من يبادلني وزوده

[خشم الحصان]

الاخوه الغالين
السلام عليكم
اخواني في الله انا الله يغفر لنا ولكمقد رد علي الاخ الغالي حفرلوجيا قال مره ان اصابعي مربعه ولم افهم مقصده وذلك لصغر سني ذلك الحين ولكن اخذني الشك والوسواس منذ ذلك الوقت حتي الان وبعد الفحص والتاكد وجد انها منحرفه في الكتابه يعني دايم يطلع حرف من ضمن الكلمه ماله داعي والسبه هالاصابع لي سن منصك عليها صاير باب وابي منكم الحل
ادري ان بعضكم بيقول اركد اذا جيت بتكتب وانا اجوب عليه اني اخاف ان يطير الرد او الموضوع من دميغي
الثاني بيقول راجع المقال قبل ماترسله وهم اقوله اني ارجع بس مدري وشلون يطلع هالحرف الزايد في الكلمه
والدليل مقال اخوي الغالي سمير 800 عن الجوال اذا جيت تعبي بنزين ومخاطره وهو مثبت في خيمة السيارات
اخوكم
خشم الحصان
كله منك يا حفرلوجيا شككتني في اصابعي يومك تقول ابو اصابع مربعه وفي الاخير :no2:

[المربد]

اما عاد ازوده ، وش تزوده يا بو يراح الله يبارك فيك عندي لك نصيحة استعمل عوادي حق الكوريـيـن اللي ياكلون فيها "اندومي" علشان تـنـغـز بها حروف الكي بورد، او عندي لك راي ثاني تروح للصناعية وتفصل لك كي بورد على مقاس اصابعك، وهذي مشكلة ثانية لأنك ما راح تحصل طاولة تستحمله لأن الكيبورد حقك بـيـصـيـر مقاسه حوالي مثل طاولة الـتنس او البلياردو.












محبوب انت وكتاباتك يا بو يراح والله لو تخربش خرابيش اقراها ما دام انها منك

[حد السيف]

الغالي خشم الحصان
مساك الله بالخير
اصابعك هي لك واذا تبي زود عليهن اعطيناك
بس كم تدفع واخليها تركد حروفك ماتنقص ولا تزيد..... تبي تعرف
انزل شوي
















انزل بعد





خلاص وصلت
ها الفرحان على طول
:bounce:
اذا تعرف تركدة ابشر بسعدك بتزبط كتابتكم
ولابة حرف زايد او ناقص
الوصفة السحرية توصلك على الخاص

محبك اخوك حد السيف

[أبو فالح]

السلام عليكم ورحمة الله وبركاته

:heart: خشم الحصان :heart:


أنت وش بلاك تعاف الزود ، هذا يا بعدهم أسمه ( ثراء لغوي ) ماهو عيب أو شق جيب .. يعني لا توسوس أبد .. أنت أحسن أحد . ودعي ربي إن ها النابط ما يركد أبد .

وسالفة ( أصابع مربعة ) .. هذي مقصودة من حفرلوجيا ، لأنه خايف اتنافسه في التأليف .

خشم الحصان :mad:

أقول لا يهمك أحد ..

[حد السيف]

الغالي ابو فالح
الا زود حروف تنطل بس وين اللي يقدر
وعلى فكرة البلا ماهو بالزود البلا بالنقص
وعلى فكرة ترى زيادة الحروف في كتابات حبيبنا خشم الحصان تراها تشرية للموضوع
ابو فالح
غالينا مابة جديد على وزنية لاتحقرنا الحلبي
مشتاقين على قبالة البرد والطلعات
ولهانين بالحيل لا تبطي علينا

محبكم ( :heart: :heart: :heart: كلكم )اخيكم حد السيف

[المترو]

السلام عليكم ورحمة الله
الله يحفظك ويسلمك ( يا خشم الحصان ) يا ابو جراح تسلم اصيبعاتك والله يحرمها على النار ومن جابها كلها بركه اللي تترجم ما يدور بمخيخك وترسله لنا عبر الاسلاك
احتفظ بأصابعك لا يجيك اصابع اعوج من اللي عندك كم واحد عنده اصابع ولا هو مستفيد منها ؟؟؟؟
الرحال2003

والسلام عليكم

نداى بالبر على الجهاز الرحال بدون 2003

[عروان]

يا بوجراح الله يعينك

مالك ألا المخرطة :D تبرم لك وصيبيعاتك و تغدي روسهن تسنها حبات عنب عنب المدينة المنورة الله يشرفها :good2: .


بس المشكلة اللي بتحصل لك عقب, هي أن ضرب الخمس يبا يضعف عندك. و السبب أن وصيبعاتك صغرن و ما عاد يجمعن اللقمة بالحجم اللي خبرك الحين و هالشي يبا يسبب لك حاله مثل هذي http://www.click-smilies.de/sammlung0304/mittelgrosse/medium-smiley-055.gif


:D

الله يحفظك

[عبد الله الفايز]

يازين كتبك يابو جراح وازين مابه الزود

ماعليك منهم لاتروح للمخرطة ولا شي اكتب وحنا نستانس لاشفنا كتبتك واللي مايجوزله يرحل ( المستاذي يرحل )

هذولا هالشباب التالين مايعجبهم شي اللهم ياكافي الشر

اكتب ونحن من ورائك ..<====== تراه إلا تحمس مايدري وش يقول

[خشم الحصان]

الاخوه الحبايب والغالين
السلام عليكم
حياكم الله كلن بسمه الله يجعل والديكم والدينا في جناته امين يالربع انا اخاف ان الموضوع يستفحل ثم ياصل الي الوسواس القهري ثم اقول اه اه ياضهري معاد ينفع لصقت ابو اسد او رقعة سلسيون*
...................
الاخ الغالي
الملبد(المربد)
الله يغفر لنا ولك عيدان كوريين احسن بعد قل مس عيونك وخلهن مثل عيونهم لي سنها خفوس فروه الحين اقول اصابعي تحذف وهي قريبه للكي بورد وانت تقول استعمل عودان بدال ماضغط حرف(ش) اضغط حرف(د)
يعني باسر بتغدي يدياتي سنها بلوف مكينه من شافها من بعيد.
المشكله مهيب في كبر الكي بورد المشكله لي مني قمت ثم عثرت في سلكها ثم دبجة علي الرجل هالي سنها طاوله ثم خذ طول الليل ونونه ومرخ فقس وابو فاس ولا الرجل منتفخه سنها استك منبعج
اقول يحبك عاد للشماته وارجل منتفخه
اخوك
خشم الحصان
مفردات
سلسيون هي منول رقعه يرقعون بها استك السيكل
.........................
الاخ الغالي
والمتميز
حد السيف
اخيي الله يرفع قدرك في الدنيا والاخره الحين ياخلفهم ماركت انا واصابعي تبيني اركد هالي يطامر سنه بزر يطامر علي دوشق امه في غرفتها
ترنا نحتري الوصفه الله يغفر لنا ولك
اخوك
خشم الحصان
.................
الاخ العزيز
ابو قالح
شف الله يثيبك ويخليك لعين ترجيك المثل يقول (الزود مثل النقص) اما ثراء لغوي علي قولتك فهذي فيها ونه سنها ونة بنيون الدفرنس يعني فيها قولان
لو ان الاصابع بتركد اذا هجد لي ينابط علي الدوشق مهيب مشكله صكينه بزبيريه الله يكرمكم بس اخاف عقب الصكه يزود ثم خذ صياح يعني علي قول راعي المثل(جا بيكحلها وفضخ عينها اي اعماها) اجل اخيي نصبر عليهن الله يغفر لنا ولك وهذا المقسوم زين مهيب مشكله هم نصبر
بدينا نلعب علي الاجنحه وسالفة ( أصابع مربعة ) .. هذي مقصودة من حفرلوجيا ، لأنه خايف اتنافسه في التأليف
اقول ابو فالح سنك بتعقد الشوش اقول لا تثير الرجال الحين صكنا (بصابع مربعه) وهو يتبسم اجل اذا حنز علينا وش بيدبجنا به اقول اتركنا من هالحسي المصفصف والمثل يقول (سعيد اخو مبارك)
مشكور يابو فالح ياجعلك تسلم
اخوك
خشم الحصان
........................
الاخ الحبيب
رحال 2003
هلا بك كل الهلا يابعدهم وان الله لايحرمك الاجر والمثوبه علي الدعاء وانت مثل والدينا والديك امين
بعد يجينا اخس منها لا نصبر علي قريدنا لا يجي اقرد منه وعلي قول راعي المثل لا تحرك تبلش
ولي عنده اصابع ولا يستفيد منها نقول عسي الله يشفيه ويعافيه امين يارب العرش العظيم
الا مير تعال يومك تقول ان سيارتي تثاغي اذا كلت (جحه) اشوا انك ماقلت تجتر بعد ولا ترها تشتغل من روحها
اذا شافت شي يتلامع اقول يصير خير يجيبك الوقت ثم اوريك.......... اجل تثاغي ..........بااااااااا بااااا :no:
الله يغفر لنا و لك يالحبيب
علي علي فكره وشلون الوالد عساه طيب ان شاء الله
اخوك
خشم الحصان
.............................
الاخ العزيز
عروان
الله مير يحيك ياخلافهم ويثيبك مخرطه الله يكافينا الشر والله لونها صبابات زيت المكينه وكاسبه حراره ويبي من يعدلها
طيب وش معنا عنب المدينه الله يشرفها يعني دقيقات ودك تزرطها تزريط اجل بنصير مثل راعي الشعرلي يقول
عراقية الطراف.........مكيت الحشاء
اقول خلنا بصابعنا ومشقها وشطوبها وتركنا من العنب
اجل مشاء الله عليك الله لايضرك القمه عندك راهيه انا وين ياخلاف سني عصيفير ياكود القس فمي اصغير اكتير
مثلك خابر الجدان لبنانين يعني مهوب مثل باب بنده اذا اقبلت عليه انهج :D
اقول الله يغفرلنا ولك ويرفع قدرك ويثيبك يابعدهم
اخوك خشم الحصان
....................
الاخ الحبيب
عبد الله الفايز
هلا كل الهلا بك يابعدهم وخلفهم الله مير يرفع قدرك علي هالتشجيع الا مير فيه احد مستاذي افا يالله الخيره لي مستاذي يعلمنا و حنا نطيب خاطره الله يعفو عنا وعنه
اقول لاياك توهقنا ثم ننشب ثم تروح ثم عاد دور عبد الله قال اكتب ونحن من ورائك يعني تبيني اذا دبجت تلف يمين
عموم الله يجزاك عنا كل خير يابعدهم
اخوك
خشم الحصان

[ريف النشاما]

اما عاد ازوده ، وش تزوده يا بو يراح الله يبارك فيك عندي لك نصيحة استعمل عوادي حق الكوريـيـن اللي ياكلون فيها "اندومي" علشان تـنـغـز بها حروف الكي بورد، او عندي لك راي ثاني تروح للصناعية وتفصل لك كي بورد على مقاس اصابعك، وهذي مشكلة ثانية لأنك ما راح تحصل طاولة تستحمله لأن الكيبورد حقك بـيـصـيـر مقاسه حوالي مثل طاولة الـتنس او البلياردو.











محبوب انت وكتاباتك يا بو يراح والله لو تخربش خرابيش اقراها ما دام انها منك


الله يغفر لك يابو جراح ... ووالديك