دوخني الكابرس 93

[sharrrar]

تحياتي للجميع .. جاهزين للفزعه .. الى المشكله

الكابرس موديل 93 و مشكلته انه ما يدق سلف الا بعد طلعه الروح ولكن اذا اشتغل ابد ما يطفي .. واذا طفيته بعد ما سخن يعني .. يدق زين .. اتعرفون الموديل قديم ..


رحت الصناعية وسويت صيانه خفيفه .. غيرت بواجي واسلاكها و صفيت الموتر (غسيل للحلابات )وغيرت فلتر البنزين والهواء .. وش صار .. الموتر تحسن عزمه لكن المشكله نفسها موجودة .. ما يدق سلف اذا كان بارد ..؟

ملاحظة : الاحظ ان دقمة السلف مرة تعطي صوت ( تن تن تن تن ) و مره بدون صوت .

انا ابغى الفزعه يالربع ..لأني معزم اضبط الموتر ..

ارجو ذكر الحلول للمشكله
مثال .
اولا تغير كذا ؟ واذا ما صلح روح للثاني
ثانيا تبدل كذا او تنظفه .... وهكذا


. حتى لو كان الموضوع قديم او سبق طرحه .. ارجو الرد علي في اسرع وقت ؟؟

السبت انا في صناعية الخبر باذن الله
ويعطيكم العافية ... ابو نمر

[شامخ ألهيلا]

السلام عليكم
اخوي هل العطل من السلف ولا والدقمه
اما يدق سلف ويطول مايشتغل ؟

[Magellan]

هذي وأنا أخوك من دقمة السلف .....

عموما المشاكل هذي وحتى نحصرها بقالب عمومي تتلخص بـ3 أشياء
1- دقمة سلف
2-السلف
3-البطارية
فقط لايخرج منها السبب وأرشح الأولى

[كبسولة2]

شيك على أصابع البطارية الأسلاك الي راكبه في اخرها إذا كان عليها تأكسد وأملاح

صب عليها مويه حارة أو بيبسي ونظفها زين وشد عليها مضبووووط

تراها تسوي نفس المشكلة

[sharrrar]

السلام عليكم
اخوي هل العطل من السلف ولا والدقمه
اما يدق سلف ويطول مايشتغل ؟

سلام عليكم
انا قصدي الموتر مايدق سلف .. يعني ما يشتغل ابسرعه والماكينه تدور وتدور ولا يشتغل .. يعني المشكله مش من السلف ولا اصابع البطاريه ..وكان عندي ملاحظة على الدقمه مرة تعطي صوت (تن تن تن )و مره بدون صوت
يمكن انا ما انتبهت وقلت ما يدق سلف والجميع فكر ان السلف متعطل .. سامحونا عاد

اعتقد ان المشكلة يمكن تكون من البنزين لما تطفي السيارة يتسرب او يرجع التانكي او يتبخر ما ادري والله .. هنا دوركم يالنشاما



و شاكر للجميع على التجاوب

[الاسطورة351]

شيك على كتاوت وفيوز طرمبة البنزين
احتمال يكون الكهرب الي يوصل لها ضعيف اثناء التشغيل
صارت معي في كابرس موديل 94 (تاخير في التشغيل وخصوصا اذا كان بااارد )

[الإستراتيجي]

شيك على الكهرب عندك مشكلة في الكهرب ..

بطارية أقل من الموصى بها في السيارة

مثال بطارية 70 أمبير وتركب 60 مثلا


فشوف سيارتك و مواصفاتها وركب المواصفات .


...

لو كانت المواصفات ممتازة فأعتقد أن المشكلة في طرمبة البنزين أو فيوز لها

لو كانت ممتازة

ممكن تكون بواجي ماهي رقم الموتر

ترى الأمريكي خطير مرة ركبت بواجي والله بهذلتني بهذله أحسب الدعوى بوجي يركب وخلاص ؟


طلع الأمريكي بالرقم تجيب البواجي الحمد لله أني ما رميت القديم

ركبته ورجعت السيارة كما كانت

وأشتريت على الرقم وطلعت ممتازة

البواجي في الأمريكي ممكن تضرب الشرارة تفتفه وتفقع أو تشغيل بطيء جدا جدا جدا .


فأنصحك لو كنت مغير بواجي شوف مسألتها هل هي على الرقم الصحيح .

لا تأخذ البواجي إلا من الوكيل أو مركز معتمد أو رسمي

النصابين واجد أنا مشتريها من محل قال تركب بدون رقم للأسف وتورطت بها