ابغي رياكم يا اهل الصقور

[نسناس]

الموسم الماضي شبكة طير حر بشبكة حمامة وطار باالشبكة والحمامة وحصلت باقي الحمامة والشبكة والطير راح هل يرجع الموسم هذا ولكم جزيل الشكر

[ابوساسا]

بسم الله الرحمن الرحيم

الأخ نسناس والله اني من زمن وانا شايف الموضوع وكان عندي نية ارد على استـفـسارك لا كن اخذتنا الايام و نـسـيـنا .

نعم الطير يرجع اذا ماأنطرح . بشرط يكون مكانة الي لقيتة فية... فية صيد وافر مثل ( خشاش الارض من جرذي

وغيرة اوحمام )ولا علية مضايقات مثلاً كثرة سيارات وناس رايحة جاية .

وتلقاة انشاء الله يرجع لمكانة الي لقيتة فية اوقريب منة . وتكون طرحة هالطير على يدك.

وانا اسئل الله العلي القدير ان يوفقك بطرح الطير وانة يكون من الطيور المثمنة .


واسف جداً أنا والزملا على التأخير بالرد وتقبل مني خالص التحية والتوفيق .

[نسناس]

مشكور يابو ساسا وماحصل تاخير......وعز الله انك صقار......وكلامك في محله
سئلة صقارين وقالوا تعوض الله فيه .......وقبل يومين جاني خبر انه موجود عند احد جيراني ويقول لعب فا الدجاج لعب..
وانشاء الله بشبكله عن قريب ..........

[ابوساسا]

الله يوفقك يا نسناس والله يجعلة من نصيبك والطير هذاء يمكن انة قرناس لأن القرناس عادتة يرجع

ولا تبخل علينا بالعلوم وبشرنا عن الطير

[خوى الخوى]

اعتقد ان الطير يابوساس اذا فرس وهوه عابر فى ديره يرجع لها بس مثل ماقال اخون يكون فيها زريق واجد اما اذا جاء فى الروجه وراج الطير فى هذه الديره وغير مكان الهدد اعتقد ىمايرجع لنفس المكان والطير ريشه وعينه تدله على الهدد من الحوم
هذا والله اعلم