:: مشكلة المخوش في السيارة .. من يلقى لها حل:: [الأرشيف]

مشاهدة النسخة كاملة : :: مشكلة المخوش في السيارة .. من يلقى لها حل::

خيال القصيم

27/12/2009, 09:42 AM

بسم الله الرحمن الرحيم ..
السلام عليكم ورحمة الله وبركاته ..
ياحي الله الجميع كلن باسمه ..
وصراحة عملكم وحبكم للخير شيء واضح ومشاهد ..
فالشكر للجميع ..
ياأخوان أخوكم معه باترول لونه أسود ..
وجاء واحد من الوراعين (الله يهديه) وقالب باب الموتر سبوره ..
المخوش واضحه وطايره البويه .. فما أدري وشلون تروح بدون رش الباب ..
فياليت اذا أحد عنده علم أو خبره أو مرت عليه هالسالفه ..
وأعتقد ان الكثير يشتكي منها وخاصه اللي ألوان مواترهم غامقة ..
شاكر ومقدر لكم ..
أخوكم أبو محمد ..

السد الغزير

27/12/2009, 11:57 AM

هلا بك خيال . . يجي مع السيارة علبة بوية صغيرة . هذا هو يومها . استخدمها ولامانع من إعادة تعبئتها من محل تركيب بوية أصلي .

وبناء على كلامك(أنها كتابة بس) أنت تقول قالب الباب سبورة يعني من الكتابات ولا مشوخ ؟

وإنكانها مجرد كتابات فأمرها سهل . خذ لك علبة واكس للتلميع مع شوي قطن من الصيدلية وأمسح المكان المصاب .

والله يخلي لك ورعانك . ولاتضربهم هههههههه

عصاقيل الدخله

27/12/2009, 02:51 PM

ما قصر اخوي السد الغزير

وفيه طريقه ثانيه اذا هي كتابات مو مخووووش

جب لك صحن صغير او اي شي مشابه له وحط شوي مويه وشوي تراب الله يكرمكم وخذ باصبعك :good2: وشوي شوي على الكتابه افركه وتروك الكتابه وانا شخصياً مجربها على البخاخ اللي يكت فيه على الجدران والنتيجه :good:

تحياتي للجميع

سوبر VTC

27/12/2009, 04:24 PM

و عليكم السلام و رحمة الله

ساعطيك طريقتي و لعل احد الاخوان تكون فكرته و طريقته افضل
ما نستغني عن ابداعاتهم

تشري من المكتبه ريشه حقت رسم اللي راسه مثل فرشة الاسنان او مثل الفرشات حقت راعين البويه
طبعا تاخذ اصغر مقاس و بعدين تقص كل الشعر بالمقص ماعدا 7 شعرات تقريبا
ال7 شعرات تقصهن بحيث يكون طول الشعره الواحده ثلث او نص سم للجميع
ثم تجيب غراء ياباني كرتونه برتقالي سعره ب2ريال
او امريكي كرتونه ابيض بسعر 3ريال
و تحط غراء على نفس هذه الشعرات او الشعيرات
حاول تجعلها متلاصقة بعد وضع الغراء
و اذا جف او نشف الغراء تقص من هذه الشعرات من الاعلى لمسة خفيفه تقريبا 1ملم
عشان يكون الراس مدبب و هذه نقطه مهمه من اجل تنقيط البويه بالشكل الصحيح

و تروح تاخذ بويه من حقين بويات السيارات
احرص على افضل شخص مشهور بتطبيق البوية بالشكل الصحيح
عادة تجد رقم بوية سيارتك من خلال باب السواق او من خلال الاستكر بدرج السيارة...الخ
خذ من عنده ربع كيلو ب10ريال او 5ريال
و خذه من عنده تنر ب5ريال و حطه بعلبه صغيرة مثل حقت مويه
و خذ قطن او قماش

بعدين تحط تكب بعض البوية بعلبه قطرة عيون حقت الصيدلية تعبيه بويه تقريبا ثلث فنجال القهوة او ربع بيالة
عشان ما تنشف البوية بسبب تعرضه للهواء
و انت عارف ان شغلة التنقيط تحتاج سعه صدر تقريبا نص ساعه فاكثر اذا كانت الخدوش كثيرة
الريشة تغمر راس الريشه فقط بالبوية لا تكثر عشان ما تسيل البوية
يعني كل خدش تقدره التقدير الصحيح من ناحية كمية البوية و غمر الريشة
طبعا تنقط البدي بواسطة هذه الريشة و في نفس الوقت تحط اصبعك الكبير على نفس العلبة ==> تسكر الفتحه عشان ما تنشف البوية بسبب الهواء
ان امكن تلبس مدساس حق المستشفيات تحصله بالصيدليه
10حبات بريال

اذا نقطت البدي بالبوية و اخطات في مكان التنقيط او سالت البوية من مكان الخدش
امسحه بواسطة التنر==>مسحه خفيفه و لاراح يضر
و اكمل عملك حتى تنتهي

هذه الطريقة اذا طبقتها بالشكل الصحيح يطلع الشغل رااااااائع جدا :good:
افضل من بعض الورش و الوكالات لانهم ماعندهم ذمه
و حالهم يقول ==> جلد مهب جلدك على الشوك جره :mad:

انا سبق جربت الابره حقت الصيدليه اصغر مقاس
لكنه متعبه جدا و تسيل البويه بكثره

موفق

خيال القصيم

28/12/2009, 09:29 AM

أخوي السد الغزير , و عصاقيل الدخله ..
ياهلا والله بكم ..
هو اللي أقدصه المخوش ولا مثل ماذكرتوا بطرقكم بخصوص الكتابات ..
شاكر ومقدر مروركم وتجاوبكم ..

أخوي سوبر فتك ..
وش أخلي وش أقول ..
أعلمك ماخليت شيء الا ذكرته وأنا اشوفه طريقه حلوه ..
لكن موتري لونه أسود فوش رايك هل تبي تكون فتاكه ..
وهل فيه مشكله لو ماضبطت اني امسحه بالتنر وما يحصل أي مشكله مع البويه الاصليه ..
أكرر شكري لك ..

سوبر VTC

28/12/2009, 02:35 PM

خيال القصيم

29/12/2009, 08:56 AM

يسلمو ياحبيب ألبي ياسوبر فتك ..
وبإذن الله اني ابجرب الطريقة وأعلمكم بالنتائج ..
شاكر ومقدر لك ..

أصيل حجآ زي

29/12/2009, 07:47 PM

حياك اخوي
لاهنت
النتيجة تبي تكون معك ممتازة :good2:
لان اللون الاسود مايبين ان الموتر منقط :good:
اذا طلعت البوية او سالت عن المكان
تقدر تمسحه بالتنر
تمسحه على خفيف بس ما تضغط عليه :no2:
و تقدر تمسحه ببنزين
و اذا نشفت البوية تقدر تلمع نفس المكان تلميع خفيف
مهب ثقيل
ميزة بوية البلد ماتتاثر بالتنر

أخـي الـكـريـم /// سـوبر فـتـك
جـزآك الله خـيـر عـلى هـذا الوصف الـدقـيـق و المـُمـيـز :
طـريـقـة مـُمـتآزة ومـوفــقـك

وأشـكـُر الشـبآب وصآحب الموضوع .

للأخـوآن الكرآم زوآر مـكـشآت ...

تـــآ بــع د ر و ســـي لـلـفـآ ئـد ة :
أ ُعـلـمـك كـيـف تـُـصـبـح مـُهـنـدس سـيـآ رآت وكـهـربائي سيارآت ومـنـآزل ؟؟؟ 100% (http://www.mekshat.com/vb/showthread.php?t=226714) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=226714)2 (http://www.mekshat.com/vb/showthread.php?t=226714&page=2)3 (http://www.mekshat.com/vb/showthread.php?t=226714&page=3))

أن تـرى أني قـد أفـدتــُـك بــشيء ذا مـعـنى ... ;)
وأستحق مـــــــنــــــــــــك دعوة صالحة
فـــلا تــنــــــــــــــســآ ني :no2:
مـــــن صــــــآ لـح د ُعـآك.
http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)http://www.allfordmustangs.com/forums/avatars/mplumlee6.gif?dateline=1060436965 (http://www.allfordmustangs.com/forums/members/mplumlee6.html)
تـحـيــــــــــــــــآ تي
<<< أ بـو عـبـد ا لـرحـمـن >>>
""" ا لأ صـيـل ا لـحـجـآ زي """