الباترول طلع في راسي نخلة [الأرشيف]

عبدالعزيزف

25/12/2009, 01:44 AM

السلام عليكم

معي باترول95 غيرت بواجيه
ثاني يوم الصباح ماشتغل وانا احاول اشغل
طلع صوت رميه وخليته نص ساعه واشتغل على طول
وبعد يوم طفاء علي وانا امشي شيكت عليه
لقيت احد اسلاك البواجي مقطوع غيرته واشتغل مشيت 5كيلو طفاء اخليه شوي يشتغل وياخذ ربع ساعه ويطفي
حتى لو ادعس على البانزين غيرة الطرمبة والصفايه والبليتين
والمشكلة الى الان تكفون شوركم

سوبر VTC

25/12/2009, 02:32 AM

عندك ورشة ابو صالح التركي بالصناعيه القديمه
تخصص باترول
بجنب مركز ترايستار
رقمه تحصله على الخاص

رد لاحد الاعضاء

السلام عليكم ورحمة الله وبركاته وبعد
يا اخواني واحبائي في هذا المنتدى
تجربه مريت بها عندي باترول سوبر سفاري وفيه تف تفه صلحت كل شي ولا تحسن خسرت خساير مايعلمها الا الله ولا صلح شي والموتر هو هو حتى اذا دخلت به الطعوس خطر يطفى صاير كنه اربعه سلندر
المهم من كثر مادرت على الورش طحت لي في ورشه صراحتا في البداية مستحقرها المهم دخلت عليهم وقابلني فلبيني كهربائي واقولها السالفه قالي مافيه مشكله المهم ركب معي وشبك معه جهاز عرضه شبرين تقريبا في الولاعه والسلك الثاني في الفيش اللي فوق دعسة الكلش وقالي امش وناخذلنا فرة لمدة ربع ساعه ورجعنا قالي موترك يبيلنا نشيك لك على الحساسات ونسويله برمجه بس اهم شي جبه لنا في الصباح عشان يكون معنا وقت وبالفعل جبته لهم في الصباح وخليته ورجعت لهم العشاء طبعا بعد ما اتصلت عليه وقالي خلص المهم ركبت السيارة و اسوقها والا الموتر مهوب موتري رجع زي الوكاله واقوله وش سويت قالي نظفنا الحساسات وبرمجناه من جديد (طبعا الحساسات سبق ونظفتها ولا نفع) ولله الحمد الموتر طلع نشيط وخر عنه انقلبت مراهق من الفرحه تعب اربعة شهور واخيرا عرفنا الحل
على العموم الورشه اللي صلحت بها الموتر بذكر اسمها وموقعها للفائدة لاخوانا الكشاته
ورشة سواعد الاتقان كهربائي فلبيني موقعها الرياض الدائري الغربي صناعية العاصمه بجانب طريق المدينه من الغرب بعد ما تتعدى اشارة طريق المدينه وانت وجهك غرب ثالث شارع يجيك على يسارك بجانبه بنشر ادخل معه وهي رابع ورشة او خامس ورشه على يمينك
ج/**********
مااريد منكم الا الدعاء لي ولي والدي والله يحفظكم من كل سوء

احتمال موترك
وزن ديلكو او البليتين قافل لازم يفتح عليه
وزن بلوف او اصلاح كبليتر او سدد بابر الكبليتر
........الخ

موفق