ماهو الحل ؟؟ الطير يقطع السبوق

[الجناح الأشقر]

السلام عليكم ورحمة الله وبركاته
إخواني في الله ابغا منكم الحل طفشني الطير كل ماغيرت اسبوق وهو يقطع السبوق
علمآ ان السبوق غير ضيق والطير حر ويش الدبره
الله يوفقكم

[ولد مساكن]

السلام عليكم و رحمة الله تعالى و بركاته
أطلب يا الغالي
الحل بسيييييييييييييييط
خذ مرارة خروف و أفرغ وحتواها في كأس و أنقع فيه السبوق و حاول تقربه لبوز الطار بحيث يرغب في عضه , كرّرها عدّة مرّات لعدّة أيّام و إن شاء الله يفكر ألف مره لو يعيدها و يمكنك إستعمال الفلفل الحاااااااااااااااااااااااار أيضا كما أنها نافعه في حالة أن الطير يعضّ إصبعك
تحيّاتي أخي و السلام عليكم و رحمة الله تعالى و بركاته

[@قرناص@]

وعليكم السلام ورحمة الله وبركاته ,,

حيآك الله يآلطيب ,,

السبوق اما تغيرها وتحطله سبوق جبره ومتينه لطير وتدهنها بثوم ولاتكثر وان شاء الله الطير يتعدل ,,

[نهاش502]

وعليكم السلام ورحمه الله وبركاته
والله يالغالي سمعت ان يحطون علي السبوق فكس الان الطير مايحب ريحته كل مايبجي يعضه بيحصل الفكس وان شاء الله مايقطعه

[عاشق الوكري]

ابرد شناذره على السبق وان شاءالله انه ماعاد يفكر بالاصبوق

[ذراع الذيب]

السلام عليكم ورحمة الله وبركاته,,
مسيت بالخير يالخوي,,
عليك بالموميان ينباع عند العطاار وراح تشوف الطير بعدها ماعاد يحط بوزه ,,
على السبوق تحياتي لك,,

[صاحب نوماس]

اخوي عليك بالمرة تلقاها عند العطار نقعها في موية ثم ادهن السبوق ابها ثم تشوف ياكلها وإلا لا

[أبو خاااالد]

افاادوووك الاخوااان

[راعي البرقه]

مشاءالله عليكم

الكل وده يخدوم الله لايغير عليكم

[الجناح الأشقر]

يامرحبا فيكم
عزالله انكم ماقصرتوا ونعم المعرفه فيكم
مشكورين والله لايحرمنا منكم
الله يوفقكم

[مالك المصرى]

عليك بالصبر موجود عند العطار
وانقعه فى مياه وضع فيها السبوق

[راعي الخريب]

ابرد شناذره على السبق وان شاءالله انه ماعاد يفكر بالاصبوق
اوافقك اخوي عاشق الوكري وهي الحل

[أبو فيصل]

الظاهر طيرك فسقان و زايده عدته

تأكد من وزن الهدد المناسب لا هو ضعيف ولا بفسقان

[القرناس المهاجر]

قبل كل ما ذكره الإخوة الأفاضل عليك أن تهتم أولاً بعلف الطير
وأن تكرمه لأن اغلب الطيور وخصوصاً الشياهين
تقطع السبوق إذا جاعت
كما أن هناك براقع تحصلها في المحلات الكبيره خاصه لهذه المشكله :good2:
وتحتوي على غطاء من اسفل البوز تمنع الطير من العلف نهائياً

وحقيقه انصحك به لانه الأفضل

تمنياتي لك بالتوفيق :good: