المساعد الشخصي الرقمي

مشاهدة النسخة كاملة : أستفسار ومساعده من أهل الرياض


راشد بن حمد
22/12/2009, 09:33 AM
السلام عليكم ورحمة الله وبركاته

الله يصبحكم بالخير جميع

يا أخوان أنا إن شاء الله ناوي أجي الرياض هالأسبوع آخذ لي كم غرض

ومحتاج مساعدتكم :


1 - أبغي آخذ عزبه من السنيدي فبغيت نصايحكم وملاحظاتكم وهل يوجد أفضل من عزبة السنيدي ؟
وممكن حد يقولي أنواع العزب وأحجامها مع الأسعار التقريبيه .



2 - أبغي خلق سدو ( خام ) بالمتر عندي جلسة مطارح ومساند وودي ألبسها سدو
بالأضافه الى الخلق الخفيف زي اللي يجي داخل الخيام .. وين أحصلها ؟



3 - أفضل أماكن الرحلات مثل السنيدي ومكانها مع الأحداثيات ؟



4- أقرب وأفضل فندق أو شقق حق ليله ( عزاب ) من أماكن الرحلات زي السنيدي
وغيره ؟




وإذا فيه إضافات ونصايح الله يجزاكم خير أنا ودي أجي ليله آخذ أغراضي وأعود


وسامحونا على الكلافه الله يجزاكم خير ويرحم والديكم
ابوشعيل97
22/12/2009, 09:59 AM
ياهلا وسهلا فيك
مكان السنيدي على طريق الدايري الشرقي بين مخرج 12/13
وعندك برق الحياة بعد زين وموقعه في مخرج 15 وانت جاي من الشمال لف يسار بيجيك على اليسار
وعندك البطحاء فيه حقين السدو
وبالنسبه للشقق على نفس الدايري الشرقي مليان شقق
بس تعال وشوله شقه حياك الله عندي اليله ونتعشاء انا وياك ومن وين بتجي انت
فصاص
22/12/2009, 10:18 AM
السلام عليكم

اخوي حمد حياك الله في الرياض مقدما

بالنسبه لاسعار شناط العزب طبعا من غير الاغراض الي فيها فهي من 70 وطالع (حسب الحجم والخامه)

انت بس تعال للرياض وان حبيت تنزل عندي حياك الله عين فراش وعين غطا وان ماحبيت اسكن في المكان الي انت تبي وانا امرك ونروح سوا للسنيدي والي انت تبي وان شاء الله اننا مانقصر
البدراني11
22/12/2009, 10:27 AM
تبي رايي دامك جاي من برا وشغلك كله شرع وسدو ....

رح للبطحاء واسكن فيها فيها شقق عزاب واجد ورخيصة ، وعلى رجليك رح لسوق الشرع وعسكر فيه ارخص من حقين الرحلات فيه السدو العزب والشرع وكلش وان بغيت تفصل على هواك فهو موجود واباسرع وقت
بعدين اكيد انك راعي بر وعندك موتر يحتاج تجهيز ....الغرابي قريب برجلك تاصله وخذ اللي تبي واترك اللي ما تبي (كفرات - مسجلات - جنوط - وونوش سحب حبال - هوك -....الخ

لا وازيدك من الشعر بيت ....عندك حقين الفرش والبطانيات قريبين دور اللي تبي وانطله على حقين الشرع يفصلونه زي ما تبي والحجم اللي تبي

بس اهم شي قبل كل هذا
خلك مروق وادع لي
سعد إبن أبيه
22/12/2009, 10:45 AM
السلام عليكم ورحمة الله وبركاته
و عليكم السلام و رحمة الله و بركاته


الله يصبحكم بالخير جميع
صبحك الله بالنور و السرور


يا أخوان أنا إن شاء الله ناوي أجي الرياض هالأسبوع آخذ لي كم غرض ومحتاج مساعدتكم :



1 - أبغي آخذ عزبه من السنيدي فبغيت نصايحكم وملاحظاتكم وهل يوجد أفضل من عزبة السنيدي ؟
على ما اظن و الله اعلم ان عزب السنيدي افضل الموجود النوع التنزاني


وممكن حد يقولي أنواع العزب وأحجامها مع الأسعار التقريبيه .


الموجود نوعين : صيني - تنزاني و الأسعار تبدا من الـ 50 و فوق , طبعا هناك عزب للقهوة و الشاهي و هناك عزب للطبخ


2 - أبغي خلق سدو ( خام ) بالمتر عندي جلسة مطارح ومساند وودي ألبسها سدو
هذه الله يسلمك تحصلها في سوق الخيام في الغرابي و الله اعلم


بالأضافه الى الخلق الخفيف زي اللي يجي داخل الخيام .. وين أحصلها ؟
نفس المكان اللي ذكرته سابقا




3 - أفضل أماكن الرحلات مثل السنيدي ومكانها مع الأحداثيات ؟
فيه برق الحيا على مخرج 15 و الاحداثيات ما يقصرون الاخوان لاني ما عندي قارمن و توجد محلات اخرى شمال و جنوب الرياض لكن برق الحيا اقربهم للسنيدي




4- أقرب وأفضل فندق أو شقق حق ليله ( عزاب ) من أماكن الرحلات زي السنيدي
وغيره ؟
اتوقع انه موجود و قريب من السنيدي و الا حياك الله عندي





وإذا فيه إضافات ونصايح الله يجزاكم خير أنا ودي أجي ليله آخذ أغراضي وأعود
خل الكاش متوفر في مخباتك لأن السنيدي ما تطلع منه الا و انت معبي السله :D و ثانيا لانهم ما عندهم شبكه صراف آلي



وسامحونا على الكلافه الله يجزاكم خير ويرحم والديكم
ابد لا كلافه و لاشيء انت تامر امر و اذا كنت تبي شيء اطلب رقم جوالي و ابشر بعزك
راشد بن حمد
22/12/2009, 10:51 AM
السلام عليكم ورحمة الله وبركاته

أخوي ابوشعيل 97
اخوي فصاص

الله يحييكم ويبقيكم وتسلمون والله ما قصرتوا .. من طيبكم وطيب أصلكم


أخوي البدراني 11

تسلم يالذيب على مداخلتك الله لا يهينك

وودي أعرف البطحاء كم تبعد عن الدائري الشرقي ؟؟

والأحداثيات الله لا يهينكم ..


وما زلت بأنتظار المزيد من مداخلات الأخوان وملاحظاتهم ..

عشمنا فيكم كبير يا أهل الرياض وأنتوا ما تقصرون جزاكم الله خير ..
راعي الجروة
22/12/2009, 10:53 AM
زي ما تفضل أخونا( البدراني 11 ) الغرابي فيه الخيام والمعاميل والفرش والسدو وكل ما يطري على بالك وتبي تلقا السكن في فنادق حولهم متواضعة وسعرها لا باس وتبي تلقا لزومك - إن شاء الله - في هذا الموقع
salateno
22/12/2009, 11:21 AM
نعم انا انصحك بالغرابي لاتتعداه ابد مثل ماقالوا ألاخوان
راشد بن حمد
22/12/2009, 01:31 PM
أخوي سعد بن أبيه

الله يبيض وجهك وجزاك الله خير على الرد المميز

والله يكثر من أمثالك ما قصرت والله ..


وما زلت بأنتظار المزيد من مداخلات الأخوان وملاحظاتهم ..

عشمنا فيكم كبير يا أهل الرياض وأنتوا ما تقصرون جزاكم الله خير ..
راشد بن حمد
22/12/2009, 01:33 PM
راعي الجروه +salateno

تسلمون والله ما قصرتوا

بس ودي في التفاصيل أكثر وإذا ممكن الأحداثيات

وجزاكم الله خير
راشد بن حمد
22/12/2009, 07:29 PM
وينكم يا أهل الرياض ؟؟

وين الخبراء ؟؟

والله محتاج مساعدتكم ضروري

ولوا مو الحاجه ما لحيت عليكم

وسامحوني على الأزعاج والكلافه
escape_man
22/12/2009, 08:04 PM
تفضل طال عمرك

احداثيات السنيدي بالرياض

http://www.mekshat.com/vb/showthread.php?p=3581527

اشهر محلات الرحلات

http://www.mekshat.com/vb/showthread.php?t=177923

وعلى فكرة .. الغرابي والبطحاء منطقة تقيربا واحدة ومايفصل بيها الا شارع 8 م
راشد بن حمد
22/12/2009, 10:46 PM
الأخ العزيز بن غييثات

بيض الله وجهك ما قصرت يالذيب

اللي فهمته من كلامكم أن البطحاء والغرابي قريبين من بعض ؟؟ عدل ؟؟

ويا الربع ودي أعرف المسافه من الدايري الشرقي والغرابي أو البطحاء ؟؟

وتسلمون يا الغاليين
ابو فهد 911
22/12/2009, 10:54 PM
نصيحه ادخل على قوقل ايرث واكتب البطحاء او الغرابي ومخرج 15 وتلقا كل شي
escape_man
22/12/2009, 11:02 PM
ووجهك ابيض .. المشكلة اني ماشي لهونق كونق هالويكند ولا كان ماعندي مشكلة استقبلك واخاويك للي تبي .. هم انا محتاج لزيارة هالاماكن ..

أحداثيات سوق الغرابي :

24.38.662 N
046.43.195 E

ومداخله على الدايري الشرقي مع مخرج 17

سيده تقريبا 10 كيلو راح تطوف فيها 4 اشارات

الاشارة الخامسة راح يكون عندك طريقين للامام مثل لسان الافعى وطريق يسار

خلك بايمن طريق يوديك سيده من تحت الكوبري ..

اشارتين اطلع بعدها يمين

مع اول اشارة اطلع يسار وسيده حتى ينعطف بك الشارع من عند اهل الكفرات يمين

تشوف السوق قدامك حق الاشرعة والخيام وبعض محلات الخاصة بادوات الرحلات

والمنطقة هناك ملغمة بالفنادق وايضاً بمحلات بيع المواعين والصحون والاباريق

ادع لنا بالرجوع سالمين معافين
ابو فهد 911
22/12/2009, 11:14 PM
نصيحه ادخل على قوقل ايرث واكتب البطحاء او الغرابي ومخرج 15 وتلقا كل شي
ضحية بيشة
22/12/2009, 11:17 PM
ماقصرو الاخوان ومثل ماقالو الاخوان الغرابي افضل مكان لانه فيه الجمله ومفرق بنفس

الوقت واذا حبيت ارسل لي رقمك وماراح نقصر باللي نقدر عليه ...ويشرفنا والله خدمتك
راشد بن حمد
22/12/2009, 11:27 PM
نصيحه ادخل على قوقل ايرث واكتب البطحاء او الغرابي ومخرج 15 وتلقا كل شي


أخوي ابوفهد تسلم على المرور والتعليق

ونصيحتك على عيني وراسي

ومرحبا بك
راشد بن حمد
23/12/2009, 12:11 AM
ووجهك ابيض .. المشكلة اني ماشي لهونق كونق هالويكند ولا كان ماعندي مشكلة استقبلك واخاويك للي تبي .. هم انا محتاج لزيارة هالاماكن ..

أحداثيات سوق الغرابي :

24.38.662 N
046.43.195 E

ومداخله على الدايري الشرقي مع مخرج 17

سيده تقريبا 10 كيلو راح تطوف فيها 4 اشارات

الاشارة الخامسة راح يكون عندك طريقين للامام مثل لسان الافعى وطريق يسار

خلك بايمن طريق يوديك سيده من تحت الكوبري ..

اشارتين اطلع بعدها يمين

مع اول اشارة اطلع يسار وسيده حتى ينعطف بك الشارع من عند اهل الكفرات يمين

تشوف السوق قدامك حق الاشرعة والخيام وبعض محلات الخاصة بادوات الرحلات

والمنطقة هناك ملغمة بالفنادق وايضاً بمحلات بيع المواعين والصحون والاباريق

ادع لنا بالرجوع سالمين معافين


الله يسمح دروبك

وإن شاء الله تروح وترجع بالسلامه

شاكر لك على ردك وتفاعلك معي وما قصرت يالغالي الله يرحم والديك

وترجع بالسلامه يا رب
راشد بن حمد
23/12/2009, 12:18 AM
ماقصرو الاخوان ومثل ماقالو الاخوان الغرابي افضل مكان لانه فيه الجمله ومفرق بنفس

الوقت واذا حبيت ارسل لي رقمك وماراح نقصر باللي نقدر عليه ...ويشرفنا والله خدمتك



تسلم يالغالي على الرد

وما قصرت جعل يقصر عنك الشر

وانا اللي أتشرف بك ولا يهونون الربع

الله يعطيك العافيه