قربوا تدفوا لايدخلكم البرد

[عبد الله الفايز]

بمناسبة البرد اللي دخل علينا حبيت أدفيكم بهالضوية ( فاكهة الشتاء )

http://members.lycos.co.uk/abunaif1425/upload/uploading/588.jpg


لكن بس ترا هالحبيب شوفوه واقف يقول اللي ماخاف يقرب

http://members.lycos.co.uk/abunaif1425/upload/uploading/DSCN1222.jpg

أرجو أن تكونوا قد وجدتم دفئا في صوري

تحياتي لكم جميعا

[ريف النشاما]

الله يبارك فيك على هالضويه

بس وش ذا اللي بعده

ضب وبشتاء يعني نشويه :mad:

ياخوك شكله يخرع كنه يبي يقلع :director:

تحيتي

[عبد الله الفايز]

الله ياخيي ياريف النشاما يجبر بخاطرك ويجزاك خير

شكل صوري هالمرة مالأمينهن داعي

[صقر]

أخي عبدالله

والله البرد اللي فاجأنا ان الواحد وده ياكل الضو اكل.


مشكور على الصورة ... ومثل ما قال مشرفنا ريف الضب للشوي ؟؟؟

بارك الله فيك.

تم نقل الموضوع الى الخيمة العامة

[خشم الحصان]

الاخ الغالي
عبد الله الفايز
السلام عليكم
اخي الحبيب يجعلك تفوز في الدتيا ولاخره اللهم امين الله ياهي شبه ذكرتني منول اذا قمنا نجمع كرتين وخشب وكلش ثم قبسنا فيها وجلسه حولها سن حنا مواجرين بس هالنار شكل ثاني
وذكرتني بالدهنا ء وذيك الارطي
بسم الله الرحمن الرحيم وشذا الله يطامنا ويامنك بسمه فزع به رايحين تطاقون مع احد ذا ضب كمال اجسام
وينك ياخوي (ضب) مبطين ماشفناك يالغالي في المنمتدي علي فكره يا عبد الله ترا فيه واحد من ربعنا اسمه (ضب) يعني مهوب ضبك
قطع ضبك سنه شارق بشاهي شق عيونه
اخوي (صقر ) شهذا(تم نقل الموضوع الى الخيمة العامة) وين لقيتوه فيه لحاله ولا معه ضبه قابله انه بيضيع
اخوك
خشم الحصان

[ابو شكاع]

يامال العويفية

يازين الشتاء والضوية والحليب

بس ياخوك لولا ان الواحد كل شوي رايحن لبيت الراحة الله يكرمكم.. كان تمام


الضب ..... ما علي هكلام .... الصورة طالعتن رهيبة

تسلم ولاهنت

[نفل]

السلام عليكم

هلا اخوي عبدالله

صورة ما عليها كلام ويكفي انها من يد واحد محترف بصراحة
صورة واضحة جدا وياليت تعطينا الاعدادات اذا امكن
والثانية كذلك رائعة وما ادري هو انت استخدمت فيها الزوم
ولا كان قريب :D

وشكور وجزاك الله الف خير

اخوك ابو محمد

[راعي الكيف]

يعطيك الف عافية على الصور بالذات صورة الجمرة !!!

بصراحة روعة جدا جدا جدا


تسلم يمناك ............ يا بو عابد !!

[عبد الله الفايز]

المشرف العزيز صقر

أشكرك على الزيارة والنقل


========

صديقي خشم الحصان

عساك تسلم ... ذكرتن أيام المدرسة الابتدائية والقراوة نقوم نشب ضو مثل ماتقول من عراجد وكراتين وصنوخ وجذامير ونقعد نتطيب قبل لاندخل المدرسة ثم الى دخلنا كل واحد معه حصاة محماة على النار تدفي ايدياتنا اللي تعكف من البرد لامكيف ولا دريشة ولا لبس زين وريحة الواحد متجمعة فقس وريحة الشبة يالله من فضلك

بالنسبة للضب ( اللي بالصورة ماهو رفيقنا راعي المنتدى ) أنا محدد مكانه بالصمان وإن شاء الله أزوره هالسنة إن كان توصي بشي

الله يرحم والديك
=========

ابو شكاع الله مير يسلم هالوجه ويجزاك عنا خير

أشهد بالله مافيه أحسن من البراد والشبات لولا شوي هالصخينات اللي تجي البزران وتوذينا
والا بيت الراحة قريب ودافي يالله لك الحمد
تسلم
========

الروعه والله والكيف أنت ياراعي الكيف الله يبيض وجهك مشكور

[عبد الله الفايز]

والله من العجله ؟!!!!! نسيتك يابو محمد ... ماينسى الا أغلى الناس :j


حبيبي أشكرك على الثناء وهو تكريم لشخصي الضعيف

الاعدادات
ايزو 200

الفتحة 6.5

الشتر 1/3

بالنسبة للضب قريب مني بالحيل

مشكور وآسف ياأستاذي