مشاكل في يوكن دينالي 2005 لاصحاب الخبره

[black denali]

السلام عليكم

يالربع الله لايهينكم معي يوكن دينالي وفيه مشاكل

1- الدبل مستمر وفي النفود ها الايام اذا دخلت ودعست ودارت الكفرات الي قدام تطلع صوت طقطقه قويه من الدبل وديته لورشه الموسى قالي السوري جنزير الدبل وتكلفته تقريبا 1400 مع العلم ان فيه تهريب زيت
2- عندي فضاوه غير طبيعيه بالدركسون وفحصت عند العضيب قالو لي ذراع الشاصي وذراع الدوده
والاذرعه الداخليه كلها خربانه

وقيمتها بالتقوى الـ gm غالي هل في مشكله اذا ركبت ايسدلكو

وجلد المقصات خربانه الي فوق ومالقيت جلد تنباع لحالها ينباع المقص كامل

وهذا عيب في اليوكن الي مرت عليه يقولي وش سوى لا هنتم ..

وشكرآ ...

[المساهر]

السلام عليكم

يالربع الله لايهينكم معي يوكن دينالي وفيه مشاكل

1- الدبل مستمر وفي النفود ها الايام اذا دخلت ودعست ودارت الكفرات الي قدام تطلع صوت طقطقه قويه من الدبل وديته لورشه الموسى قالي السوري جنزير الدبل وتكلفته تقريبا 1400 مع العلم ان فيه تهريب زيت
2- عندي فضاوه غير طبيعيه بالدركسون وفحصت عند العضيب قالو لي ذراع الشاصي وذراع الدوده
والاذرعه الداخليه كلها خربانه

وقيمتها بالتقوى الـ gm غالي هل في مشكله اذا ركبت ايسدلكو

غريبه دراع الشاصى لان وضيفته ان الوجه مايوم يتمايل ماله شغل بفضاوه الدركسون وكذلك دراع الدوده
الفضاوه خاصه بدوده الدركسون فقط وهاذى حسب معلوماتى ماتصلح
بالنسبه لسعره شوى غالى بس انتبه (( ذراع الشاصى )) مو نفسه خذ الاول وطابقه انا مالقيت الا بصناعيه غرب الرياض ... على فكره نفس الموديل عندى ..

ووالله ثم والله جيت العضيب ولعبوا على وخربوالى الدفرنس الخلفى صار يهرب زيت نصابين حسبى الله عليهم ياخوى تاكد من شغالات صارت معى واحب اذكرها لك لانى تخسرت واجد

الدينالى المساعدات الخلفى والامامى هيدروليك واسعارها عاليه مره تقريبا 7000 ريال للطقمين انا نزلت المساعدات الامامى والخلفى وبدلتها عادى ماخطر بدماغى موضوع الهيدروليك وفطنى واحد من الزملاء قالى خذ الهيدروليك الخلفى لاتخليه عندهم .. ونسيت الامامى ماخذتها

من عقبها تورطت الجمس قام يلعب فينى ويتمايل وماخليت ورشه الا مريت عليهم وهاتك يالخسائر محد صاد شى واخرهم العضيب اللى اكل على 2600 بدون فائده واخرتها جيت لواحد لو تشوف مكانه ماتعطيه ريال وقال ياخوى رجع المساعدات وانت ترتاح ورديت المساعدات الخلفى وضبط الموتر ورجع 70% ودورت اللى قدام هيدروليك ولقيتها غاليه وركبت نسيت اسمها ابو 3 طقات والحمدلله ضبط الموتر ..

قصيت لك قصه حياتى عشان ماتخسر لان ماودى مسلم يتعذب مثلى بسبه جهل مكنيكى

فيمكن انك غيرت شى واختلف معك الموتر

المشكله يوم شريت الموتر مابه شى وقلت ابغير فيه كل شى وارتاح وهذا اللى خلانى اتورط يوم نزلت المساعدات الهيدروليك وطحت بناس ماتفهم وانا تخسرت

وجلد المقصات خربانه الي فوق ومالقيت جلد تنباع لحالها ينباع المقص كامل
اتصور سعرها 450 والله ناسى وبالفعل كامل

وهذا عيب في اليوكن الي مرت عليه يقولي وش سوى لا هنتم ..

والله يوفقك

وشكرآ ...
واتمنى تكون حريص قبل لاتسوى شى

[mtc_959]

واتمنى تكون حريص قبل لاتسوى شى

المساعدات ابو ثلاث طقات اسمها جبريال