رايكم يازملائى دخـول للجميع

[راعى شاهين]

فى هذه الايام ينتابنى شى وهو الاعتزال من الصقاره نهائيا الاسباب هى كثره الصقاره وكل قاع اقنصها انصدم انى ليس الاول بل كان قبلى قوانيص كانوا هنا قبل دقائق وجيزه رغم انى اطلع مع الصلاه للمقناص قلت الصيد وهى الحبارى يمكن بالموسم تصيد واحده او اثثنين او ماتصيد شىء واهم شى اهمال العمل اهمال الاهل وعدم متابعت ابنائك فى الدراسه ابى رايكم الله لايهينكم هل قرارى جيدام لا افيدونى ابى ارائكم حول هذا القرار

[مشبر البران]

لا تعليق!!!!

[صقار مبتدئ]

راعي شاهين و الله العظيم انك رجل عاقل ما دام انك التفت لاهلك و عملك هذا دليل و عيك و حرصك على مصدر رزقك و اولادك الله يخليهم
اخوي الصقارة و لا تخفى عليك متعه و عشق و (صبر) رتب جدولك و ضبط امورك و سدد و قارب تصدق انا ما اقنص الا يوم الخميس فقط و احيان الجمعه ظروف الدوام و الاسرة
شف وقت طرح الطيور قرب يخلص و انا الله ما كتب لي اطرح شي و الله اطلع كل خميس فقط ابشرك اعين طيور بس الله ما يكتب لي فيها شي ولي الحين امكن شهرين ادور على كراوين الديره ابي اهد وكريتي عليها ما لقيت مع اني محدد موقعها لكن ما عينت شي
وازيدك من الشعر بيت اقنص انا و اخوي الصغير فقط
الدعوه بس ترتيب و قت

[القنــ أبو تركي ـــاص]

راعي شاهين كيف الحال

طال عمرك ...راعي الولع ماهو عن الناس نشاد

وانت بس حدد مقناصك ايش

يعني شبك طيور ...او... هداد

لو كان شبك طيور ...خذ إجازة شهر 10 ميلادي (اكتوبر)

ولو هداد (حباري يعني) خذ إجازة من قمرى شهر 11 ميلادي وورى

وهذا شي بالنفس وولع ... لو ما تطرح يكفي السجة بالبر والوناسة

والخروج عن المدينة وزحمتها ورجتها

واخيراً ....شبة النار بالبر مع رجال شروى يكفيك

والله يوفقك اخوي (هذا رايي)

[جـرح الشمـال]

هذي قصيدة من قصار القصايد *** موضوعها يشرح عن الصيد تقرير
ماظني باقي للحباري شرايد *** من يوم كل الناس صاروا صقاقير
ناس تجول من جميع البدايد *** أهل ولع كل على المرتبة طير
وأنا عن الموضوع مامن بعايد *** مالومهم زميلهم بالمشاوير
مزاج وإلا الصيد مامن فوايد *** مابالولع غير التعب والمخاسير
وليا لقينا اللي هالأيام صايد *** رحنا على دربه عسوس ومداوير
قلنا ياليتك معلنن بالجرايد *** ياللي ذبحت الخرب وافي الأشابير
فعلك على اللي مالقى الصيد زايد *** واصل مسيرك يا عشير المناعير
كان إنت لا دورت تلقى طرايد *** شد الرحال ومتر البر تمتير
خل الكسل لمكبرين الوسايد *** ياللي مع الصحرا تدل المعابير

[عاشق الفتك 20]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[راعى شاهين]

لا تعليق!!!! اشكرك على مرورك

[راعى شاهين]

راعي شاهين و الله العظيم انك رجل عاقل ما دام انك التفت لاهلك و عملك هذا دليل و عيك و حرصك على مصدر رزقك و اولادك الله يخليهم
اخوي الصقارة و لا تخفى عليك متعه و عشق و (صبر) رتب جدولك و ضبط امورك و سدد و قارب تصدق انا ما اقنص الا يوم الخميس فقط و احيان الجمعه ظروف الدوام و الاسرة
شف وقت طرح الطيور قرب يخلص و انا الله ما كتب لي اطرح شي و الله اطلع كل خميس فقط ابشرك اعين طيور بس الله ما يكتب لي فيها شي ولي الحين امكن شهرين ادور على كراوين الديره ابي اهد وكريتي عليها ما لقيت مع اني محدد موقعها لكن ما عينت شي
وازيدك من الشعر بيت اقنص انا و اخوي الصغير فقط
الدعوه بس ترتيب و قتمشكور اخوى عسى الله يرزقك بالصيد الوافر و مشكورعلى هالنصيحه

[راعى شاهين]

هذي قصيدة من قصار القصايد *** موضوعها يشرح عن الصيد تقرير
ماظني باقي للحباري شرايد *** من يوم كل الناس صاروا صقاقير
ناس تجول من جميع البدايد *** أهل ولع كل على المرتبة طير
وأنا عن الموضوع مامن بعايد *** مالومهم زميلهم بالمشاوير
مزاج وإلا الصيد مامن فوايد *** مابالولع غير التعب والمخاسير
وليا لقينا اللي هالأيام صايد *** رحنا على دربه عسوس ومداوير
قلنا ياليتك معلنن بالجرايد *** ياللي ذبحت الخرب وافي الأشابير
فعلك على اللي مالقى الصيد زايد *** واصل مسيرك يا عشير المناعير
كان إنت لا دورت تلقى طرايد *** شد الرحال ومتر البر تمتير
خل الكسل لمكبرين الوسايد *** ياللي مع الصحرا تدل المعابير البرفسور القصيده عزالله انها تحكى الواقع الى حنا فيه مشكور على المرور المميزجبتها على الجرح

[راعى شاهين]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ http://cdn.content.sweetim.com/sim/cpie/emoticons/0002041D.gif (http://www.sweetim.com/s.asp?im=gen&lpver=3&ref=10) شكلك مالك بالصقاره شىء مشكور للمرورك

[نحال الجبال]

راعى المقناص مايقدر يسيبه مير اقنع انك تسيب القنص بس توكل على الله ورتب وقتك وعلم عيلك شبة النار وعلوم الرجال بارك الله فيك

[راعى شاهين]

راعى المقناص مايقدر يسيبه مير اقنع انك تسيب القنص بس توكل على الله ورتب وقتك وعلم عيلك شبة النار وعلوم الرجال بارك الله فيك
جزاك الله خير ومشكور للمرورك

[ALAMIR]

عسئ الله يوفقك لما فيه خير يالغااااااالي

وترا الصقاااره والله وناااااسه لا تشيل هم يالغاالي

كلها على بعضها ترتيب أمور مو اجبار تطلع كل يوم

[@قرناص@]

ماظني باقي للحباري شرايد *** من يوم كل الناس صاروا صقاقير

[stewrd]

اخوي راعي شاهين
اسعد الله مساك بكل خير
الراي اللي انت تاخذ راينا فيه انا قاعد افكر فيه بس الفرق بينك وبيني اني انا ما قد نقلت طير فاعل وحظي مثل ما يقول المثل ( مثل حظ ابو زيد في الحمير ) يعني والله اني افكر في هذا الموضوع من جد بس هل تستطيع انك تعتزل لاني حاولت ولم استطع

[صاحب نوماس]

اخوي اهم شي ترتيب وقتك وعملك ماهو تضع اعيالك وعملك على شان مقناص

والمقناص تنبسط فية اذا رتبت امورك وعملك وتكون علة قلق اذا امورك متلخبطة

والله يجزاك الجنة على هالموضوع الهام

[راعى شاهين]

اخوي راعي شاهين
اسعد الله مساك بكل خير
الراي اللي انت تاخذ راينا فيه انا قاعد افكر فيه بس الفرق بينك وبيني اني انا ما قد نقلت طير فاعل وحظي مثل ما يقول المثل ( مثل حظ ابو زيد في الحمير ) يعني والله اني افكر في هذا الموضوع من جد بس هل تستطيع انك تعتزل لاني حاولت ولم استطع
ابو زيد بالحميرههههههههههه http://cdn.content.sweetim.com/sim/cpie/emoticons/000203FB.gif (http://www.sweetim.com/s.asp?im=gen&lpver=3&ref=10) والله الان بيعت الطيور والحمد لله بس هل انا اصبر او لا هذا الكلام نصيحه لو جه الله اتركها مابها الا التعب والكسافه http://cdn.content.sweetim.com/sim/cpie/emoticons/000203F9.gif (http://www.sweetim.com/s.asp?im=gen&lpver=3&ref=10)

[راعى شاهين]

اخوي اهم شي ترتيب وقتك وعملك ماهو تضع اعيالك وعملك على شان مقناص

والمقناص تنبسط فية اذا رتبت امورك وعملك وتكون علة قلق اذا امورك متلخبطة

والله يجزاك الجنة على هالموضوع الهامفديتك راعىنوماس وانت والديك بالجنه ان شاء الله

[راعى شاهين]

اخوي اهم شي ترتيب وقتك وعملك ماهو تضع اعيالك وعملك على شان مقناص

والمقناص تنبسط فية اذا رتبت امورك وعملك وتكون علة قلق اذا امورك متلخبطة

والله يجزاك الجنة على هالموضوع الهام فديتك ياراعى نوماس وانت والديك الجنه

[قرناس مصر]

كله رزق والصيد كده ممكن فى يوم تحصل وفى عشره لا

[عارف الشمري]

هذي قصيدة من قصار القصايد *** موضوعها يشرح عن الصيد تقرير
ماظني باقي للحباري شرايد *** من يوم كل الناس صاروا صقاقير
ناس تجول من جميع البدايد *** أهل ولع كل على المرتبة طير
وأنا عن الموضوع مامن بعايد *** مالومهم زميلهم بالمشاوير
مزاج وإلا الصيد مامن فوايد *** مابالولع غير التعب والمخاسير
وليا لقينا اللي هالأيام صايد *** رحنا على دربه عسوس ومداوير
قلنا ياليتك معلنن بالجرايد *** ياللي ذبحت الخرب وافي الأشابير
فعلك على اللي مالقى الصيد زايد *** واصل مسيرك يا عشير المناعير
كان إنت لا دورت تلقى طرايد *** شد الرحال ومتر البر تمتير
خل الكسل لمكبرين الوسايد *** ياللي مع الصحرا تدل المعابير


صح لسان قيلها وهو الشاعر ((الكبير / بدر الحويفي
الناصح))

انا عن نفسي والله احب الصيد والقنص لاكن الوالد الله يخليه لي محرم الطيور علي ولا ودي ازعله
يقول مابه الا التعب والفقر والاهمال وتكسير السياره يقول خلك على الكسر بكيفك


وجهت نظري اخوي اذا عندك التزامات عمليه واسريه تراها اهم واحلا من الطير

والله اسعاد اولادك واهلك بطلعه للبر جميعآ تسوى جول حباري

نصيحتي عزل وتوكل على الله

[القرناس المهاجر]

فى هذه الايام ينتابنى شى وهو الاعتزال من الصقاره نهائيا الاسباب هى كثره الصقاره وكل قاع اقنصها انصدم انى ليس الاول بل كان قبلى قوانيص كانوا هنا قبل دقائق وجيزه رغم انى اطلع مع الصلاه للمقناص قلت الصيد وهى الحبارى يمكن بالموسم تصيد واحده او اثثنين او ماتصيد شىء واهم شى اهمال العمل اهمال الاهل وعدم متابعت ابنائك فى الدراسه ابى رايكم الله لايهينكم هل قرارى جيدام لا افيدونى ابى ارائكم حول هذا القرار


ياراعي شاهين الله يسعد ايامك


إذا كان ونا اخوك ينتابك الإعتزال من الصقاره
فإن عشرات الشباب ينتابهم التفكير بالمقناص
وهذه معادله تعاكسيه تفتقد للخبره في ضوء الواقع


مالذي دفعك للإعتزال بعد ان كنت صقار وتطرد وتجوب الديار؟؟
إنه فقد المصيد وإنعدام الحياة الفطرية :(


على قولة بدر الحويفي

هذا هوى اللي قزّر القيض كله
.................................................. ...... ماشاف غير القوبعة والعصافير

أما الأجيال الحاليه فإنهم يدخلون المقناص ويقتنون طيور
ولكن للأسف ماعندهم غير الحمام يهدون عليه للوناسه وبعض الكراوين


وقليل من لديه القدرة على السفر ودفع تكاليف هوايته


على كل حال إذا فقدنا ركائز المقناص فأتمنى ألا نفقد ابنائنا فهم بحاجة إلينا


ومافكرت ونفكر فيه سبقنا إليه الكبار والمخضرمين


وفقك الله واسعد أيامك :)

[هموووس]

التعلق بالقنص والمطاريد مشكلة ما لقيت لها حل
بس لو لي طلعة وبر ووناسة انسى نفسي معاها
يا يزين طلعة البر وشبة النار والرياجيل وشرواهم

[العميد ابواروى]

من كلام العلامه عبدالله ابن جبرين رحمة الله

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته


حديث ( من بدا جفا و من أتبع الصيد فقد غفل )

صحة الحديث

الحديث صحيح فقد رواه الإمام احمد في مسنده عن أبي هريرة رضي الله عنه و ذكره السيوطي في الجامع الصغير و رمز له بالحسن و صححه الألباني في صحيح الجامع و في الأحاديث الصحيحة 0

شرح الحديث

معنى من بدا جفا :
أي من سكن البادية بحيث يتنقل من مكان إلى مكان فإن العادة في الأعراب الجفاء وغلظ الطبع نتيجة الجهل لقول الله تعالى (الْأَعْرَابُ أَشَدُّ كُفْرًا وَنِفَاقًا وَأَجْدَرُ أَلَّا يَعْلَمُوا حُدُودَ مَا أَنْزَلَ اللَّهُ عَلَى رَسُولِهِ وَاللَّهُ عَلِيمٌ حَكِيمٌ )

و معنى من اتبع الصيد غفل :

أي من جعل همه متابعة الصيد في البراري و الشعاب فإن العادة غفلته عن الحساب و الجزاء في الآخرة و اشتغاله بما يهتم به من تتبع الصيد فيغفل عن الأعمال الصالحة و ينشغل عن الصلاة و الصيام و الذكر و سائر العبادات . و لعل هذا يختص بمن جعل وقته كله لتتبع الصيد في الفلوات و ابتعد عن القرى و المدن و عن العلم النافع و العمل الصالح

من كلام الشيخ العلامة عبدالله بن جبرين رحمه الله



اتمنى لك التوفيق والسداد ... اخوك ابو اروى

[بعيد الهقاوي1]

اخوي راعي شاهين


الصقاره ماعاد لها طعم واغلب الصقاقير اللي عليهم الكلام تركو المقناص مابقا الا قليل وبعض القوانيص

مايدري وين الطير رايح وهذولي اللي خربو البر والبر بعد ماجلان ماعاد يونّس صار حتى الرخمه يقنص حباري

لكن المقناص يبقى هوايه واذا عندك ظروف واشياء مهمه طع شوري واترك الطير ماعاد فيه شي يسوا

الحبارى وخلصت ماعاد فيه حباري والكراوين وقضو عليها مابقا الا شي قليل مايسوا انك تترك عيالك وعملك

احرص على عيالك وعملك وكان قصدك حبارى خلاص انسى انك كل طلعه تصيد فيها الله يذكر زمان اوّل اللي

لقينا بموسم سنة 2000 و2001 اللي لقينا 44 حبارى والسنه هذي بنفس مواقعنا لقينا ثنتين بس

والعام وحده وقبله 4 الاعداد اللي قبل مستحيل ترجع مصلحة عيالك اهم من المقناص


واذا تبغا تسج حول ديرتك مايمنع انك تزيّن جدولك وتسج تدعي طيرك وترجع كانك تحب الطير

اما الحبارى ما اتوقع انك بتستانس في سنيننا الاخيرهـ ..

ياطير ماحدك نصيبك على خير ... وراك مسجون ٍ بوسط الغماره

حسبي على اللي عزرو فيك تعزير .. تكفخ ويصلاك الحديد بحراره

حشرت طيور البر حتى العصافير ... من يوم دوّر من وراها تجاره

[مالك المصرى]

اخى الكريم
الصقارة هواية
بس انا مش عارف انت تقصد شبك صقور
ولا مقناص ؟؟؟
وممكن تأخد فترة راحة وترجع تانى قترة

[طراش]

مشكور اخوي

[راعي البرقه]

الله يعين الحال من بعضه وانا اخوك ولكن سجايه ياحسين سجايه

[@السيف@]

يا خوي ترا الرزاق الله وهذا ضعف ايمان اذا انت مالقيت طير تطرحه ولا حباري تهد عليها غيرك ما لقي لقمه عيش ياكلها اطفاله ادعي ربك يرزقك باللي تريد ولا تتوقع ان اللي تصيده مكتوبه باسم غيرك والله ما تموت حتي تستوفي رزقك سواء صقور او حباري بس اسعي ونظم وقتك واعطي كل ذي حق حقه

[فالح العرجي]

السلام عليكم
اخواني انا اذا جاء اخر الموسم اقول باعتزل واترك المقناص
وافكر ان الرجال يترك دوامه اللي هو مصدر رزقه ورزق اعياله
واترك اعيالي وشيباني وربعي اللي هم مالهم في المقناص وبعض المناسبات
علشان المقناص وفيه ضياع الوقت وهدر المال الزايد ومنه اتلاف المواتر عند الطرد
واقول باعتزل لاكن المشكله اذا جاء وقت النقله او ضهر سهيل وكل من الصقاقير نقل
طيره هنا يجيك شي ماتدري وش الا تنقل طير او تربب طير خويك وشوي شوي تشتري
طير وبعدين تروح في الرحله وهذى الحال كل سنه
وتقبلوا مروري

[صاحب نوماس]

ماظني باقي للحباري شرايد *** من يوم كل الناس صاروا صقاقير
:good2: :good2: :good2: :good2: :good2: :good2: :good2: :good2:

[ابو شعيله 1]

ياخووي والله طلعه للبر ومعك طيرك ورجال شرواكم انت واحوانك وعيال عمك

وجماعتك وخوياك تسوى الدنيا ومافيها وشبة النار وفجال وعلوم رجال فلان صاد

وفلان افلس وفلان ماحصل والله تسوى الدنيا شد العزبه وجهز الموتر للمطاريش

وتوكل على الله والله يوفقك