المساعد الشخصي الرقمي

مشاهدة النسخة كاملة : أرخص مكان يبيع الخيام بالرياض..


ولعه
19/12/2009, 11:39 PM
السلام عليكم ..





ياجماعه السالفه أني أبطق لي مخيم ثابت بس ودي أسأل:

أبي أرخص مكان يبيع خيام أم عمودين والطقه ذي وكم أسعار الخيام أم عمودين؟..
الروايات وين يباعن وكم أسعارهن؟
خزانات الماء وين يباعن وكم أسعارهن ..
مواطير الكهرب وين يباعن سواء مستعملات أوجدد وكم يكلف الماطور اللي يكفي لإنارة مخيم مكون من خمس خيام ؟..
الرواقات الخضر اللي يسور بهن المخيم وين يباعن؟
هل فيه محل يبيع خيام مستعمله؟..

اللي عنده خلفيه ليته يفيدنا ..
ضحية بيشة
20/12/2009, 12:31 AM
انا جهزت مخيم قبل كم سنه بالثمامه وكنت اتوقع انه سهل وغير مكلف ووصلت لمبلغ

كبير جدآ ...والحين سمعت ان الخيام ارتفعت اسعارها بسبب كثرة الطلب عليها ...

انصحك اول شي تزور حراج بن قاسم بجنوب الرياض وتزور شارع الغرابي وشارع

الظهران وتسعر الاغراض اللي تحتاجها واذا انت محتاج اي استفسار نتشرف بالفزعه لك.

وبصراحه انصحك في بيت الشعر ومولد الكرهب احرص عليهم هم اهم شي بالمخيم ..
ولعه
20/12/2009, 12:42 AM
جزاك الله خير على الإفاده وعلى رحابة الصدر يالغالي ..
لكن كم كلفك المخيم كامل ووش كان يعني كم خيمه وتجهيزاته والماطور كم كلفك ؟

شارع الظهران هذا وينه؟
صقرحايل
20/12/2009, 01:22 AM
مرحبا اخوى
والله انه يكلفك الكثير اذا تبى تضبطه
هذى الخيام تبى منك اقل شى اذا كانت ام عمودين وبيت شعر تبى 10000ريال الماطور اقل شى 3000ريالالرواق السور الخارجي يبيلك2000ريال اقل شى من قواعد والسلاك ورواق غير الكهرب والتسليك والمبات يبيلك 1500ريال مع شغل الكهربائى الخزانات حسب الحجم واذا كانت متوسطه الواحد 350 ريال غير شغل المغاسل ودورات المياه وتسليك المواسير والمويه يبيلك اقل شى 2000ريال مع حفر البياره وانتم كرامه وحط لك 2000 فرش واغراض مطبخ ومجالس ومعاميل وغيرها يعنى حط ميزنيتك اقل شى 25000الف اذا تبى مخيم كبير مثل ما قلت خمس خيام وغيره انا سويت مخيم عندنا باحايل كبيروكلف فوق 40000الف بس حطيته قسمين وحطيت السور الخارجى صريف نخل بس الصريف كلفن 9000ريال بس اشتغلته شغل وحطيت كل شى فيه والله ما ودك تطلع منه واذا سيرت على با حايل تره تحت امرك با اى وقت وشكر لك
راعي الطلعات
20/12/2009, 02:03 AM
كل الي طلبته راح تحصله ان شاءالله بحراج بن قاسم فيه مكان بالخلف من الجهة الغربية بالقرب من ورشة مواطير الكهرباء
الاشياء الي راح تحصلها ان شاءلله
خيام جديدة او مستعملة واذا ما حصلة المقاس المطلوب الغرابي ممكن تحصل به بس كلها جديده والاسعار لا اذكر كم هذه السنه

مواطير كهرباء بعض من الانواع الجديدة وانواع من المستعملة بأحجام مختلفة حط بجيبك من 3000 ريال الى 6000 ريال وانصحك بالديزل علشان يشغل لك خمس خيام وبالكبوس ويطول في الوقت واقل سرفية

توانك الماء المستعملة فقط تجدها بالحراج اما الجديدة بتحصلها بالمصنع افظل اذا كنت تقصد الفيبر قلس واسعارهم رخيصة لكن لا اذكر بالظبط وطبعا هي افظل واطول عمر من الحديد

والرواقات الخضر بتحصل اشكال والغرابي عنده انواع مختلفة وفيه نوع شبه شفاف اخظر مثل الي يوضع على البساتين وبتحصله بالمتر بس في محلات الزراعة انا افظله علشان لما يكون فيه هواء قوي ما يشيله معه ويتقطع ويروح التعب مع الهواء :)

معليش على ضعف المعلومات التي سردتها لك فا الاشياء هذي شريتها من زمان يوم اسسة المخيم وكانت التكاليف بسيطة الا من مطور الكهرباء وغرف الخشب الجاهزة

وبالتوفيق ان شاءالله واي استفسار اخوك بالخدمة
ولعه
20/12/2009, 12:47 PM
مرحبا اخوى
والله انه يكلفك الكثير اذا تبى تضبطه
هذى الخيام تبى منك اقل شى اذا كانت ام عمودين وبيت شعر تبى 10000ريال الماطور اقل شى 3000ريالالرواق السور الخارجي يبيلك2000ريال اقل شى من قواعد والسلاك ورواق غير الكهرب والتسليك والمبات يبيلك 1500ريال مع شغل الكهربائى الخزانات حسب الحجم واذا كانت متوسطه الواحد 350 ريال غير شغل المغاسل ودورات المياه وتسليك المواسير والمويه يبيلك اقل شى 2000ريال مع حفر البياره وانتم كرامه وحط لك 2000 فرش واغراض مطبخ ومجالس ومعاميل وغيرها يعنى حط ميزنيتك اقل شى 25000الف اذا تبى مخيم كبير مثل ما قلت خمس خيام وغيره انا سويت مخيم عندنا باحايل كبيروكلف فوق 40000الف بس حطيته قسمين وحطيت السور الخارجى صريف نخل بس الصريف كلفن 9000ريال بس اشتغلته شغل وحطيت كل شى فيه والله ما ودك تطلع منه واذا سيرت على با حايل تره تحت امرك با اى وقت وشكر لك


ماشاء الله تبارك الله مخيمك ملكي ..

والله يجزاك خير يالغالي على سعة صدرك وتسلم على الدعوه ..
ولعه
20/12/2009, 12:50 PM
كل الي طلبته راح تحصله ان شاءالله بحراج بن قاسم فيه مكان بالخلف من الجهة الغربية بالقرب من ورشة مواطير الكهرباء
الاشياء الي راح تحصلها ان شاءلله
خيام جديدة او مستعملة واذا ما حصلة المقاس المطلوب الغرابي ممكن تحصل به بس كلها جديده والاسعار لا اذكر كم هذه السنه

مواطير كهرباء بعض من الانواع الجديدة وانواع من المستعملة بأحجام مختلفة حط بجيبك من 3000 ريال الى 6000 ريال وانصحك بالديزل علشان يشغل لك خمس خيام وبالكبوس ويطول في الوقت واقل سرفية

توانك الماء المستعملة فقط تجدها بالحراج اما الجديدة بتحصلها بالمصنع افظل اذا كنت تقصد الفيبر قلس واسعارهم رخيصة لكن لا اذكر بالظبط وطبعا هي افظل واطول عمر من الحديد

والرواقات الخضر بتحصل اشكال والغرابي عنده انواع مختلفة وفيه نوع شبه شفاف اخظر مثل الي يوضع على البساتين وبتحصله بالمتر بس في محلات الزراعة انا افظله علشان لما يكون فيه هواء قوي ما يشيله معه ويتقطع ويروح التعب مع الهواء :)

معليش على ضعف المعلومات التي سردتها لك فا الاشياء هذي شريتها من زمان يوم اسسة المخيم وكانت التكاليف بسيطة الا من مطور الكهرباء وغرف الخشب الجاهزة

وبالتوفيق ان شاءالله واي استفسار اخوك بالخدمة

الله يجزاك خير يالغالي على إفادك لكن كم توقع مقاس ماطور الكهرب اللي يكفي خمس خيام مع الكبوس يشتغل من بعد المغرب إلى الفجر ؟
الصقر المهاجر
20/12/2009, 12:59 PM
الاخ ولعة تقبل تحياتي :-
انا ودي افيدك وافيد الاخوان افادة طيبه يا عزيزي واختصر عليك اشياء كثيرة .... اذا انت بالرياض امسك طريق الجنادرية واذا وصلت حراج الابل بتشوف يمينك ويسارك اخشاب وشبوك وتوانك ماء هذي الاشياء يشرف عليها عماله سوريه ومن بنقلاديش وجنسيات اخرى تجيهم وتقول لهم ابي اسوي مخيم وتعطيهم جميع طلباتك من خيام وشبك وتوانك ماء واي اغراض اخرى وهم يسوون كل طلباتك ويطقون الخيام وكل شي مقابل مبلغ تتفق انت وياهم عليه وبكذا تكون وفرت على نفسك كثير من المشاوير والتعب ...
هذي نصيحة لك ومجربه وسلامتك وسلامة جميع اخواني رواد منتدانا العزيز مكشات .
Magellan
20/12/2009, 01:42 PM
يالحبيب القريب لاتكبّر المخيم ثم تبلش فيه ولاتحط وتلبط وتاكلها خساير
حدّد إحتياجاتك أول
هل أنت بالفعل تحتاج5 خيام
أنا عندي مخيم عزوبية ويوميا مايطفىء ،لأنه قريب من الرياض
بصراحة فكرنا السنة ذي نجيب خيمة وإكتشفنا إن الصندقة أصرف
على الأقل مع العج والهوى الشديد ماتطير قشانك
وفيها مشب وتلفزيون وزولية أرحم من الخيمة اللي تدخل الغبار عليك وكل يوم تشد لك طنب أو توخر لك طنب...
ابو عبدالله25
20/12/2009, 02:49 PM
عندي خيمة تصلحلك 14*8 تنزانية ثلاثة اعمدة سيمت مني 3500 ريال وقيمتها جديدة 15000 ريال اذا اردت المراسلة nnhq25@gmail.com (nnhq25@gmail.com)
ولعه
21/12/2009, 06:04 PM
الاخ ولعة تقبل تحياتي :-
انا ودي افيدك وافيد الاخوان افادة طيبه يا عزيزي واختصر عليك اشياء كثيرة .... اذا انت بالرياض امسك طريق الجنادرية واذا وصلت حراج الابل بتشوف يمينك ويسارك اخشاب وشبوك وتوانك ماء هذي الاشياء يشرف عليها عماله سوريه ومن بنقلاديش وجنسيات اخرى تجيهم وتقول لهم ابي اسوي مخيم وتعطيهم جميع طلباتك من خيام وشبك وتوانك ماء واي اغراض اخرى وهم يسوون كل طلباتك ويطقون الخيام وكل شي مقابل مبلغ تتفق انت وياهم عليه وبكذا تكون وفرت على نفسك كثير من المشاوير والتعب ...
هذي نصيحة لك ومجربه وسلامتك وسلامة جميع اخواني رواد منتدانا العزيز مكشات .


جزاك الله خير على الإفاده لكن هل هم غالين بالسعر؟؟
ولعه
21/12/2009, 06:06 PM
يالحبيب القريب لاتكبّر المخيم ثم تبلش فيه ولاتحط وتلبط وتاكلها خساير
حدّد إحتياجاتك أول
هل أنت بالفعل تحتاج5 خيام
أنا عندي مخيم عزوبية ويوميا مايطفىء ،لأنه قريب من الرياض
بصراحة فكرنا السنة ذي نجيب خيمة وإكتشفنا إن الصندقة أصرف
على الأقل مع العج والهوى الشديد ماتطير قشانك
وفيها مشب وتلفزيون وزولية أرحم من الخيمة اللي تدخل الغبار عليك وكل يوم تشد لك طنب أو توخر لك طنب...


صدقت الصدقه أحسن لكن الخيمه له طعم ثاني بالغالي والمخيم على أسمه مخيم والله يجزاك خير على الإفاده..
ولعه
21/12/2009, 06:08 PM
عندي خيمة تصلحلك 14*8 تنزانية ثلاثة اعمدة سيمت مني 3500 ريال وقيمتها جديدة 15000 ريال اذا اردت المراسلة nnhq25@gmail.com (nnhq25@gmail.com)

حياك الله أنارغبتي بــ4*6 وانت جاي لكني أبشوف ان كاني احتجت وحده كبيره فأبتواصل معك ..

تحياتي..
تربة الشمال
16/09/2013, 10:34 AM
افادوك الاخوان رح لحراج ابن قاسم الجهه الغربيه كل طلباتك متوفره
web
16/09/2013, 12:06 PM
افادوك الاخوان رح لحراج ابن قاسم الجهه الغربيه كل طلباتك متوفره



بالله افدوه !!! هههههههه

ياخوي نابشنلك موضوع منتهي تاريخ صلاحيته يوم ان الكي بورد حصى

ههههه ترا نمزح معك ووسع صدرك وانتبه لتواريخ
---ابو يوسف-
16/09/2013, 06:59 PM
انا اشتغل بالخيام ونصيحه من أخ تبي خيام رح للغرابي وخذ جديد وأبي ماطور رح لم شارع ألريل بجنب الغرابي
حب لاينتهي
17/09/2013, 10:20 PM
ماتوقعت انه يكلف كل هذي التكاليف