استفسار عن مرش الطير اعزكم الله [الأرشيف]

مشاهدة النسخة كاملة : استفسار عن مرش الطير اعزكم الله

طيب العرف

18/12/2009, 01:33 PM

السلام عليكم ورحمة الله وبركاته
الي عنده خبر يفيدنا
الطير مرشه يقارب للاخضر الفاتح ويميل للبياض لكن ريحته كرييهه
مع العلم انه صاير يتأخر بالروبجه مايروبج الا قبل عشاه بساعه
اتمنا القا من يفيدني بالسبب واذا كان مرض وش العلاج ؟وطريقة علاجه؟
شاكر لكم مقدما

صقار مبتدئ

18/12/2009, 02:08 PM

الله اعلم قلاع خذ حبوب الكنكر من الصيدليه البيطريه و الله يشفي طيرك

مشبر البران

18/12/2009, 03:56 PM

الأخوان ما يقصرون

طيب العرف

18/12/2009, 04:44 PM

الله يعطيكم العافيه لمروركم
تقريبا تبين او تاكد انه قلاع لان ريحة فم الطير برضو كريهه
لكن متى اعطيه الحبوب وكيفية اعطائه للحبوب وكم المده ارجو الرد باسرع وقت الله لايهينكم

ALAMIR

18/12/2009, 07:00 PM

الله يعطيكم العافيه لمروركم
تقريبا تبين او تاكد انه قلاع لان ريحة فم الطير برضو كريهه
لكن متى اعطيه الحبوب وكيفية اعطائه للحبوب وكم المده ارجو الرد باسرع وقت الله لايهينكم

تعطي الحبوب مع العشاء اما ان تضعها داخل اللحم وتحط لك حبه بقطعه صغيره من قلب الحمامه او قطعه صغيره من اللحم وتضع الحبه داخلها
او ازرطها بفم الطير
والمده أفضلك خمس أيام

ابوسمرى

18/12/2009, 10:02 PM

اخوي ولا يهونون الاخوان افحص الطير لتاكد ازيلك قبل ما يصير شيء بالطير تندم عليه

البراء آل عثمان

18/12/2009, 10:30 PM

السلام عليكم ورحمة الله وبركاته ,,,
إحتمال على حسب شرحك إن الطير يكون فيه بداية إلتهاب إما أمعاء أو كبد نصيحتي لك

1- أفتح فم الطير إذا لقيت حبوب يكون قلاع
2- أنصحك تعطي الطير حبوب أمبي سليني الطير إلي وزنه 1000 تعطيه حبه وحده تحصله في الصيدليه البيطري
2- فتمين لفر تونك حط هذا الفتمين في علف الطير ولا تزيد عليه العلف ويفضل إن يكون العلف قطع من اللحم مع حليب أو بيض

أنصحك تقوم بهذا العلاج في أسرع فرصه

مع التحية

طيب العرف

18/12/2009, 10:57 PM

السـبار2

19/12/2009, 12:09 AM

ما علمتنا هو وحش هالسنة والا بيتي

اذا كان من وحوش هالسنة فنصيحتي لك ان تفحص الطير خوف من ان يكون به التهاب في الدم لان اغلب الوحوش هالسنه صاير فيها هذا المرض

وانا كان عندي طير صار مرشه اخضر وتأخرت في علاجه ومات لان الالتهاب تمكن منه
من استهتاري في علاجه

اما اذا كان بيتي فيمكن انك تتبع ما قاله الاخوان مع اني اؤيد فحص دم الطير

بارك الله فيك وحفظ لك طيرك

نواف نجد

19/12/2009, 06:34 AM

الله يشفي طير

شامان 28

19/12/2009, 08:13 AM

الله يشفي الطير

صاحب نوماس

19/12/2009, 10:07 AM

الله يشفية

والقلاع واضح ياخوك تلقى الطير يحذف العلف مايعلف

اما اذا كان في فمة ريهحة هذا يمكن مجمع رزابيج وريحة المرش ممكن من العلف

واذا اطعتني بدون قصور فالاخوان افحص الطير

طيب العرف

19/12/2009, 10:26 AM

الله يجزاكم خير كلا باسمه على المرور والدعوات
بالنسبه للطير وحش واذا علف تلاحظ قطع صغار من الحم تطيح منه فاعتقد انه قلاع والله يستر من الامراض الي غيره
طيب ياخوان اذا بغيت افحص الطير مالي الا الرياض ؟ يعني مايحصل احد عندنا بالقصيم

الوهـ قحطان ـاج

19/12/2009, 01:16 PM

اخوي طيب العرف

هذا يسمى قلاع وروح لصيدلية البيطرية والشريط حق الحبوب لونه اخظر وانصحك نصيحه تعطيه ثنتين قبل الفطور او العشاء مايقل عن ساعتين علشان تاخذ الحبوب مفعولها وشربه ماء علشان يتحلل الدواء داخل الطير

وهذي طريقه مجربه وفعاله وتعالج الطير باسرع مايمكن ولمدة ثلاثه ايام يعطى الحبوب

تحياتي لك يالغالي

البراء آل عثمان

19/12/2009, 02:59 PM

اشكر مروركم ياخوان ولاهنتوا على التفاعل مع الموضوع

اخوي البراء الوصفه الي ذكرتها هل هي للقلاع لاني شريت له سبارتركس وعطيته منه بحيث اني ذوبت الحبه في ماء مقدار 2 مل وحطيته في برواز وبخيته في بوزه
هل هالطريقه زينه له او لا؟
والسبارتركس ينفع او اغيره؟

أخوي إن كنت عطيت الطير علاج القلاع وما فاد نصيحتي لك إنك إن كنت قريب من مستشفى تروح تسوي فحص مرش وفحص دم
أما إن كنت بعيد فنصيحتي إنك تسوي مثل ما قلت لك أول

ويفضل إنك لما تعطي علاج إنك تعطيه الحبه كامله
ولا تشيل هم عندك نقطه وحده فقط يوم تمسك الطير رح يمين ولا يسار وهي فتحة وحد لا تروح فيها أول فتحة تشوفها بعد عنها وخلاص مافي أي مشكلة إطلاقاً

أرجوا إني اكون قد أفدتك مع التحية
ونصيحتي مره أخرى لا تتأخر في العلاج

طيب العرف

19/12/2009, 11:01 PM

الله يعطيكم العافيه ياخوان لمروركم الطيب ونصائحكم الجميله وان دل فانما يدل على حرصكم
باعطاء الفائده للجميع
اشكركم من جديد

ابو اسامه 2

19/12/2009, 11:08 PM

السلام عليكم ورحمة الله وبركاته

اخي الكريم

انا اشوف انك تكشف عليه

صحيح اني ما افهم في الطيور

لكن وجهة نظري انك تكشف عليه احسن

يمكن تعطيه شي وهو اصلا محتاج شي ثاني

الكشف هو افضل وسيله لكي تتجنب المضاعفات او حتى لا يحدث ما لا يحمد عقباه

تحياتي لك

الرجل الطموح

20/12/2009, 10:11 AM

تلقى عند البيطري احبوب اسبارتكس
واعطه حبه قبل العلف بنص ساعه بقلب الحمامه
لمده ثلاث ايام لحم صافي بدون ريش وعضم
والله يشفي طيرك

طيب العرف

20/12/2009, 10:20 AM

ابو اسامه2
الرجل الطموح
اشكر مروركم ونصائحكم
لكم كل الودوالتقدير