ماطور هوندا كاتم صوت

[ابو مطير]

السلام عليكم ورحمة الله وبركاته 0
اخواني بالمنتدى اود ان اخذ رايكم بماطور كهرباء هوندا كاتم صوت مواصفاته 220 فولت 2000 وات وشكله مغلف بلاستيك اخضر وزنه خفيف ومع ذلك عند تشغليه لاتسمع له صوت السؤال هل هو عملي اشتريه او لا وسلامتكم0
عدنان

[اخو نورة]

والله انا مجرب الاحمر وكاتم الصوت اشتر وانت مغمض

[شايب الصمان]

الهوندا أشتر وأنت مغمض الهوندا ممتاز ومجرب والصيانه انسى يعني مايحتاج صيانه أو نادر مايحتاج لها.

[يزيد2002]

كم سعره
يااخوان

[ابو مطير]

اولا كل الشكر لكم اخواني اللي رديتو على الموضوع وخلاص انا بشتريه باذن الله ونسيت اقول لكم شي ترى سعره ب 2150 ريال والمشكله انه بدون ضمان وفيه محلات ثانيه حصلته عندهم ب 2500 ريال تخبرون المحلات ماهي واحد وعلى المعموم شاكر لكم اخاوني 0

[اخو نورة]

اشتره من الوكيل في اخر شارع الريل بعد الفانوس ويعطيك عليه ضمان وتبي الصراحه ان كان استعماللك له حشمه يعني نقله معك ومعاير الزيت في اوقات مبرمجه قلهم ضمانكم خله لكم الله يغنينا عنهم

[ابو درع]

اي شي هوندا عملي(ما يبيد)

توكل علي الله وشره ..

[راعــي النــفــود]

السلام عليكم ورحمة الله وبركاته

ماطور الهوندا فيه منه ثلاث احجام طبعاً الكبير يعطي اكثر ....اللي لونه احمر

لكن السؤال هل يضعف مع الوقت او اذا شبكت عليه طاقه قريبه من طاقنه الإنتاجيه مثلاً هو ينتج 2000 شمعه على ماأظن اذاصار عندك 1800شمعه هل يتحملها بالراحه
انا احتمال اشري واحد لكن متردد بين الحجم الكبير العادي الغير معزول او المعزول
اما بالنسبة للصوت هل هو مثل صوت المكيف العادي او اخف صوت

اتمنى من كل اللي جربوه اعطاء معلومات اكثر عنه.... والله يعطيكم العافيه


والسلام عليكم ورحمة الله وبركاته

[ابو مطير]

السلام عليكم0
بالنسبة للماطور فأنا اشتريته ياخوان هوندا مغلف بلاستيك اخضر كاتم صوت واشتريته 2150 ريال المشكله بدون ضمان بس صراحه ممتاز جداً ماتسمع له صوت الا شي خفيف مره وصوته اقرب شي له هو الصفير الخفيف وعدد الشمعات مكتوب عليه 2000 شمعه بس لما رحت يمواحد مختص بالكهرباء وفحص عليه قال يعطيك 1900 شمعه صافي وسألته عن التحمل قال اذا كنت تبغاه استعمال حشمه وتبغاه يكد معك لاتضغط عليه اكثر من 1200 شمعه عشان يكون مرتاح اما اذا كان اكثر فيكون ذلك ضغط عليه 00 وسلامتكم