المساعد الشخصي الرقمي

مشاهدة النسخة كاملة : دبل اليوكن 2006


ابوغلا2004
26/12/2009, 04:43 PM
اخواني اهل الخبره السلام عليكم حبيت اسأل عن بعض الأشياء في دبل اليوكن 2006:
1- دائما يكتب لي يجب تصليح جهاز الثبات.
2-كذلك يقول يجب اصلاح دفع 4عجلات مع العلم انه يعشق الدبل.
3-بعض المرات اشغل الموتر الدبل مايشتغل لاهو ولا لمباته واحيانا يقول جهاز الثبات مغلق.
4- كذلك بعض المرات اشغل الموتر يكون معشق الثقيل ولا يفك الا بجهاد انا وياه.
ماادري هل الدبل عطلان والا الحساس تكفون وش رايكم.
واذا يحتاج ورشه وش الورشه الطيبه انا بالقصيم
.
.
.
.
ابوعقل
26/12/2009, 05:50 PM
وعليكم السلام

فيه حل سريع وان شاء الله انه يظبط معك

وما تحتاج لا ورشه ولا غيره

افصل أصابع البطاريه نص ساعه وبعدين اشبكه

الكمبيوتر حق السياره بيسوي فورمات

وان شاء الله انها تنحل المشكله

واذا ماتغير شي وده لواحد يفحص كمبيوتر

يعطيك المشكله بالظبط

واخونا سوبر فتك مهو مقصر معك هو يعرف الورش بالقصيم
عاشق القهوة
26/12/2009, 07:24 PM
بسم الله
السلام عليكم
عندي نفس المشكلة وقلت مالنا ألى ورشة القافلة بصناعية السليم
والفرق بيني وبينك هو الدبل ما يشتغل خير شر
ورحت وقالو خرااااااااابيط واجد وغيرت الحساس حق الدبل لأني احتاج الدبل بس
جهاز الثبات مغلق+يجب اصلاح دفع 4عجلات ما صلحتها
ومستعد اعلمك اسعارهم
س؟؟:f
مثبت السرعة يشتغل عندك
:f :f :f :f :f :f :f :f :f :f :f :f :f :f
عاشق القهوة
26/12/2009, 07:26 PM
وللمعلوميه انا من اهل القصيم اي شي انا حاضر...
سوبر VTC
26/12/2009, 09:15 PM
و عليكم السلام و رحمة الله

حياك اخوي ابو غلا

سبق انك وضعت موضوع قديم :)
عن لمبة المكينه على هالرابط


اخوي سوبر فتك (http://www.mekshat.com/vb/showthread.php?t=153159)


العذر لاني كنت غير متواجد بالنت
وش صار على اللمبة ؟ :)


بالنسبة
مشكلة الدبل موجودة حتى بالجمس او اليوكن م2008
و هو خراب حساس الدبل (قارئ معلومات)
مثل الكمبيوتر
يعطي معلومه للكمبيوتر و ازرار الدبل ان الدبل في وضع
الخفيف او الثقيل او الاتو
طبعا عيب مصنعي و قيمته تقريبا 300ريال و طالع

ادخل هالرابط بالصور

عاجل عندي دبل التاهو خربان فزعتكم (http://www.mekshat.com/vb/showthread.php?t=240442)

الورشة عندك ورشة العثمان بتشاليح بريدة
ان بغيت الوصف او الرقم علمن

موفق
ابوغلا2004
27/12/2009, 12:04 AM
اشكر الجميع على مرورهم وتفاعلهم


بالنسبه لسؤال اخوي عاشق القهوه نعم المثبت شغال المشكله في الدبل فقط.


اما بالنسبه لخوي سوبر فتك لازالت اللمبه مولعه
وهناك سؤال اخر وهو اذا ولعت النور الصغير المبات الداخليه للطبلون حقات المساحات
الي بالخلف وكذلك لمبات الدبل الي مع النور الصغير مغير يطفن ويولعن وش حلهن.
.
.
.
.
ابوغلا2004
27/12/2009, 10:33 PM
سبحان الله وبحمده سبحان الله العضيم
saad.saud
27/12/2009, 11:50 PM
اذا طلعت الرسالة (يجب اصلاح الدفع 4 عجلات )
فاعرف أنه مشكلة كهرباء وغالبا (99%) حساس الدبل وقيمته تقريبا 330 ريال وانصحك بقوة تأخذه من التقوى ( لأنهم يبدلونه لك اذا كان فيه خلل بعد الأستعمال )
قيمة تغيير الحساس تقريبا 100 ريال عند ورشة الموسى بالرياض (متخصصين بالقير والدبل) ... بس ما اعرف ورش القصيم
ابوغلا2004
31/12/2009, 06:16 PM
اشكر جميع الأخوان على المرور
ولازلت انتظرك اخي سوبر فتكككككككككككككككككككككككككككككككككك
.
.
.
.
بدوي جنوبي
31/12/2009, 07:51 PM
ينقل لقسم الاعطال
ابوغلا2004
01/01/2010, 11:52 AM
اشكرك اخوي بدوي على النقل لعله يكون هناك رد
ولازلت انتظر اخوي سوبرفتككككككككككككككككك
اخوي سوبر ارسلتك على الخاص عدة استفسارات
ارجو الرد عليها والمعذره على الإزعاج.
.
.
.
ابوغلا2004
03/01/2010, 12:48 PM
للرفعععععععععععععععععععععععععععععععععععع
سوبر VTC
03/01/2010, 03:17 PM
العذر و السموحة اخوي ابو غلاء
على التاخر في الرد لكثرة الرسائل على الخاص
مشكلة انطفاء و تاشير اللمبات
ربما
في دخول ماء على دينمو حساس الدبل تحت القير
او التماس بفيش الدينمو حق الحساس
او التماس بظفيرة الطبلون ربما لوجود حرارة عالية سابقا
فسببت التماس
او التماس بفيش النور
مر على الكهربائي العثيم اولا يشوف الموتر
او ورشة العثمان او ورشة الشيبان

موفق
ابوغلا2004
03/01/2010, 10:23 PM
الله يجزاك الف خير ياخوي سوبر ماجا قصور
بس ابي وصف للورشه والكهربائي وبيض الله وجهك.
.
.
.
سوبر VTC
04/01/2010, 04:12 AM
وياك

صناعية الرواف تقريبا شرق بريده امسك الدائري الشرقي حق بريده وجهك شمال يجيك كوبري التشليح استمر همن يجيك مخرج كوبري الهديه
خذ نفس المخرج تجيك اشارة الكوبري رح يسار من تحت الكوبري غرب يجيك دوار عند محطه النغيمشي خذ يمين و ادخل مع نفس الشارع تجيك اول اشارة طول همن تجيك صناعية الرواف بوجهك يمين و يسار نفس الخط
يجيك اول محل كبير على اليمين حق مركز خدمه اي سي ديلكو لف بعده مباشره يمين يصير وجهك شمال
استمر مع نفس الخط حتى ينتهي الخط اجباري يسار
اول ما تلف يسار هو اول محل يمين عنده جيوب باترول
يصير قدامك محل حداده شف ورشة العثيم بعده مباشره يعني تفتح جنوب
ان ضعت اسال و راح يدلونك

http://www.mekshat.com/vb/images/misc/progress.gif
***

ورشة العثمان
بتشاليح بريده
من عند مدخل زفلت سكراب الحديد اللي قبل التشاليح
خط يدخل يروح جنوب تجيك ورشتهم على اليسار
كبره خضراء او هي زرقاء
قبل ورشة الصمعاني
ان بغيت ارقامهم علمن

موفق
ابوغلا2004
04/01/2010, 09:43 PM
بيض الله وجهك اخوي سوبر.