الطير ينغق اذا طار وش السبب

[صقار الأسياح]

السلام عليكم ورحمة الله وبركاته
كيفكم يااهل مكشات عساكم طيبين واحد من الشباب طلب مني اني اضع هذا الأستفسار بمكشات لثقته بخبرتهم
طيره اذا طار نغق عطاه حبوب عن الملوع ما انفعت كل شي سواه معه واحيانا وهو يلف على الملواح ينغق رغم انه يطرد الحمام هل هذي ملوع او وش السبب ووش اللي يبين ان الطير به ملوع

[مشبر البران]

الأخوان ما يقصرون

[صاحب نوماس]

اخوي هذا ملوع

ودواء الملوع ماهو الحبوب فقط الراحة التامة لمدة خمسة ايام على الاقل وعطة شب وموميان ترى الحبوب تروح الملوع وتعود

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي/ صقار الاسياح
الملع طيره دايم يغضي ويهدل
والنغقه التهاب فالجهاز التنفسي وماتخوف
اكثر ماتجي فالتفاريخ والتهاجين
عقب فتره تخف وعقب احتمال تختفي
لاتحرص على العلاجات احيانا تزيد للتهاب
والله اعلم
اتمنى لطير رفيقك الصحه والعافيه
*
والسلام
الفيتو
الحجاز
10-1-1431هـ
http://www.mekshat.com/pix/upload01/prof007/mk8575_rm.jpg
الله على أيام مضت ياليتها لي تعود... لو كان بالمشترى لو كان بالمشترى

[ابوسعد 3]

الاخوان مايقصرون ..

[ســــهــــيل]

ان شاء الله طيرك مافيه شي والله هو العالم ان طيرك تفريخ واكثر التفاريخ تنغق لاطارت
وشكراً

[صقار مبتدئ]

طيب انا طيري وكري وفيه نفس الحركه اذا طار بس اذا بدا يهد على الحمام و يرتفع تروح النغقه لما يبدأ يطير انا حاس ان فيه شي افيدوني

[جـرح الشمـال]

الطير فيه ملــــــــــــع

[الرّمااااي]

السلام عليكم وياليت اخوي الفيتو يبين لنا تجربته مع اللتهاب الجهاز التنفسي للطير لان فعلا انا طيري ينغق وكشفت عليه لقيت اللتهاب بالراتين وشكرا

[القرناس المهاجر]

حقيقه ماجربت التفاريخ
وكلام اخوي الفيتوا هو الصواب
والتهاب الجهاز التنفسي يخلي الطير مايلحق
ويكون به حشرشه بالصوت


لكن اذكر طير كان عندي ينغق من الفسقه والنشاط :D
إذا هديته تسمعه ( كك كك كك ) ومايطول الصوت
ثم يجيب العلم السنع إللي ينومس :good2:


أسال الله انه يشفي طيرخويك

[راعي صعيب111]

الطير نزر والله اعلم

[قرناس حائل]

حياك الله اخوي صقار الاسياح والاخوان كلهم

-اذا الطير فيه جرح (حتى اذا كان جرح قديم ) احتمال كبير انه ينغق لا طار

- مثل ماقال اخونا الفيتو يمكن فيه التهاب بالرئه

لكن اطع شوري خله يروح به للمستشفى ويفحصه

تقبلوا تحياتي

[hawwamT]

أنا أشوف الأمر عادي...مافيه شي

[زعلان منك]

ابشر بالظفاره والله واعلم وتقبل مروري

[خلوي]

من اعراض ان الطير فيه تسمم رصاص انه يكرك, ود طيرك للمستشفى وخلهم يفحصون نسبة الرصاص في الدم, اذا كانت اكثر من 10% فمعناها ان الطير متسمم, وسبب تسمم الطير بالرصاص انه يعلف بعلف مصيود بسلاح سواء كان خرازه او هوائيه او شوزن, وبعض الطيور تكرك ومافيها اي شي ممكن يكون السبب حداده في الطير,,, والله أعلم

[سٌِِّيَآفْ]

موهب شرط يكون في الطير املوع ولا شرط يكون تفريخ عادي فيه طيور كثير تسوي كذا اول ماتهده واكثرمايسوي كذا الطير البكستاني

[y5393y]

ابشر بالظفاره والله واعلم وتقبل مروري


وانا ايد كلامك لان الطير اذا طار ونغق فهذي شجاعة بالطير

[@قرناص@]

الصقاقير ماقصرو ,

وانصحك بذهاب الا المستشفى لفحصه والتآكد ..

والسلآم عليكم

[عاشق المخيله]

ماهو شرط ان الطير اذا نغق ينغق من ملوووع
بعض الطيور يصير طبع فيها النقغقان اذا طار من الدس او اذا سحبت منه الملواح

[رأعي الخرشه]

السلام عليكم ورحمة الله وبركاته
انا اخبر كم طير كان ينغق بس ماكانت الطيور مريضه
على كلام الصقاقير اللي من العهد الفرعوني يعني موديله قديم
يقولون ان هذي من حراره في الطير واكثر الطيور اللي
مرة علي كان فيهاا سبق غير طبيعي
وانا عندي تفريخ جير ماينغق اذا طار ولا يصيح
على العلف انا اتوقع ان هذا من حراره في الطير
ماهو دايم يكون التهاااب
تقبل مروري

[فالح العرجي]

السلام عليكم
اخوي صقار الاسياح
انا قد مر علي طير ينغق وسالت شيبان صقاقير بمعنى الكلمه من غير
قصور في اخواني
قالوا ان الطير اللي ينغق هذا من الحداده والفتنه في الطير
وليس ان شاء الله فيه شي ولاكن من الحرص والواجب انك توديه للمستشفى
ولا تخبرهم بها وقل لهم يفحصونه كامل وشف بعينك
وتقبلوا مروري

[ابو طلحه]

الطير الي ينغق هو الطيرالسبوق

[فارس11]

الاخوان مايقصرون ..

[القناص20.20]

كان مع واحد من الربع طير يسوي زي كذا اول مادعاه قام ينغط بعدين مع الياقه كل اشوي يتخر في النغط يوم تليق وصار فل صار ما ينغط لين يهلك ويتخر بالطرد ولله مادري كان طيرك زيه او يمكن في التهاب في المفاصل يبايه اشعه تبينه وتاكد من المفاصل ترا يمكن ملتهبه

[ربع خالي]

السلام عليكم ,,
هذي الحاله ياخوي تجي بعض الطيور وخاصه في أول طياره عند الدعو او الهدد , وهذي الحاله اختلفت فيها أرآء أهل الصقاره,
فمنهم من نسبها لحراصة الطير وقطاعته ,
ومنهم من نسبها لعجز الطير بسببين ,
أول سبب ان كان الطير شايل عديه أكثر من اللازم ولايستطيع جناحه على رفعه الا بالقوه ,
والسبب الثاني ان كان الطير ضعيف ,,,
عموما الطير من وجهة نظري مابه باس ولكن الفحص واجب للإطمئنان,,,
تقبل مروري
تحياتي

[القطاوي 2008]

ما قصرو الاخوان
والله يشفي طيرك يالغالي

[النمر الأشهب]

بصراحة صارت لطيري والسبب في ذلك إلتهاب في الفرسة بعدما شنذرته وصار الجهاز التنفسي ملتهب من الشنذرة وبعدما عالجته رجعت الأمور طبيعية ولله الحمد.:lr

[صقار الأسياح]

بيض الله وجيهكم على الردود الطيبه

[a1Ruwais]

الله يشفيه

[ذعذاع نجد]

اذا اول ما يهد من كفك فهاذا ملع في الطير

[نمر الصحراء]

طيرك عنده التهاب وديه المستشفه
ونشاءالله مابيه الا العافيه

[داااحم]

افااادوك الاخوان

[يحب البر]

اخوي صقار الأسياح اذا طيرك يطحن وهو ما علف تراه قلاع ولاتتأخر كورس من المستشفى وربك كريم قد يكون داخلي وانت ماتقدر تشوفه ومثل ما قالوا الأخوان فحص كامل وارقد وآمن باذن الله تعالى

[ابـــًًو تركـــًي]

بسم الله الرحمن الرحيم

السلام عليكم ورحمة الله وبركاته
مساء الخير ياخوي/ صقار الاسياح
الملع طيره دايم يغضي ويهدل
والنغقه التهاب فالجهاز التنفسي وماتخوف
اكثر ماتجي فالتفاريخ والتهاجين
عقب فتره تخف وعقب احتمال تختفي
لاتحرص على العلاجات احيانا تزيد للتهاب
والله اعلم
اتمنى لطير رفيقك الصحه والعافيه
*
والسلام
الفيتو
الحجاز
10-1-1431هـ
http://www.mekshat.com/pix/upload01/prof007/mk8575_rm.jpg

الله على أيام مضت ياليتها لي تعود... لو كان بالمشترى لو كان بالمشترى

ميه ميه هذا الكلام:good: :good: :good: :good: :good: :good: :good2:

[اااالحبردي]

انا أضم صوتي لصوت الاخ خلوي

[333]

افادوك الأخوان
تقبل مروري
اخوك:333

[طير. شلوى]

الطير فيه ملــــــــــــع

[ابو حوط]

السلام عليكم
انا اتوقع ان فيه ملوع
وانصحك بـ مميان ولا تعطيه حبوب ولا شي وانتبه لاتكثر له ولا يروحه في الحم ابغاك
تحطه له في القلب
تقيل مروري

[فهد الدقباسي]

اخوي ياملوع او طبع بطير

[الكايد 123]

افادوك الاخوان

[حمد الدجران]

السلام عليكم ورحمه وبركااته
شدني الموضووع وحبيت ارد عن واقع تجربه

عندي قرنااس سااادس اولته قرناس هوى والطير صقرته قرناس ثنو وحش

ومن عرفته لليوم وهو ينغق على الحبارى والتلواح اما الصيد البااقي فلا ينغق عليه ودايم يطلع صوته اول مايطلع من السيااره وعقب مادري هو ينقطع او يتواصل الاذا السنه هديته على حبارى ماطارت وقمت اسوقها بالموتر يعني قريبه من الموتر وهو يمسحها ويشهر وكل مامسحهاا سمعت الصووت وافحصه دايم وسليم ولله الحمد وللعلم الطير منغولي
(الله اعلم انها طبيعه)

اخوكم حمد الدجران

[راعي شهاااااب]

السلام عليكم
اخوي النغقه اللي تجي في الطير على الهدد والدعو هذي حداده ولايمنع هذا انك تفحصه وانشاله انه سليم بأذن الله وابشر بالعلوم الطيبه من ورا النغقه اللي على الهدد وانا اخوك والله يوفقكم والمتابعين انشاله
تـــــــحياتي

[Lance-501]

افادوك الاخوان

[ALAMIR]

عندي جير في النغقه

وحالته يالله لك الحمد

وحتي بالفحص مابه شئ

[الصامل999]

اسعد الله صباحك
ملاحظتي:
1/اذا فيه ملوع عطة شب مع موميان شي بصيط .
2/احتمال انه تكون طبيعه بالطير.