
16/12/2009, 08:52 PM
افحص زيت الفرامل يمكن ناقص
وحساسات Abs
باثفندر
16/12/2009, 10:52 PM
الامريكي الجديد سالفته سالفه كله حساسات وأفياش ،،

يالغالي يبيلك تكون مروق وتشيك كل الأفياش الي تتعلق بالبريك وتفكها وتنظفها وترجع تركبها وتكبسها ،،

ومايمنع تشيك على الفيوزات ( إبدأ بفيوز الـ Abs ) مهوب شرط إن الفني شيك كل شي ،،

وماحك جلدك مثل ظفرك ,,,,
alna3amy
16/12/2009, 11:21 PM
الأخ باثفندر والأخ هواوي تعديل أشكر لكم تجاوبكم
الحساسات شيكت عليها في ورشه ونظفها بس ماتغير شي نشوف الفيوز ولا الله يعينا على تغييره
سوبر VTC
16/12/2009, 11:24 PM
و عليكم السلام و رحمة الله

اخبر شخص ولعت اللمبه
حصل سلك الحساس منقطع سلك خطين 2
وصل السلكين و لف شطرطون و طفت اللمبه :good:
علما ان الكهربائي كان يبي ياخذ شغل يد 150ريال :mad:
طبعا عند كل كفر سلك حساس اي بي اس
نقطة اخرى
يفك حساس الاي بي اس و ينظف الراس بقطعه قماش + بنزين
و ان شاء الله تطفى اللمبه

لمعرفه مكان الحساس ادخل موضوعي فك فلنجة الجمس


http://www.mekshat.com/vb/../pix/upload02/images77/mk53291_mhfn24.jpg


http://www.mekshat.com/vb/../pix/upload02/images77/mk53291_mvhngn25.jpg

http://www.mekshat.com/vb/../pix/upload02/images77/mk53291_nhngnb26.jpg

بخصوص الورش





هذي ورش من الاخ ماجلان


للجموس



اقتباس:
اقتباس:

عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...


والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه


وفي عندك صناعية ام الحمام ورشة القحطاني رقم 11 سوداني فلته في الكهرباء

http://www.mekshat.com/vb/images/misc/progress.gif



موفق
alna3amy
17/12/2009, 10:12 PM
وفقك الله مشرفنا الغالي Vtc ما قصرت يعطيك الله العافيه على مجهودك
الموسيقار6
18/12/2009, 03:06 AM
لا لقيت الحل تكفى علمني عندي نفس المشكله ,,
aka777
25/01/2011, 03:34 AM
معاكم ياشباب

تكفون نبي نعرف الحل


الله لايحرمكم الجنه
~EmPeRor~
25/01/2011, 12:49 PM
مشرفنا فتك كفى ووفى

ولاكن ياشباب

كل سيارة يختلف عطلها عن الثانية

مراح تكون السيارة وحده

هو عنده المنظم

انتم امكن اتساخ بالحساس

والاخر احتمال pc ال abs
مغلي
03/06/2011, 03:21 AM
جمس امريكي
2002
البارح ولعت لمبة الجلنط و ال abs وانا امشي عادي بالدائري
ولما وقفت وطفيت ... ورجعت شغلت طفت كلتا اللمبتين

وماامداني افرح ..... الا ويولعن مره ثانيه
.
.
اول مره تحصل معي ... والسياره لها الان 4 سنوات معي
alraslani
09/06/2012, 03:53 AM
حبايب قلبي
صبحكم الله بالخير جميعا
هذي مشكله بجهاز الـ ABS وقدامكم خيارين
الاول تسوي برمجه وهو احتمال ضعيف انه راح يزين معكم
الثاني انكم تشترون جهاز مستعمل نظيف من التشليح
واذا رحتو تأكدو من فيش الجهاز لأنه يجي منه نوعين 11 و 16 وهذا على حسب نوع السياره
وانا افضل انكم تشترون مستعمل نظيف بـ 700 ريال افضل من البرمجه لأنها ماراح تضبط وخساره بدون فايده
اسأل مجرب ولا تسأل طبيب .... وشكرا